Maroof YouTuber Ducky Bhai ki ahliya Aroob Jatoi shohar ke jail case par baat karte hue ro pareen. Ducky Bhai betting apps case me 3 mahine jail me rahe. Aroob ne ise zindagi ka baara trauma qarar diya, jabke Ducky ne bataya ke is haadse ke baad unki family abhi tak dari hui hai.

Maroof adakaara Ayeza Khan ne shohar Danish Taimoor ke sath talaq ki afwahon par khamoshi tod di hai. Social media par pictures delete hone aur bold avatars ke baad alhedgi ki khabrein phail rahi then. Ayeza ne fan page ke jawab me in tamam khabron ko jhoota aur be-bunyad qarar diya hai.

Maroof adakaara Maira Khan ko social media par apne western libas aur travel reels par shadeed tanqeed ka samna hai. Drama industry chhorne ke baad Maira ki bold pictures par fans ne hairat aur afsos ka izhar kiya hai, jabke kai users unhe deeni hidayat ki duaein de rahe hain.

Maroof superstar Hamza Ali Abbasi ne naye drama serial ‘Goongay Behray Khwab’ ke liye contract sign kar liya hai. Is project me wo Gen Z adakaara Hina Afridi ke sath nazar aayenge. Saife Hassan ki hidayat aur Zafarullah Khan ke tehreer kardah is drame se Hamza Hum TV par wapsi kar rahe hain.

Maroof jori Ayeza Khan aur Danish Taimoor ke darmayan alahdegi ki afwahon ne social media par shor macha diya hai. Ayeza ki Danish ke show ki screening se gair-haziri, salgirah par paighaam na bhejna aur ek gahri picture post karne par fans me tenison ki lehar daurr gayi hai.

Maroof media shakhsiyat Dr Omer Adil ne Hina Niazi ke show me Nabiha Ali Khan aur unke shohar Haris Khokhar par tanqeed ki hai. Unhon ne kaha ke ye jori shohrat ke liye gharelu waqiat share kar ke media ka ghalat istemal kar rahi hai, jabke siyasi nazariyat par pabandi lagayi jati hai.

Danyal Zafar aur Komal Meer Green TV ke naye drama serial Raqaas me pehli baar eik sath screen share karne ke liye tayyar hain. Radain Shah ke likhe aur Shahid Shafaat ke direct karda is project me Babar Ali bhi shamil hain, jisse fans me kafi besabri dekhi ja rahi hai.

Actor Bilal Qureshi ne Youm-e-Azaadi par awam ke rawayye par tanqeed karte hue kaha ke log azadi manane tou nikalte hain lekin haqiqi azadi ke liye nahi. Unhon ne “Beggars can’t be choosers” ka hawala dete hue kaha ke hum haqiqi azadi ke liye stand lene ke bajaye sirf hungama karte hain.

Maroof singer Fariha Pervez ne Ahmed Ali Butt ke podcast me walidain banne ki zimmedari par baat karte hue kaha ke unki koi aulad nahi hai. Unhon ne wazeh kiya ke agar unka bacha hota tou wo uski hifazat aur dekh bhal me itni zyada dhyan detin ke shayad apni zindagi hi gharaq kar letin.

YouTuber Rajab Butt ki ahliya Emaan Fatima ko unke dost Nadeem Naniwala ke sath Youm-e-Azaadi ki ek taqreeb me dekha gaya hai. Is mouqe par unke bhai Aoun bhi mojood thay. Rajab Butt se ikhtilafat ke baad content creation me qadam rakhne wali Emaan ki is shirkat par social media par mila jula reaction dekhne ko mil raha hai.