Mawra Hocane ne drama ‘Zanjeerain’ mein behtareen adakari par Ameer Gilani par fakhr ka izhaar kiya hai. Dono ne law college ke baad drama ‘Sabaat’ mein aik sath kaam kiya aur phir shadi ke bandhan mein bandh gaye. Ameer Gilani ne is drame mein ‘Mudassir’ ka kirdaar nibhaya, jis par Mawra ne un ke liye aik muhabbat bhari post share ki.

Alizeh Shah ne Falak Shabir ko be-naqab kardiya. Falak ne Punjab ki CM se khawateen ke chote kapron par pabandi ka mutalba kiya tha. Alizeh Shah ne inkishaf kiya ke un ke sath song ‘Yaadan’ karte waqt Falak ne unhein zabardasti chote kapray pehnaaye thay, jinhein un ki bewi Sarah Khan ne khud style kiya tha.

Senior adakara Bushra Ansari ne aik hairat angez inkishaf karte bataya ke unhon ne aik dafa Mahira Khan aur Fahad Mustafa ke mobile numbers delete kar diye thay. Bushra Ansari ke mutabiq, unhon ne yeh qadam is liye uthaya kyun ke un dono ne un ke bhejay gaye messages ka jawab nahi diya tha.

Momina Iqbal ne social media par khawateen ke haqooq aur un par hone wale zulm ke khilaaf aik quote share kiya hai. Is bayan mein aik baap ki taraf se betiyon ko seekh di gayi hai ke agar koi mard un par haath uthaye to use tabaah kar dein, kyun ke baap unhein jail se nikal sakta hai magar qabar se nahi.

Shagufta Ejaz ne social media par aik sabaq-amoz aur khubsoorat paigham share kiya hai. Unhon ne bataya ke doosron mein khoobiyan dhoondna khud aik khoobi hai, jabke musalsal doosron mein aeb ya khamiyaan nikalna khud aik bohot bara aeb hai. Unhon ne logon ko naram-mizaji, tareef aur positivity apnanay ka mashwara diya.

Reema Khan ne zindagi aur khushiyan baantne ke hawale se aik bohot hi pyara paigham share kiya hai. Unhon ne farmaya ke zindagi tab behtar hoti hai jab aap khush hote hain, lekin yeh tab behtareen ban jati hai jab aap ki wajah se doosre khush hon. Saath hi unhon ne sab ke liye Allah ke karam ki dua bhi ki.

Rimsha Iqbal ne momina ki shadi ki haqeeqat se parda uthaya hai. Unhon ne bataya ke abhi sirf Nikkah ki rasmaat hui hain, jabke Momina ki Rukhsati November ya December mein hogi. Rimsha ne yeh bhi wazahat ki ke Saqib Chadhar ke paas koi asli videos nahi hain, balkay woh sirf AI videos bana kar viral karne ki dhamkiyan de raha tha.

Hijab Khalil ne social media trolling par khamoshi tor di hai. Unhon ne bataya ke un ke waalid ke kidnapping scandal aur adakara Saba Qamar ke libas par diye gaye bayan ke baad logon ne unhein buri tarah cyberbully kiya. Hijab ne kaha ke log un ke Western kapdon par unhein tana dete thay, jis se unhein bohot dukh pohuncha.

Aliza Sultan ko social media par hijab hatane par kadi tanqeed ka samna hai. Aliza, jo aam taur par hijab mein decent content share karne ke liye jaani jati hain, haal hi mein hijab ke baghair aik reel post ki. Is tabdeeli ne un ke fans ko hairan kar diya hai aur log unse narazgi ka izhaar kar rahe hain.

Falak Shabir ne Punjab hukumat ki taraf se vape pods par pabandi ko appreciate karte hue Maryam Nawaz se public places par khawateen ke ‘short dresses’ par bhi ban lagane ki guzarish ki hai. Unke is bayan par unhein sakht tanqeed ka samna hai aur un ke London shift hone aur khud showbiz se wabasta hone par sawalat uth rahe hain.