Yasir Hussain Ka Naseeruddin Shah Ke Bayan Par Reaction: ‘Shah Sahab Ka Tanz Behtareen Hai’
Pakistani adakaar Yasir Hussain ne senior Indian actor Naseeruddin Shah ke Bollywood adakaaron ki khamoshi par kiye gaye tanz par apne raddeamal ka izhaar kiya hai. Yasir ne un ke bayan ko “sarcasm at its best” qarar diya, jis ke baad social media par izhaar-e-raaye aur mashhoor shakhsiyat ki zimmedari par behas chhid gayi hai.
Pakistan Ki Pehli Netflix Original Series ‘Jo Bachay Hain Sang Samait Lo’ Ki Release Date Samne Aa Gayi
Farhat Ishtiaq ke maroof novel par mabni Pakistan ki pehli original Netflix series ‘Jo Bachay Hain Sang Samait Lo’ ki release ki tareekh samne aa gayi hai. Reports ke mutabiq yeh series 2026 ke aakhir me release hogi. Momina Duraid ki direction me banne wali is star-studded series ki editing jari hai aur promotion jald shuru hone wali hai.
Qudsia Ali Aur Abbas Ashraf Ka Aaj Ke Mardon Aur Khawateen Ke Rawayyon Par Inkishaf: ‘Tarbiyat Aur Na-Mehfuz Hone Ke Masail’
Drama serial ‘Aik Mohabbat Aur’ ke adakaar Qudsia Ali aur Abbas Ashraf ne mard-o-khawateen ke rawayyon par baat ki. Abbas ne mardon ke narcissist hone ki wajah tarbiyat ko qarar diya jabke Qudsia ne bataya ke walidain ki muhabbat se mehroom khawateen ghair mehfuz hone ki wajah se har zulm bardasht karti hai.
Fawad Khan Aur Iqra Aziz Ki Film Me Casting Par Social Media Par Tanqeed: ‘Yeh Baap Beti Ki Jodi Lagay Gi’
Maroof adakaar Fawad Khan aur Iqra Aziz ko aik nayi feature film me aik sath cast kiye jane par social media par shadeed tanqeed ki ja rahi hai. Viewers ne dono ke darmiyan umar ke numayan farq par narazgi ka izhaar karte hue ise baap beti ki jodi qarar diya hai.
Tauseeq Haider Ka Turkish Dramas Ke Junoon Par Tanz: ‘Ghair Mulki Content Ke Bajaye Apne Dramas Par Dhyan Den’
Maroof host aur adakaar Tauseeq Haider ne Turkish dramas ke liye Pakistani awam ke junoon par tanqeed ki hai. Unka kehna hai ke doosray mulkon ke tareekhi dramas ko sarahne ke bajaye hamein apne muqami content par dhyan dena chahiye aur apne idaron aur production ki behtari par kaam karna chahiye.
Javed Sheikh Ka ‘Om Shanti Om’ Se Mutalliq Bada Inkishaf: ‘SRK Ke Sath Kaam Karna Aizaz Tha, Paise Nahi Liye’
Senior adakaar Javed Sheikh ne inkishaf kiya hai ke unhon ne Shah Rukh Khan ki film ‘Om Shanti Om’ me kaam karne ka koi muawza nahi liya. Unka kehna tha ke Shah Rukh Khan ke sath kaam karna un ke liye aetazaz ki baat thi, is liye unhon ne paise lene se inkaar kiya.
Abdul Hanan Ka Mehnat Se Kamyabi Tak Ka Safar: ‘Yeh To Sirf Shuruaat Hai’
Pakistan ke mashhor aur talented singer Abdul Hanan ka safar unki mehnat, musalsal koshish aur mehnat par yaqeen ki Misaal hai. Shuruati marahil se le kar bulandiyon tak pohanchne ka yeh safar unke Himmat ko zahir karta hai. Unka kehna hai ke yeh to sirf shuruaat hai aur abhi nayi kamiyabiyan baki hain.
Mehwish Hayat Ka TV Screen Par Wapsi Ka Elan: ‘Mera Naya Drama ARY Digital Par Jald Aa Raha Hai’
Maroof actress Mehwish Hayat ne TV par apni wapsi ki khush khabri de di hai. Instagram par aik fan ke drama dekhne ki khwahish par adakaara ne jawab diya ke ARY Digital par unka naya drama jald hi on-air hone wala hai, jis se un ke fans me kafi khushi ki lehar daud gayi hai.
Fawad Khan Ka Naya Sharp Look Social Media Par Viral, Fans Aik Baar Phir Dil Haar Baithe
Pakistan ke mashhor maroof superstar Fawad Khan Ka Naya Sharp Look Social Media Par Viral Ho Gaya Hai. Un Ke Is Naye Dashing Style Aur Look Ne Aik Baar Phir Se Fans Ke Dil Jeet Liye Hain. Social Media Par Fans Un Ki Khoobsurti Aur Charm Ki Behad Tareef Kar Rahe Hain.
Drama Serial ‘Shaidai’ Ki Kahani Aur ‘Miraal’ Ka Kirdar Viewers Ke Nishane Par Trolling Ka Shikar
Geo TV ke drama serial ‘Shaidai’ ki kahani aur kirdar ‘Miraal’ ko shaqeed tanqeed ka samna hai. Viewers ka kehna hai ke drame ki kahani ko bilawaja lamba kiya ja raha hai aur Miraal ka bewakoofana rawayya show ko bezaar ba-na raha hai. Nazreen ne kirdar nigari aur dry reaction par bhi narazgi ka izhaar kiya hai.