Tabish Hashmi Hajj ka mubarak safar mukammal karne ke baad watan wapas laut aaye hain. Un ke ghar pohanchne par khandan, doston aur fans ki taraf se un ka bohot shandar aur mohabbat bhara isteqbal kiya gaya, jis ki tasaveer aur videos social media par tezi se viral ho rahi hain.

Shagufta Ejaz ne un ke weight loss par sawalat par naraazgi ka izhaar kiya hai. Unhon ne wazahat ki ke unhon ne kisi dawai ke zariye nahi, balkay mushkil halat aur depression ke doran khana peena chorne ki wajah se wazan kam kiya tha. Unhon ne logon se guzarish ki ke is safar ke baare mein bar bar na poocha jaye.

Dananeer Mobeen ne khawateen par tashadud ke khilaaf aik gehri aur sooch samajh kar kahi gayi baat share ki hai. Unhon ne kaha ke betiyan is liye maar khati hain kyunke woh zindagi bhaar apni maa ko maar khtay howay dekhti hain. Unka yeh powerful bayaan domestic violence ke un-dekhay asraat ko ujagar karta hai.

Adakara Sumbul Iqbal ne social media par aik gehri baat share ki hai. Unhon ne farmaya ke achon ne unhein acha kaha aur buron ne bura kaha. Un ka kehna tha ke jis ko jitni zaroorat thi, us ne unhein utna hi samjha aur un ke baare mein utna hi kaha.

Pakistan ki famous actress Ayeza Khan ki Turkey ke safar se Danish Taimoor ke sath bold tasaveer samne aane par un ke fans kafi mayoos aur heran hain. Pehle sleeveless kapray na pehnane wali adakara ko ice-blue spaghetti-strap top mein dekh kar netizens unhein kafi tanqeed ka nishana bana rahe hain.

Falak Shabir ne apni biwi aur adakara Sarah Khan ke liye social media par aik fan ke comment ka jawab diya hai. Fan ne likha tha ke Sarah Khan industry ki akeli adakara hain jinhon ne apni haya aur sharafat ko barkarar rakha hai. Falak Shabir ne is tareef par mohabbat bhara rad-e-amal diya.

Merub Ali ki Karachi ke Aga Khan Hospital mein ungli ki surgery hui hai. Unhon ne bataya ke un ki ungli ki movement ruk rahi thi, jis ke baad orthopedic surgeon ne surgery ka mashwara diya. Merub ne isay minor procedure samjha tha magar yeh kafi complicated sabit hua.

Momina Iqbal ki Hamza Habib se haal hi mein shadi hui hai, jis ke baad internet sarfeen ne un ke shohar aur Ali Abbas ke darmiyan aik hairat angez mushabahat dhoond nikali hai. Fans ka manna hai ke Hamza Habib aur Ali Abbas ki shaklein bohot milti hain, aur kai logon ne unhein judwan ya bhai tak qarar de diya hai.

Bilal Abbas Khan ne Hajj ki saadat hasil ki, jahan unhon ne apni privacy ko barkarar rakha aur khud koi tasveer ya video share nahi ki. Magar Masjid-un-Nabawi mein ibadat ke doran aik fan ne un ki video bana kar internet par viral kar di. Is baat par fans bohot gussa hain aur adakar ki privacy ka ehteram karne ko kaha.

Samina Peerzada ne khwahish zahir ki hai ke Pakistanis ke liye India ka ‘Visa on Arrival’ hona chahiye. Unhon ne kaha ke woh Dubai jaisi jagahon par milne ke bajaye seedha Amritsar jana chahti hain taake wahan apne pyare doston se mil sakein. Unhon ne mazeed kaha ke Indian fans ko bhi Pakistan aana chahiye.