Maroof host Kiran Khan ne Nida Yasir ke show ‘Good Morning Pakistan’ mein larkiyon ke shadi ko romanticize karne ke rujhan par baat ki hai. Kiran ne kaha ke shadi ke shuruaati dor ko fantasy samajhne ke bajaye adjustment period samjhna chahiye aur social media reels se apne rishtay ka muwazna nahi karna chahiye.
Sadia Imam ne beton ki behtar tarbiyat par zor dete hue kaha ke walidain ko apne beton ki achi upbringing karni chahiye. Unka kehna tha ke sahi tarbiyat se hi betay aage chal kar aise shohar bante hain jo apni biwiyon ko izzat, muhabbat aur samajhdaari ke sath rakhte hain.
Legendary adakara Bushra Ansari ne mardon ke liye social media par aik ahem paigham share kiya hai. Wall chalking ki tasveer share karte hue unhon ne likha ke “aurat par hath uthana mardana kamzori hai”, jis par fans aur awam unke is sakht aur zaroori moqaf ko behad sarah rahe hain.
Maroof content creator Maaz Safder aur unki wife Saba Maaz ke haan beti ki pedaish hui hai. Naye mehman ke aane par jori ko social media par fans aur mubharkbaad dene walon ki taraf se behad muhabbat mil rahi hai, jabke Maaz ne is khushkhabri par Allah ka shukr ada kiya hai.
Pakistani cinema ki superstar Meera ne apni choti behen Shaista Abbas ki shadeed beemari ke baaray mein ghamgeen khabar share ki hai. UK mein taleem haasil karne wali Shaista is waqt cancer se nabardazma hain, jis par Meera ne fans se apni behen ki sehatyabi ke liye duaon ki darkhwast ki hai.
