Drama ‘Mitti De Baway’ mein behtareen Punjabi accent ke sath Zarina ka kirdar nibhanay wali adakara Amar Khan ne un adakaron ko aaray hathon liya hai jo kisi khas ilaqe ke kirdar ke liye apna accent behtar nahi karte. Amar ka kehna hai ke yeh aik bunyadi zaroorat hai.

Pakistan ke Senior adakar Faysal Quraishi ne Pakistani cinema industry ki behtari par zor dete hue kaha hai ke Pakistan aur India ka koi muqabla nahi hai. Unhon ne nishandahi ki ke India ke kisi ek shehar mein jitne cinemas mojood hain, utne hamaray pooray mulk mein bhi nahi hain.

Social media par ‘DHA Wali Maid’ aur Pakistan ki famous YouTuber Iqra Kanwal ke hawalay se aik dilchasp comment viral ho gaya hai. Aik fan ne unse Iqra Kanwal ko call karne ki darkhwast ki, jis par ‘DHA Wali Maid’ ne mazahiya andaz mein jawab diya ke unka number block hai.

Pakistan ki Mashhoor Maid,  Content Creator, YouTuber aur influencer ‘DHA Wali Maid’ ko bari kamyabi mil gayi hai. Pakistan Influencer Awards jeetne ke baad ab woh apna pehla baqaida commercial advertisement karne ja rahi hain. Aik mashhoor sweets brand ke is project mein unke sath influencer Amtul bhi nazar aayengi.

Mashhoor YouTuber Ducky Bhai ne ‘DHA wali maid’ ke hawalay se paida hone walay tanazay par maafi maang li hai. Unhon ne apne bayan mein wazahat ki ke unka maqsad kisi ki dil azari karna hargiz nahi tha, aur agar kisi ko unki baat buri lagi ho toh woh dil se mazarat chahte hain.

Drama ‘Mitti De Baway’ mein young Billo ke kirdar se shohrat panay wali adakara Aena Khan ne ARY Digital ke naye drama ‘Soulmates’ mein Dananeer Mobeen ki jagah le li hai. Rida Bilal ke likhay aur Mussadiq Malek ke direct karda is project mein ab Aena Khan adakar Shuja Asad ke mad-e-muqabil nazar aayengi.

Senior adakaara Bushra Ansari ne halia afsosnak waqiat par shadeed rad-e-amal dete hue khwateen aur bacchon ki hifazat ke liye sakht qawaneen aur jald az jald iqdamaat karne ka mutalaba kiya hai. Unhon ne muaashray ko advise di ke bacchon aur khwateen ka khass khayal rakha jaye kyunke unke aas paas wehshi log mojood hain.

Sharmila Faruqui ne Karachi ka comparison France aur New York se karte hue kaha hai ke taraqi yafta shehron me bhi shadeed mosam aur masail aate hain. Unhon ne France me doobne ke waqiat aur New York ki barish ki misaal dete hue kaha ke kuch faults ko tasleem kar ke behtari lani chahiye.

Aroosa Iqrar-ul-Hassan ne Iqrar-ul-Hassan ki doosri wife Farah Iqrar ke khubsoorat ghar ka home tour karwaya hai. Farah ne furniture ki setting aur renovation ki tafseelat, samait apne bedroom, kitchen aur marhoom waalid ke kamray ki jhalqiyan dikhaein, jiske baad dono khwateen ne sath me seasonal ice cream bhi khai.

Blockbuster dramas Shaidai aur Zanjeerein se shohrat panay wali adakaara Sahar Hashmi jald hi Hum TV ke naye baray project Jamal-e-Zohra me nazar ayein gi. Is drama me unke sath Ahsan Khan aur Shahzad Sheikh markazi kirdar nibha rahe hain, jis par internet par Fans ka mixed rad-e-amal samne aya hai.