Dhurandhar actor Naveen Kaushik ne bataya ke Pakistani audience is film se is liye connect kar rahi hai kyunke film mein unko gaali ya criticize nahi kiya gaya. Film sirf corrupt logon aur system ke misuse ko highlight karti hai, na ke poore country ya Muslim community ko target. Ye approach Pakistan mein bohot pasand ki gayi

Actor Jacqueline Fernandez ne Instagram par react kiya hai ek secretly filmed video par jismein woh restaurant mein ek aadmi se baat kar rahi thin. Video ko Instagram user ne secretly record kiya tha. Jacqueline ne casually react karte hue likha, “Yup, that’s me.” Fans ne appreciate kiya ke privacy maintain ki gayi aur unka behavior down-to-earth aur humble tha.

Punjab ki Wazir-e-Ala Maryam Nawaz ke beta Junaid Safdar ki doosri shadi tay ho gayi hai. Unki shadi PML-N ke rehnuma Sheikh Roheel Asghar ki poti Shanayze se January mein hogi. Sheikh Roheel Asghar ne shadi ki tasdeeq karte hue bataya ke events 16, 17 aur 18 January ko honge aur sirf qareebi logon ko dawat di jayegi.

Bollywood actress Nora Fatehi Mumbai mein car accident ka shikar ho gayi hain. Woh Sunburn Festival ja rahi thin jab ek nashay mein gaari chalane wale driver ne unki car ko takkar maar di. Nora ko halki chotain aayi hain. Instagram par update dete hue unhon ne kaha ke woh theek hain lekin abhi tak mentally traumatized aur dard mein hain.

Shraddha Kapoor abhi bhi Bollywood mein kam films karti hain, lekin unki fee Alia Bhatt aur Ananya Panday se zyada hai. Unke father Shakti Kapoor ne clarify kiya ke Shraddha consciously kam projects karti hain aur apni value ke mutabiq zyada paisa leti hain. Stree 2 jaise blockbuster ke baad unki popularity aur demand barh gayi hai.

Fashion show ke doran Pakistani actress Naeema Butt ki ramp walk tanqeed ki zadd mein aa gayi hai. Bridal Couture Week mein celebrity show-stopper ke taur par unki walk ko social media par mixed reaction mila. Kuch users ne style ko pheeka kaha jabke kuch fans ne isse unke mashhoor kirdar se jura andaaz qarar diya.

Pakistani singer aur actor Farhan Saeed ne inkishaaf kiya hai ke beti ki pedaish par woh apne jazbaat par qaboo nahi rakh sake aur ro paray. TV show mein baat karte hue unhon ne kaha ke beti unki zindagi ke liye bohat bari rehmat aur inspiration ban gayi, jis se unki creativity dobara jaag uthi.

Police ne sessions court ko bataya hai ke Bollywood film Dhurandhar ke director, producer aur actors ke khilaaf FIR darj karna qanooni aur jurisdictional pabandiyon ki wajah se mumkin nahi. Police ke mutabiq tamam mulzim Indian shehri hain, film India mein bani aur release hui, aur Pakistan mein film ki screening ya circulation ka koi saboot nahi.

Netflix par chalne wala The Great Indian Kapil Show mushkil mein phans gaya hai jab PPL India ne bina ijazat gaanon ke istemal par legal case file kar diya. PPL ne Bombay High Court se rujoo karte hue show ke Season 3 ke 3 episodes par copyright violation ka ilzaam lagaya hai, jisme Kapil Sharma, producers aur Netflix India shamil hain.

Bollywood actor Nawazuddin Siddiqui ne indie cinema ki halat ko “dangerous” qarar dete hue kaha hai ke achi films ko theatrs se bohat jaldi hata diya jata hai. Unhon ne misaal dete hue bataya ke All We Imagine As Light sirf 4 din mein cinemas se wipe out ho gayi. Nawazuddin ke mutabiq independent cinema ko serious support ki zaroorat hai.