Popular actor Muneeb Butt ne apni kamyabi aur rizq mein barkat ka raaz khol diya. Unhon ne bataya ke un ki pehli kamayi sirf 2,000 rupay thi, jo un ke taya ne parindon ke liye sadqa karwa di thi. Muneeb ka manna hai ke un masoom parindon ki duaon ne hi unhein aaj is muqam tak pohanchaya hai.

Maya ne Ramzan transmissions mein rating ke liye hone wali sansani ka bhanda phod diya. Unhon ne kaha ke host se zyada producers rating aur paison ke liye actors se aisa kaam karwatay hain. Veena Malik ke viral clip par baat karte hue unhon ne producers ko barabar ka zimmedar thehraya aur kaha ke actors ko royalties na milna asal masla hai.

Mashhoor adakaara Faiza Hasan ki beti Jahan Ara ne drama ‘Tum Larkay Bhi Na’ se acting ki duniya mein qadam rakh diya hai. Dilchasp baat yeh hai ke unhon ne drame mein apni hi walida ke bachpan ka kirdar ada kiya. Jahan Ara ki shakal aur muskurahat bilkul apni maa se milti hai, jisay dekh kar fans dang reh gaye.

Tuba Anwar ne bataya ke unhone showbiz mein anay ke liye kabhi koi struggle nahi ki aur na hi kabhi kisi production house ko kaam ke liye call kiya. Tuba ke mutabiq unhe Humayun Saeed ke production house Six Sigma se khud call ayi thi, jiske baad pehle hi audition ne unki zindagi badal di aur wo back-to-back dramas karne lageen.

Momina Iqbal ne dakuon se apna luta hua saman wapas lekar sab ko heran kar diya. Shooting ke doran un ki car, iPhone aur marhoom waalid ka wallet chori ho gaya tha. Momina ne haar maan-ne ke bajaye khud ‘detective’ ban kar ‘Find My iPhone’ ke zariye dakuon ka peecha kiya aur police ki madad se apna qeemti saman baramad karwa liya.

Model Saheefa Jabbar ne apne naye food business ke liye staff ki hiring par naya tanaza khara kar diya hai. Unhon ne khulay aam kaha ke unhein Punjabi ya Urdu bolne walon par bharosa nahi aur wo sirf “Zuban Ke Pakkay” Pathan helpers chahti hain. Social media par un ke is racist bayan par boycott ki demand shuru ho gayi hai.

Mawra Hocane ne apne husband Ameer Gilani ke liye aik bohot hi piyara message share kiya hai. Unhon ne kaha ke un ke liye abs ya biceps se ziyada yeh baat important rakhti hai ke koi unhein kitni izzat aur ahmiyat deta hai. Mawra ne Ameer Gilani ko duniya ka behtareen insaan qarar dete hue ‘Allah Humma Barik’ bhi likha.

Saba Hameed ne Tabish Hashmi ke Ramzan special show mein bataya ke unhon ne drama Fitoor mein Hiba Bukhari ko thapar mara tha. Unka kehna tha ke woh asli zindagi mein thapar nahi marti, lekin director ke insist karne par asli scene perform karna para aur baad mein maafi bhi maangi.

Pakistan ke mashhoor actors and actresses jese Nauman Ijaz, Amna Malik aur Samar Jafri ne Ramadan 2026 mein actresses ke darmiyan chalne wali social media laraiyon par khuli tanqeed ki hai. Celebrities ne industry ko mashwara diya ke muqaddas mahine mein behas aur controversies se parhez karein aur Ramadan ka ehtaram barqarar rakhein.

Actor Ali Rehman Khan ne apne viral marriage interview par afsos ka izhar kar diya. Shan-e-Suhoor mein baat karte hue unhon ne kaha ke woh interview mazaak mein diya gaya tha jo cringe lagta hai aur kaash internet se delete ho jaye. Ali ka kehna tha ke shadi woh tab hi karein ge jab sahi waqt aur sahi shakhs mile.