Actress Saheefa Jabbar Khattak apne restaurant par milne wale negative backlash ke baad jazbati ho kar ro parin. Unka kehna tha ke unke bayan ke baad logon ne unke pizza parlour ko buri ratings aur reviews dene shuru kar diye. Saheefa ne is tanqeed ko misogyny qarar diya, jabke social media par kai users ne unke bayan par sakht reaction diya.

Fiza Ali aur Mishi Khan ke darmiyan social media par lafzi jang tez ho gayi. Fiza Ali ne Instagram par Mishi Khan ko “General Rani” keh kar tanqeed ka nishana banaya. Jawab mein Mishi Khan ne bhi reaction dete hue Fiza ke comments aur apni viral dance video par safai di. Dono ki behas par internet par bhi garam behas jari hai.

Zara Noor Abbas aur Asad Siddiqui ka Ramzan transmission mein diya gaya interview social media par debate ka sabab ban gaya. Zara ne kaha ke Asad zyada waqt doston ke sath padel khelne mein guzarte hain aur ghar kam rehte hain. Fans ne interview ke baad unke rishte par sawal uthaye, jabke kuch logon ne ise shadi ki realistic tasveer qarar diya.

Faisal-Rehman ne reveal kiya ke woh ab bhi happily-single hain. Unka kehna hai ke zindagi mein kai log aaye lekin kabhi dil se shadi karne ka emotions kabhi paida nahi hue. aik podcast mein baat karte hue unhon ne kaha ke unki strange social media videos bhi planned hoti hain aur woh sirf logon ka reaction dekhne ke liye post karte hain.

Sana Javed ne Shoaib Malik ka birthday simple home celebration ke saath manaya. Sana ne cake ke saath unhein surprise diya aur social media par pyara sa message bhi share kiya. Unhon ne likha ke Shoaib ki kindness aur caring nature unki zindagi ko behtar banati hai aur woh unke saath life spend karne par khud ko lucky mehsoos karti hain.

Emmad Irfani aur unki wife Maryam Shafaat ne pehli dafa apne marhoom bete Zaviyar ki memories share ki hain. 12 saal ka Zaviyar pool accident mein wafat pa gaya tha. Couple ne bataya ke unki ek beti Ella Noor bhi hai. Unka kehna hai ke teen saal baad bhi woh Zaviyar ki presence mehsoos karte hain aur uski yaadein unhein sukoon deti hain.

Producer Abdullah Seja ne har saal ki tarah is dafa bhi industry ke liye grand Suhoor night host ki. Is star-studded gathering mein Ayeza Khan, Danish Taimoor, Zara Noor Abbas, Merub Ali aur Fahad Mustafa samait kai bade celebrities shamil hue. Abdullah Seja aur unke bhai Jerjees Seja, Pakistani drama industry ke kai hit projects ke peeche rahe hain.

Emmad Irfani aur unki wife Maryam Shafaat ne pehli baar apni love story share ki. Dono ki mulaqaat 16 saal ki age mein ek friend ki birthday party par hui thi aur woh 10 saal tak friends rahe. Baad mein Emmad ki mother ne proposal bheja aur unki shadi ho gayi. Maryam ne hi Emmad ko modelling aur acting ki taraf encourage kiya tha.

Atiqa Odho ne recent controversy ke baad Fahad Mustafa ka difaa kiya. Dono ke darmiyan pehle age aur surgery comments par heated exchange hua tha, lekin baad mein dono ne ek doosre se maafi maang kar matter settle kiya. Atiqa na kaha ke Fahad ek self-made star hain aur ek statement ki wajah se unke career ko target karna bilkul theek nahi.

Actress Faiza Hasan ne parenting aur cheating ke topic par apni raye di hai. Unka kehna hai ke bachon ko extramarital affairs aur cheating ki ghalat nature ke baare mein subtly samjhana chahiye, jaise news ya dramas ke zariye. Unhon ne ye bhi kaha ke young age mein shadi se pehle financial independence aur apni well-being ko zaroor consider karna chahiye.