Mufti Abdul Qavi ko haal hi mein aik night club mein party karte hue dekha gaya hai, Mufti sahab ki video ne social media par tufan barpa kar diya hai. Viewers ki janib se un ke is amal par kadi tanqeed ki ja rahi hai aur ye video internet par har jagah viral hain.

Rajab-Butt ne talaq ke baad hone wali tanqeed par khamoshi tor di aur kaha hai ke unhen haters ki parwah nahi. Unhon ne daawa kiya ke unka career aur viewership pehle ki tarah barqarar hai aur koi unka kuch nahi bigarh sakta. Social media sarifeen ne Rajab ke is bayaan ko “takkabur” qarar dete hue unhen downfall ki warning de di hai.

Karachi ke mashhoor rapper Talha Anjum ne Spotify Pakistan par musalsal 5 saal tak sab se zyada sune jane wale artist ban kar naya record qayam kar diya hai. Unke gaane dunya bhar mein pasand kiye ja rahe hain. Talha Anjum ki is shandaar kamyabi ne unhen local hip-hop ka asli king sabit kar diya hai.

Adakaar Asad Siddiqui ne maa ki mamta aur unki qurbaniyon par dil jeet lene wali baat ki hai. Unka kehna hai ke bacha paida hone ke baad maa ki apni zindagi khatam ho jati hai aur wo mukammal taur par apne bachay ki ho jati hai. Asad ke is bayaan ko social media par bohat appreciate kia ja raha hai.

Sharmila Faruqui ne Karachi ko Paris se behtar qarar dene ke foran baad Turkey mein chuttiyan manana shuru kar di hain. In tasaveer par logon ne unhen sakht troll kiya hai. Sarifeen ka kehna hai ke agar Karachi hi Paris hai to wo chuttiyan manane bahar kyun gayin? Social media par un ke is bayaan ko troll kiya ja raha hai.

Adakaar Humayun Ashraf ne showbiz se judge hone par baat ki hai. Unka kehna hai ke aksar log industry ke actors or actresses ko “awara” samajhte hain, jo ke bilkul ghalat hai. Humayun ne zor diya ke screen ke peeche log bohat mehnati, ba-usool aur sakht discipline ke paband hote hain.

Omer Shahzad aur Shanzay Lodhi ne apni shadi ki pehli saalgirah ghar par manayi. Dono ne black outfits pehen kar red candles aur balloons ke sath is din ko yaadgaar banaya. Shanzay ne Omer ke liye aik jazbati note share karte hue unhen apna “soulmate” qarar diya aur unki mohabbat ka shukriya ada kiya.

Javeria Saud ne Tabish Hashmi ko unki tanqeed par mun tor jawab diya hai. Tabish ne morning shows aur Ramadan transmissions mein ratings ke liye “planted calls” ko ghalat kaha tha. Javeria ne palat kar jawab diya ke Tabish khud sara saal double meaning jokes se ratings lete hain aur ab doosron ki kamyabi hazam nahi kar pa rahe.

Tabish Hashmi ne siyasat mein aane ke sawal par kaha ke wo filhal sirf apne kaam par tawajjo dena chahte hain. Unka kehna tha ke khali jaib reh kar awam ki khidmat nahi ho sakti, pehle unhen paise kamane hain. Tabish ne mazeed kaha ke wo Iqrar ul Hassan ki tarah 21 saal baad hi aisa koi faisla karenge.

Sanam Baloch ne apni beti ke sath aik nihayat pyari aur nayab tasveer share ki hai. Lambe arse se gayab adakaara ko beti ke sath dekh kar fans nihayat khush hain. Is haseen photo ke viral hote hi fans ne aik baar phir Sanam se TV dramon mein wapsi ki pur-zor farmaish shuru kar di hai.