Iqrar ul Hassan aur unki pehli wife Qurat ul Ain Iqrar ne apni 20th wedding anniversary celebrate ki, jahan unki doosri aur teesri wives bhi shamil hui. Social media par fans anniversary photos pasand kar rahe hain, jabke kuch log unke unusual family setup par mazaq udate nazar aa rahe hain. Pehli wife ne apne 20 saal ko “beautiful time” qarar diya.

Anchor Iqrar Ul Hassan ne Lahore Press Club mein apni siyasi party Awam Raj Party aur us ka flag launch kar diya. Red background par yellow moon aur star walay flag ko social media par buri tarah troll kiya ja raha hai. Users party ke naam aur flag design ka mazaq ura rahe hain aur mukhtalif flags se compare kar rahe hain.

Actor aur model Hina Afridi ke bridal look par social media par sakht tanqeed ki ja rahi hai. White anarkali dress ke saath heavy gold jewellery aur no-makeup look ko netizens ne mismatch qarar diya. Under-eye dark circles aur jewellery choice par fashion critics ne bhi sawalat uthaye, jis par mukhtalif comments aur trolling samnay aa rahi hai.

Junaid Safdar aur Shanzay Ali ke mehndi event ki tasveerain aur videos social media par viral ho rahi hain. Shanzay ne Sabyasachi Mukherjee ka multicoloured lehenga pehna, aur Junaid ne HSY ka navy blue sherwani aur camel shawl adopt kiya. Event mein Maryam Nawaz ne yellow jora pehna. Photography Irfan Ahson aur Sara Idrees ne ki, makeup Saad Sami ne handle kiya.

Actor Emmad Irfani ne Jalan aur Kabhi Main Kabhi Tum ki kamyabi ka muqabla karte hue kaha ke asli public love unhein Kabhi Main Kabhi Tum ke baad mila. Unka kehna tha ke Jalan hit hone ke bawajood audience se woh acceptance hasil nahi kar saki jo Kabhi Main Kabhi Tum ko mili.

Hania Aamir ne Asim Azhar ke Qawwali night event mein shirkat ki, jahan dono ko phir se saath dekh kar fans excited hain. Asim ne white kurta-shalwar aur black shawl pehna, jabke Hania black aur gold saree mein khubsurat nazar aayi. Fans ne unke solo pictures aur reels dekh kar dobara unki rumored reunion ki baatein shuru kar di hain.

Priya Kapoor ne Supreme Court mein darkhwast di hai ke Karishma Kapoor aur Sanjay Kapoor ki 2016 ki talaq ke moahide ki tasdeeq shuda naqool samne lai jayein. Moahide mein bachon ki hifazat aur dekh bhaal ke sharaait bhi shamil hain. Sanjay ki achanak wafat ke baad ab virasat aur bachon ki dekh bhaal ka tanaza court mein chal raha hai.

Priyanka Chopra ki manager Anjula Acharia ne Hollywood ke shuruati din yaad karte hue bataya ke India ki super star hone ke bawajood Priyanka ko wahan assistants ke assistants ko khud introduce karna padta tha. Anjula ne kaha ke yeh dekh kar unka dil toot jata tha, lekin Priyanka ne hamesha bina ego ke, full humility ke saath struggle face kiya.

Maya Ali ne apne roohani safar ki dil ko chhoo lene wali tasveerain social media par share kar di hain. Actress ne naya saal Saudi Arab mein family ke saath Umrah ada karke shuru kiya. Instagram par unhon ne likha ke Allah ke ghar ka bulawa naseeb hona bohat badi rehmat hai aur is mauqe par woh dil se shukar guzar hain.

Shahida Mini ne khulasa kiya ke unhein apna pehla gaana gaane par sirf 5 rupay inaam mila tha. Actress ne bataya ke yeh gaana unhon ne PTV Home par stool par kharay ho kar gaya. Unhon ne Master Sadiq sahab ko yaad karte hue kaha ke woh bohat azeem aur lajawab fankar thay.