Mashhoor Hollywood actress Anne Hathaway ki aik video viral ho rahi hai jis mein wo “InshaAllah” kehti nazar aa rahi hain. Interview ke doran umar barhne ke sawal par unhon ne kaha ke wo, InshaAllah, aik lambi aur sehat mand zindagi guzarna chahti hain. Fans unke is andaaz ko boht pasand kar rahe hain aur unhen “Sister Anne” keh rahe hain.

Reema Khan ne inkishaf kiya hai ke unhon ne aik Indian award show mein backless dress pehenne se inkaar kar diya tha. Unka kehna hai ke wo wahan Pakistan ko represent kar rahi thin, isliye unhon ne apne libas mein mulki izzat aur apne culture ko tarjeeh di. Reema ke is bayaan ko social media par boht appreciate kia ja raha hai.

Emaan ne apne bete Kivan Sultan ki 7-month birthday nihayat pyare andaaz mein manayi. Unhon ne social media par neele rang ke khubsoorat cake aur decor ki tasaveer share kin, jinhen dekh kar fans boht khush ho rahe hain. Ye choti si celebration internet par kafi pasand ki ja rahi hai aur log bachay ke liye duaen de rahe hain.

Firdous Jamal ne Abid Ali, Talat Hussain aur Qavi Khan samait kai bare naamon par tanqeed ki. Unhon ne Rahat Kazmi ko “showpiece” aur Shafi Mohammad ko “ghair-adakaar” keh dala. In hairan kun bayanaat par social media par kafi ghussa dekha ja raha hai kyunke jin sitaron ki unhon ne burai ki, un mein se aksar ab is dunya mein nahi rahe.

Fiza Ali ne London mein apne shohar Ejaz Khan ki backflips karte hue video share ki. Fiza ka kehna hai ke unke shohar unhen khush karne ke liye ye sab karte hain. Viewers is video par mazaq bana rahe hain aur kuch ne to unhen “bandar” tak keh dala, jabke kuch log unhen back pain se bachne ka mashwara de rahe hain.

Javeria Saud ne Meera aur Saud ke purane relation par baat karne walon ko sakht tanqeed ka nishana banaya hai. Unhon ne kaha ke saste podcasters purani baaton ke zariye mashhoor sitaron ki izzat kam nahi kar sakte. Javeria ne Irshad Bhatti aur digar logon ko mashwara diya ke wo doosron ko neecha dikha kar apni worth badhane ki koshish na karen.

Farhan Saeed aur Sana Javed pehli baar aik saath naye drama “Bas Tera Saath Ho” mein nazar aayenge. Is drama ko Saira Raza ne likha hai. Pehle teaser mein Farhan Saeed ko kafi jazbati dikhaya gaya hai jo apni tanhai mein maa baap ko yaad kar rahe hain. Fans is naye jore ko screen par dekhne ke liye bohat excited hain.

Drama “Judwaa” se mashhoor hone wale naye adakaar Ali Dayyan Walji ne apni pasand ki larki Syeda Wajeeha Fatima se nikah kar liya hai. Unhon ne social media par apni khubsoorat tasaveer share ki jo foran viral ho gayin. Fans ne is achanak milne wali khushkhabri par hairat ka izhaar karte hue dono ke liye bhut sari duain ki.

Ramsha Khan ne Khushhal Khan se shadi ke baad acting se break lene ka faisla kiya hai. Unhon ne purane interview mein kaha tha ke wo shadi ke baad ghar sambhalengi aur kaam nahi karengi. Ab unhon ne Instagram se sab ko unfollow kar diya hai. Fans unke is faislay aur purani baat sach hone par mukhtalif comments kar rahe hain.

Irshad Bhatti ko Meera ka interview karne par sakht tanqeed ka samna hai. Unhon ne Meera ki zati zindagi par humiliated sawalat kiye aur unhen “psycho” kaha, jis par Meera interview chor kar chali gayin. Mishi Khan bhi Irshad Bhatti ke is rawayye ke khilaaf hogayi hai. Log Irshad Bhatti ke is tareeqay se kafi naraz dikh rahe hain.