PML-N ki senior leader aur provincial minister Maryam Aurangzeb, Junaid Safdar ki shadi ki celebrations mein apne glam-up aur stylish look ki wajah se social media par viral ho gayi hain. Mehndi aur barat ke events mein unka pastel aur white outfits, nafees embroidery aur elegant styling users ko bahut pasand aaya, jise fashion circles ne bhi khul kar saraha.

Michelle Obama ne marriage counselling ka tajurba share karte hue kaha hai ke khush rehna sirf shohar ki zimmedari nahi hoti, balke khud bhi apni khushi ke liye koshish karni hoti hai. Unhon ne bataya ke unki 34 saal ki shadi mein ups and downs aaye, lekin counselling ne unki soch badal di aur rishtay ko mazboot rakha.

Nida Yasir phir se social media trolls ke nishanay par aa gayi hain. Is dafa unka naya look, jis mein woh light color shalwar kameez, curly hair, maroon lipstick, lenses aur red artificial nails ke saath nazar aayi, users ko pasand nahi aaya. Kuch ne unki English speaking style par bhi tanqeed ki aur unhein Rakhi Sawant se tashbeeh di.

Hania Aamir ne apni shadi se mutaliq chalne wali afwahon par reaction dete hue kaha hai ke itni rumours ke baad ab unka bhi shadi ka dil kar raha hai. Unhon ne simple wedding ki khwahish ka izhar kiya aur bataya ke agar shadi hui to woh purple dress pehnein gi.

Dhruv Rathee ne biwi Julie ko dhoka dene ki afwaahon ko sakhti se mustarad kar diya hai. Unhon ne kaha ke unke khilaaf jhooti aur man-gharat baatein phailayi ja rahi hain. Dhruv ne wazeh kiya ke woh apni biwi ke bohat wafadar hain aur in ilzamaat ka koi haqeeqat se talluq nahi. Julie ne bhi afwaahon ko jhoota qarar diya.

Actor Govinda ne affair rumours par reaction dete hue kaha hai ke unke khilaaf ek bari conspiracy chal rahi hai. Unhon ne kaha ke shohrat aur paisa har kisi ko nahi bakhshta aur unki family bhi anjaan tor par is saazish ka shikar ho rahi hai. Govinda ne khuda se madad aur bachon ki khairiyat ki dua ki.

Rashmika Mandanna ne khulasa kiya hai ke Salman Khan ki film Sikandar ki script shooting ke doran kaafi badal gayi thi. Unhon ne kaha ke jo kahani unhein sunayi gayi thi, final film us se bilkul mukhtalif nikli. Film box office par flop rahi aur lead pair ki chemistry par bhi sawalat uthe.

Dr. Nabiha Ali Khan ne Aroosa Khan ke podcast mein mardon ki multiple marriages par wazeh aur sakht raye di. Unhon ne kaha ke agar unka shohar doosri shadi kare to woh khud alag ho jaengi. Unka kehna tha ke aksar mard doosri shadi mein pehli biwi ke sath insaaf nahi karte.

Karachi ke markazi shopping centre Gul Plaza mein lagne wali holnaak aag se shehar gehre gham mein doob gaya hai. Is haadsay mein ab tak 14 afraad ján bahaq ho chuke hain jab ke kai zakhmi aur laapata hain. Showbiz sitaron ne is sanhay ko shehar ka bara nuqsaan qarar diya hai.

Islamabad ki District & Sessions Court ne controversial tweet case mein Iman Mazari aur Hadi Ali Chatha ko ab tak na giraftar kiye jaane par brhami ka izhar kiya. Aditional District & Sessions Judge Muhammad Afzal Mujwka ne order diya ke aaj 11 bajay tak dono ko giraftar kar ke court mein pesh kiya jaye, aur search warrant liya jaye.