Adakaara Nausheen Shah ne rishton ke bare mein aik gehri baat share ki hai. Unka kehna hai ke jab hum kisi ko ye yaqeen dila dete hain ke hum har haal mein unke saath rahenge, to wahi shakhs hamein mushkil halat se guzarta hai. Nausheen ki ye baat social media par tezi se viral ho rahi hai.

Mashhoor indian actor Nakkul Mehta Pakistani drama ‘Meri Zindagi Hai Tu’ ke deewane ho gaye hain. Unhon ne social media par bataya ke wo Hania Aamir aur Bilal Abbas ke is drame ki maqbooliyat ki wajah janne ke liye isay dekh rahe hain. Fans dono mulkon ke darmiyan is mohabbat ko boht pasand kar rahe hain.

Dananeer Mobeen ne social media par apni skin ke bare mein khul kar baat ki. Unhon ne bataya ke pichle kuch mahino mein unhen acne aur skin ke masail ka samna karna para, jis ki wajah se wo hamesha filtered photos jaisi nahi dikhtin. Dananeer ne logon se guzarish ki hai ke wo adakaaron ke saath thori narmi se pesh aayein.

Mashhoor drama ‘Noor Jahan’ ke director Mussadiq Malik ne tasdeeq ki hai ke is dramay ka prequel (shuruat ki kahani) jald aa raha hai, jiska naam ‘Noor Bano’ hoga. Is naye dramay mein Noor Jahan ki bahu ki purani zindagi ki kahani dikhayi jaye gi. Fans is khabar ko sun kar boht zyada khush aur excited hain.  

“Afreen Afreen” aur “Baari” jaisay mega hits se dunya bhar mein dhoom machanay wali Momina Mustehsan achanak industry se gayab kyun ho gayeen? Billion views ka record rakhnay wali singer ne top par honay ke bawajood music se doori ikhtiyar kar li hai. Fans hairan hain ke itne super hits dene ke baad Momina ab kam Kyu nahi kar rahi hain.

Iqrar-ul-Hassan ne airport par FIA afsar ke saath hone wali controversy par apni safai pesh ki hai. Unhon ne kaha ke wo nahi chahte ke us afsar ki naukri jaye, lekin un par hone wale tanqeed ki wajah se unhen bayan dena para. magar log ab bhi FIA afsar ke saath kharay hain.

Alizeh Shah ne un par tanqeed karne walon ko sakht jawab diya hai, jis ke baad wo ek baar phir behas ka markaz ban gayi hain. Alizeh ne social media par haters ke liye sakht alfaz istemal kiye, jis par fans naraz hogaye. Kuch log ise pressure ka natija keh rahe hain to kuch unke andaz par sawal utha rahe hain.

Umera Ahmed ne bataya hai ke drama “Kafeel” aik sachi kahani par mabni hai. Unhon ne inkishaf kiya ke aik khatoon ne 20 saal aise shohar ke saath guzare jo kharch nahi uthata tha. Social media par khawateen ka kehna hai ke ye kahani hamare muashre ki talkh haqeeqat hai aur unhon ne apne gird aisi sachi misalein dekhi hain.

Shaan Shahid se jab pucha gaya ke kya wo Humayun Saeed aur Fahad Mustafa ke saath kaam karenge, to unhon ne kaha ke ye dono apne hi”Disney World” mein khush hain. Shaan ke mutabiq ye dono makhsoos kirdaron aur romcoms mein masroof hain jo awam ko pasand aate hain.

Dr. Fazeela Abbasi ne money laundering scandal ke baad apni vacation ki video share ki hai, jis par log unhen sakht troll kar rahe hain. Viewers ka kehna hai ke itni bari raqam ke ghaban ke ilzamaat ke baad aisi mehngi vacation manana hairat angez hai. Kai logon ne unhen “money laundering expert” aur dhokay baaz bhi kaha.