YouTuber Rajab Butt ki pehli film mein maroof adakara Resham ko ahem kirdar ke liye offer di gayi hai. Rajab ne Resham ko cast karne ki khwahish zahir ki hai, jabke film mein Amar Khan bhi shamil hain. Action aur comedy par mabni yeh film 2027 mein release hone ki ummeed hai.
Maroof Indian Singer Anuv Jain ne Atif Aslam ke sath apne aik behtereen experience ko share kiya hai. Unhon ne bataya ke Nepal mein show ke doran Atif Aslam ne unhein barbecue par bulaya, jahan Atif ne chaar ghante tak continuously perform kiya, jo un ki zindagi ka sab se behtareen tajurba tha.
‘Tamasha’ ke winner aur adakar Saif Ali Khan ne apne naye drama ‘Aap Ki Izzat’ ki kamyabi par mazahiya paigham share kiya hai. Unhon ne social media par kaha ke agar shohar biwi par dhyan na de, to sabziwala mojood hai. Un ke is mazahiya bayan par fans kafi lutf-andoz ho rahe hain.
Pakistan ke famous singers Ali Sethi aur Shae Gill ke mashhoor song ‘Pasoori’ ne tareekh bana li hai. Coke Studio Season 14 ka yeh mashhoor gaana YouTube par 1 billion views haasil karne wala pehla Pakistani music video ban gaya hai. Is kaamyabi par pooray mulk ki musical industry mein khushi ki lehar hai.
Pakistan ke famous maroof content creator Zaid Ali ne YouTuber Rajab Butt par kadi tanqeed ki hai. Zaid Ali ne kaha ke shayad Rajab Butt ke pas subscribers zyada ho sakte hain, lekin un ke paas izzat bilkul nahi hai. Zaid Ali ka yeh bayan social media par kafi viral ho raha hai.
