Mashhoor couple Aiman Khan Aur Muneeb Butt Apni Betiyon Ke Saath Skardu Mein Chuttiyan Mana Rahe Hain. Muneeb Ne Khubsurat Paharon Mein Khichi Gayi Family Tasveerein Share Kin, Jin Mein Amal Aur Miral Ne Aik Jaisay Gulabi Kapray Pehnay Hue Hain. Fans Is Khubsurat Family Ki Pictures Ko Bohat Pasand Kar Rahe Hain.

Pakistani Drama Industry Mein Ab “Toxic” Hero Ka Zamana Khatam Ho Raha Hai. Ab Log Subuk Aur Jamal Jaise Nek Aur Izzat Karne Wale Kirdaron Ko Pasand Kar Rahe Hain. Yeh “Green Flag” Mard Dekhne Walon Ke Liye Bohat Pur-Sukoon Hain Aur Is Tabdeeli Ko Bohat appreciate kia Ja Raha Hai.

Pakistan ke Superstar Danish Taimoor Pehli Baar Mashhoor writer Khalil Ur Rehman Qamar Ke Saath Kaam Karne Wale Hain. Is Naye Drama Mein Kinza Hashmi Unke Saath Lead Role Mein Hongi. Fans Is Shandaar Collaboration Ke Liye Bohat Excited Hain Aur Kahani Ka Besabri Se Intezar Kar Rahe Hain.

Mashhoor adakaar Yasir Hussain ne Pakistani aur Indian fans ke darmiyan farq par baat karte hue kaha hai ke Pakistani viewers zyada mature hain aur haqeeqi kahaniyon ko pasand karte hain. Unke mutabiq, Indian audience aksar “cringe” content ki taraf dehkti hai. Yasir ka ye bayan social media par nayi behas cher raha hai.

Adakaara Alizeh Shah ko unke naye drama Khwaab Meray mein bhari makeup aur styling ki wajah se kadi tanqeed ka samna hai. Fans ka kehna hai ke medical student ke kirdar ke liye itna loud makeup aur surgeries wali look bilkul munasib nahi. Social media par unhein saadgi apnanay ka mashwara diya ja raha hai.

Sarwat-Gilani ne parenting mein mard aur aurat ke kirdar par baat ki hai. Unka kehna hai ke maon ka gussa poore din ki thakawat ka natija hota hai, is liye shohar ko chahiye ke wo apni biwi ki mehnat ki tareef karein. Sarwat ne mazeed kaha ke baap ka apni maa ke saath rishta unki apni parenting par asar andaz hota hai.

Drama serial ‘Zanjeerain’ mein Sajal Aly ke naye look ne social media par dhoom macha di hai. Fans ka kehna hai ke Sajal ka andaz aur drame ki behtareen filming bilkul Turkish dramas ki yaad dila rahi hai. Unki styling aur cinematic feel ki wajah se har taraf unke is naye avatar ke charche ho rahe hain.

Ali Raza ko drama ‘Mirza Ki Heer’ mein kharab SFX makeup ki wajah se social media par sakht trolling ka samna hai. Zakhmi dikhane ke liye istemal kiya gaya makeup dekh kar logon ka kehna hai ke ye khoon nahi balkay gulabi lipstick lag rahi hai. Fans ne A*Y Digital ke low budget aur ajeeb makeup par mazaqiya comments kiye hain.

Senior adakaara Erum Akhtar ne naye sitaron ke rawayye par afsos zahir kiya hai. Unka kehna hai ke aaj kal ke naye fankaar apne seniors ki izzat karna bhool gaye hain aur professionalism ki kami hai. Erum ke mutabiq, naye log galat kirdar ko milne wali tawajjo dekh kar bad-tameezi par utar aye hain.

Pakistan ke Mashhoor singer Asim Azhar ne social media par apne USA tour ki photos share ki hain, jis mein adakaara Hania Aamir bhi unke saath nazar aa rahi hain. In tasaveer mein dono ko enjoy aur tour ke khoobsurat lamhaat guzarte dekha ja sakta hai. Fans ye dehk ke, unke sath hone ke andaze laga rahe hain.