Social Media Star Rajab Butt Aur Emaan Fatima Ki Talaq Ke Mamlay Me Aik Naya Morh Aya Hai. Emaan Ke Bhai Aoun Sheikh Ne Bari Update Dete Hue Bataya Ke Dono Mein Sulah (Reconciliation) Ho Gai Hai. Unhon Ne Kaha Ke Un Ki Walda Ne Lari Lambi Karne Se Mana Kiya Tha.

Maroof Designer Aur Actor Yousuf Bashir Qureshi (YBQ) Ne Lambe Arsay Tak Chalne Wali Shadiyon Ke Tootne Par Khayalat Ka Izhar Kiya Hai. Unhon Ne Kaha Ke Rishtay ‘Ego’ (Anaa) Ki Wajah Se Toot-te Hain. Jab Insan Saath Na Rehne Ka Faisla Kar Le To Rishta Khatam Ho Jata Hai.

Pakistan Ki Maroof Adakara Iffat Omar Ne Apne College Ke Dinon Ko Yaad Karte Hue Bataya Ke Wo Harassment Ke Khilaaf Hamesha Khari Hoti Hai. Unka Kehna Hai Ke Jab Wo Paidal College Jatin Aur Koi Unka Peecha Karta, To Wo Direct Samna Kar Ke Unhein Maar Peet Ka Nishana Banatin.

Pakistani Morning Show ki maroof Host Nida Yasir Ne Real Estate Kharidne Ke Bajaye Paiso Ko Behtareen Tajarbaat Par Kharch Karne Ki Ahmiyat Par Zor Diya Hai. Unka Kehna Hai Ke Bachon Ko Akele Safar Karne Ki Izajat Dene Se Un Me Khud-Aitmaadi, Azadi Aur Shaksiyat Parwan Charhti Hai.

Maroof Humorist Aur Writer Dr. Younis Butt Ne Apne YouTube Channel Par Drama ‘Dr Bahu’ Me Kubra Khan Aur Shuja Asad Ki Acting Ka Mazaq Uraya Hai. Unhon Ne Kubra Khan Ko Aik Hi Expression Dene Aur Poor Dialogue Delivery Par Aik Failed Actor Kaha, Jabke Shuja Asad Ki Acting Ko Weak Wi-Fi Signal Se Tashbeeh Di.

Pakistan ke Maroof talented adakar Gohar Rasheed Ne Apni Instagram Story Par Hazrat Ali (R.A) Ka Aik Qoul Share Kiya Hai. Is Paigham Me Unhon Ne Fans Ko Yaad Dilaya Hai Ke Wo Un Logon Ki Hamesha Qadar Karein Jo Un Se Sachi Muhabbat, Fikar Aur Izzat Karte Hain.

Sajal Aly Aur Hamza Sohail, Armani Beauty Ke Pehle Store Launch Par Aik Saath Nazar Aaye Hain. Shadi Ki Afwahon Ke Baad Dono Ko Pehli Baar Kisi Event Me Black Western Libas Me Aik Saath Dekha Gaya, Jis Par Fans Ne Bohat Khushi Aur Dilchasp Rad-e-Amal Ka Izhar Kiya Hai.

Maroof Stars Sarah Khan Aur Feroze Khan Jald Hi Geo TV Aur 7th Sky Entertainment Ke Aik Bare Budget Drama ‘Lakht-e-Jigar’ Me Aik Saath Nazar Aayein Ge. Is Drama Ko Imran Nazir Ne Likha Hai Jabke Direction Anjum Shahzad De Rahe Hain, Jis Par Fans Bohat Zyada Pur-Umeed Hain.

Maroof Veteran Actor Raju Jamil Ne Aik Interview Me Humayun Saeed Ki Shuruati Zindagi Aur Romantic Fitrat Par Baat Ki Hai. Unhon Ne Bataya Ke Unhon Ne Humayun Saeed Ko Bohat Se Masail Se Nikala Aur Yeh Bhi Inkishaf Kiya Ke Aik Maroof Shakhs Ne Humayun Ko Aik Crore Rupe Ka Cheque Dekar Production House Shuru Karwaya Tha.

Maroof Director Wajahat Rauf Ne Apne Bete Aashir Wajahat Par Fakhr Ka Izhar Karte Hue Mazaqan Is Surat-e-Haal Ko “Reverse Nepotism” Kaha Hai. Unhon Ne Bataya Ke Ab Log Unhein Un Ke Bete Ki Wajah Se Pehchante Hain Aur Unhon Ne Apni Agli Film Ka Title Bhi Aashir Ke Gane Se Liya Hai.