Drama “Dr Bahu” ke episode 12 ke baad social media par Sania ki maa ko “asli villain” qarar diya ja raha hai. Log unke toxic aur unsupportive rawayye par bohat gussa hain. Fans ka kehna hai ke Sania ki apni maa hi uski dushman bani hui hai aur mushkil waqt mein uska saath nahi de rahi.

Yasir Hussain ne apne bete Kabir Hussain ke career ke bare mein wazahat pesh kar di hai. Unhon ne kaha ke wo chahte hain ke unka beta doctor ya sportsman ban kar mulk ka naam roshan kare. Magar unhon ne ye bhi saaf kiya ke agar Kabir adakari ko hi apna pesha banana chahega to wo uski mukammal himayat karenge.

Dr. Omer Adil ne Fahad Mustafa ki stardom aur unki blockbuster film “Aag Lagay Basti Mein” par kadi tanqeed ki. Unka kehna hai ke Fahad aik film star nahi hain kyun ke woh har waqt “Jeeto Pakistan” mein nazar aate hain aur un mein woh “exclusivity” nahi jo aik baray star mein honi chahiye hai.

Ex PM Imran Khan Ki Ex wife Jemima Goldsmith Irish Billionaire Cameron O’Reilly Se Shaadi Karne Wali Hain. Aik Saal Tak Aik Doosre Ko Date Karne Ke Baad woh dono jald Mangni Karne wale Hain. Cameron Aik Mashhoor Businessman Hain Aur Jemima Ke Ghar Wale Bhi Is Rishte Se Bohat Khush Hain.

Mashhoor makeup artist Babar Zaheer ne Mahira Khan ke viral look par maafi maang li hai. Unhon ne bataya ke unhon ne Mahira par Hollywood ki ek nayi technique azmayi thi jo ghalat sabit hui. Is wajah se unhein social media par kaafi tanqeed aur trolling ka samna karna para.

Superstar Ayeza Khan ko aik jewellery brand ke liye karwaye gaye naye photoshoot par shadeed tanqeed ka samna hai. Fans unke “bold” outfit aur badaltay hue style se sakht naraaz hain. Social media par logon ne unhein unki purani “modest” image yaad dilayi aur kaha ke unhon ne paise ke liye apni grace kho di hai.

Adakaara Dananeer Mobeen apni film “Mera Lyari” ki promotions ke liye UK pahonch gayi hain, jahan unke anokhay dress par behas shuru ho gayi hai. Unhon ne balloon pants aur football theme corset pehna tha, jis par social media sarifeen ne unke wazan aur style par tanqeed ki. Kuch logon ne unka mawazna Ramsha Khan se bhi kiya hai.

Mashhoor Adakaara Iffat Omar Ne Apne Mushkil Maazi Aur Talkh Halaat Par Khul Kar Baat Ki Hai. Unhon Ne Bataya Ke Unka Background Bohat Ghareeb Tha Aur Sanwli Rangat Ki Wajah Se Unhein Na-Pasand Kiya Jata Tha. Inhi Mushkilaat Ne Unhein Modeling Ki Taraf Bheja Jahan Unhon Ne Apni Mehnat Se Sab Ko Hairan Kar Diya.

Social Media Par Aashir Wajahat Aur Shah Rukh Khan Ke Bete Aryan Khan Ke Darmiyan Shakal Milnay Par Behas Chhid Gayi Hai. Fans Donon Ke Andaz Aur Tasveeron Ka Mawazna Kar Rahe Hain. Kuch Log Is Smiliarity Se Ittefaq Karte Hain Jabke Kuch Ka Kehna Hai Ke Donon Bilkul Mukhtalif Dikhte Hain.

Senior Adakaara Erum Akhtar Ne Durefishan Saleem Par “Unprofessional” Hone Ka Ilzaam Lagaya Hai. Unhon Ne Kaha Ke Drama ‘Sanwal Yaar Piya’ Ki Shooting Durefishan Ki Wajah Se Bohat Late Hui, Jis Se Unhein Bohat Nuqsan Hua. Doosri Taraf Production House Aur Director Ne Durefishan Ka Difaa Karte Hue Unhein Professional Qarar Diya Hai.