Hiba Bukhari ne UK ke aik event mein apne saadgi bhare look par hone wali trolling ka jawab de diya hai. Unhon ne bataya ke unhein aik desi khandaan ne apni dukan ki iftitahi taqreeb ke liye bulaya tha, isliye unhon ne jaan boojh kar saada libas pehna taake wo un logon ka hissa lag saken.

Amar Khan ne industry mein mard aur aurat ke darmiyan “ageism” par sawal uthaya hai. Unhon ne kaha ke mard 40 ki umar mein bhi jawan kirdar nibhate hain, magar khawateen ko chand saal baad hi mature roles de diye jate hain. Amar ne Hollywood adakaaraon ki misaal dete hue is rawayye ko khatam karne ka mutalba kiya.

Mishi Khan ne Fahad Mustafa ke interview mein shorts pehnne par kadi tanqeed ki hai. Unhon ne kaha ke jahan khawateen ke libas par itne rules aur shor hota hai, wahan mardoon ko bhi ehtiyat karni chahiye. Mishi ke mutabiq public platform par mardon ka aise kapre pehnna munasib nahi aur unhein apne libas ka khayal rakhna chahiye.

Pakistan ki superstar Zara Noor Abbas ne khawateen ke motape or bharte hue wazan par troll karne walon ko shadeed tanqeed ka nishana banaya. Unhon ne kaha ke bacha paida karne ke doran khawateen ka jism tabdeel hota hai aur logon ko unke weight par baat nahi karni chahiye.

Srha Asgr ne apne shohar Lala Umer ke sath aik khoobsoorat themed photoshoot ke zariye apne teesre baby ka welcome kiya. Donon ne matching red aur black outfits mein apni beti Alazne Murtaza ko dunya se introduce karwaya. Is khushi ke mauqay par social media par fans aur celebrities unhein mubarakbaad de rahe hain.

Fahad Mustafa ko aik interview mein shorts pehnkar baithne par social media par kadi tanqeed ka samna hai. Zombied ki promotion ke doran adakaar Aamna Haider Isani ke sath interview mein casual shorts pehn kar aaye thay, jis par fans barham hain. Sarifeen ka kehna hai ke khawateen ke sath baithte waqt dress code ka khayal rakhna chahiye tha.

Nida Yasir ne apne morning show mein shadi ke baad beton ke badalte rawayye par baat ki hai. Unhon ne kaha ke shadi ke baad dono rishton mein balance rakhna bete ki zimmedari hoti hai, lekin aksar mard dono rishtay sambhal nahi paate. Unke mutabiq, baaz auqat khandaan ki shareef larkiyan bhi shadi ke baad badal jati hain.

Ayesha Omar ki apni film Mera Lyari ki promotion ke doran ek video viral hui hai, jis mein unke chehre par jhurriyan aur smile lines numayan hone par social media par unki umar ko lekar behas chhir gayi hai. Bulbulay ki “Khoobsurat” ko is haal mein dekh kar fans heran hain aur waqt ke tezi se guzarne par afsos kar rahe hain.

Senior adakaara Atiqa Odho ne Sajal Aly aur Kinza Hashmi ki adakaari ko khub saraha hai. Show Kya Drama Hai mein baat karte hue unhon ne kaha ke donon adakaaraon ki ankhon mein aik jadu hai jo har jazbaat ko khubsoorati se bayan karta hai. Atiqa ne Kinza ko apni pasandida adakaaraon mein se aik qarar diya hai.

Mashhoor Pakistani superstar Danish Taimoor ke hawale se aik hairat angez inkishaaf samne aya hai ke wo apne career ke sab se pehle audition mein reject ho gaye thay. Aaj ke bade actor, jo apni adakaari aur looks ki wajah se dilon par raj karte hain, unhein bhi shuruat mein rejection ka samna karna parha tha.