Film Mera Lyari ko Faisalabad ke cinema se pehle hi din utar diya gaya kyun ke opening day par iski sirf 22 tickets bik sakin. Abu Aleeha ki direction mein bani is film mein Ayesha Omar aur Dananeer Mobeen ne ahem kirdar ada kiye hain. Badi promotion ke bawajood, film box office par audience ke attention hasil karne mein nakaam rahi.

Senior adakaara Shagufta Ejaz ne logon ko doosron ki zindagiyon mein mudakhalat Karne se mana kia aur Unhon ne bataya ke doosron ke zaati mamlat jaise shadi, talaq ke baare mein fuzool sawalaat poochna aur character assassination karna gunah hai. Shagufta ke mutabiq logon ko sirf apni zindagi par dhyan dena chahiye.

Pakistan ki superstar adakaara Yumna Zaidi ne showbiz industry mein apne 14 saal mukammal hone par social media par aik jazbati post share ki hai. Unhon ne is safar ko mehnat, qismat aur sabr se tabeer karte hue fans ki be-panah mohabbat aur support par dil se shukriya ada kiya. Fans unki is kamyabi par Mubarakbad de rahe hain.

Anay wali Pakistani sports drama film Mera Lyari aur iski star cast release se pehle hi social media platform X (Twitter) par top trend ban gayi hai. Dananeer Mobeen aur Ayesha Omar samet diger cast ke liye fans ka ye josh-o-kharosh dikhata hai ke log is shaheen kahani ko baray parday par dekhne ke liye kitne be-tab hain.

Singer Hasan Raheem ke Toronto concert mein mashhoor singer Talwiinder ne achanak aakar fans ko hairat-zada kar diya. Yeh surprise entry Hasan ke North America tour ka hissa thi, jahan dono ne stage par shandaar chemistry se aag laga di. Is unexpected collaboration ki videos social media par tezi se viral ho rahi hain.

Ayeza Khan ke naye fashion campaign ki video viral hone par social media par unke facial features par behas chhir gayi Siyah libas mein parrot ke sath shoot karwati adakaara par logon ne cosmetic surgery aur lip fillers karwane ka ilzaam lagaya. Fans ka kehna hai ke unhon ne apna chehra kharab kar liya aur wo Mehwish Hayat jaisi lag rahi hain.

Sahar Hashmi ko Hum TV ke Mehfil par pehne gaye naye outfit ki wajah se social media par tanqeed ka samna hai. Unhon ne ek slip-style top ke sath simple pants aur baalon mein ribbon lagaya hua tha. Fans ko unka ye look bilkul pasand nahi aya aur logon ne is top ko vest aur gym wear kehte hue unka mazaq udaya.

Azlan Shah ne bataya ke unke paas abhi tak waalid ka phone number mojood hai aur wo kabhi kabhi us number se khud ko miss call dete hain. Azlan ka kehna hai ke mobile screen par apne “Papa” ka naam dekh kar unhein sukoon milta hai aur aik accha ehsas hota hai.

Dananeer Mobeen ne mohabbat aur career ke hawale se apna opinion wazeh kar diya. Unhon ne kaha ke wo kabhi bhi mohabbat ke liye apne career aur goals par samjhota nahi karengi aur na hi kisi ke peeche pagal ho kar usay chase karengi. Dananeer ke mutabiq unke paas rone dhone ka waqt nahi hai.

Nisha Khan ne aik interview mein dancer Mehek Malik ki kamai ke hawale se bara inkishaaf kiya, jis par social media par behas chhir gayi hai. Nisha ne bataya ke Mehek Malik aik appearance ke 35 se 40 lakh rupay tak wasool karti hain, jis par unhon ne “Alhamdulillah” bhi kaha. Is bayan par sarifeen ne shadeed tanqeed ki.