Nida Yasir Ne Bataya Ke Woh Apni Beti Ke Liye Shohar Ka Intikhab Kis Tarah Karengi
Nida Yasir ne bataya ke woh apni beti ko itni samajh aur aitmaad dena chahti hain ke woh khud apne liye behtareen humsafar ka intekhab kar sake. Unhon ne kaha ke woh beti ki pasand ka ehtram karengi aur us par aitraaz nahi karengi. Nida ke mutabiq, behtar tarbiyat aur duniya ka tajurba bachon ko sahi faisla karne mein madad deta hai.
Emmad Irfani Ne Fahad Mustafa Ki Be-Misaal Shohrat Par Baat Ki
Emmad Irfani ne Fahad Mustafa ki stardom ko le kar apna tajurba share kiya. Unhon ne bataya ke ‘Kabhi Main Kabhi Tum’ ki shooting ke doran Central Jail Karachi mein har kuch minute baad officers Fahad Mustafa se milne aate thay. Qaidi bhi un ke fan thay aur unhein bohat pasand karte thay.
Yumna Zaidi Ne Aurton, Naujawan Larkiyon Aur Bachon Se Mutalliq Ghair Insani Waqiat Par Gehre Dukh Ka Izhaar Kiya
Yumna Zaidi ne aurton, naujawan larkiyon aur bachon ke khilaaf samne aane wali dil dehla dene wali khabron par gehre dukh ka izhar kiya. Unhon ne kaha ke in waqiat ne unki rozmarra zindagi ko mutasir kar diya hai. Yumna ne tamam mutasireen ke liye insaf aur aman ki dua karte hue aise waqiat ke khatmay ki umeed zahir ki.
Mahira Khan Ne Momina Iqbal Se Le Kar Acid Victims Ke Cases Par Harassment Ke Khatmay Ka Tareeqa Bata Diya
Mahira Khan ne harassment par baat karte hue kaha ke harassment ka khatma sirf mindset tabdeel karne se mumkin hai. Unhon ne zor diya ke jo log aise jurm karte hain unhein accountable banaya jaye aur unki saza ko public example banaya jaye. Unke mutabiq, in mamlaat mein laws ko mazeed mazboot banane ki bhi gunjaish mojood hai.
“Bahar Rehte Hain To Pakistani Muashray Ki Fikar Kyun?”: Falak Shabir Aur Sarah Khan Ke Statement Par Adakara Namra Shahid Ka Tarbiyat Ke Hawale Se Karara Rad-e-Amal Viral
Namra Shahid ne Falak Shabir aur Sarah Khan ke khawateen ke libas par diye gaye bayan par baat ki hai. Unhon ne kaha ke Falak aur Sarah khud bahar ke mulk rehte hain jahan aam tor par chote kapre pehne jate hain, toh unhein Pakistani muashray ki fikar kyun hai?
Jis Cheez Ko Taqseem Karoge Uski Farawaani Ho Jaayegi!: Sami Khan
Maroof adakar Sami Khan ne social media par zindagi ka aik bohot pyara usool share kiya hai. Unhon ne bataya ke qudrat ka aik qanoon hai ke aap jis cheez ko logon mein taqseem karte hain, wahi cheez aap ke paas barh jati hai phir chahe woh daulat ho, izzat, ilm, muhabbat, darguzar karna ho.
“Bina Ittar Lagaye Haathon Se Teen Din Tak Aati Rahi Khushbu!”: Adakara Javeria Saud Ka Apne Hajj Ke Safar Ke Khoobsurat Mojzay Ka Inkishaaf Viral
Javeria Saud ne apnay Hajj ke safar ke doran pesh aane wale mojzay ka zikr kiya. Unhon ne bataya ke saal 2022 mein Hajj ke doran un ke hathon se bina ittar lagaye ittar ki khoobsurat khushbu aane lagi. Haath dhone ke bawajood woh khushbu khatam nahi hui aur poore teen din tak un ki hatheliyon mein mojood rahi.
“Khabar Pehle Hi Zehan Mein Share Kar Deti Hain Lekin Mujh Tak Nahi Pahunchti!”: Hassan Ahmed Ka Biwi Sunita Marshall Ki Bhoolne Ki Aadat Par Bayan
Hassan Ahmed ne apni bewi Sunita Marshall ki yad-dasht ke maslay par khul kar baat ki. Unhon ne bataya ke Sunita cheezein bhool jati hain aur aksar unhein lagta hai ke unhon ne bachon ki planning ke baare mein bata diya hai, jabke asal mein unhon ne nahi bataya hota. par ab Sunita ne is baat ko tasleem karna shuru kardiya hai.
“Adakar Aur Influencer Do Mukhtalif Kaam Hain!”: Social Media Par Barhti Tanqeed Aur Adakaron Ke Influencers Banne Par Hajra Yamin Ka Bayan Viral
Hajra Yamin ne adakaron ke influencer banne par baat ki hai. Unhon ne bataya ke adakar aur influencer do mukhtalif kaam hain, lekin social media ke maali faidey ki wajah se adakar ab influencers ban rahe hain. Is wajah se ab adakaron ke kaam se zyada un ki social media presence par kari tanqeed ki jati hai.
“Kya Yeh Hain Pakistani Larkon Ki Nayi Social Media Crush?”: Internet Par Viral Hone Wali Khatoon Ki Haqeeqat Jaanne Ke Liye Fans Be-Chain
Social media par aik nayi video tezi se viral ho rahi hai jis mein nazar aane wali khatoon Pakistani larkon ki nayi social media crush ban gayi hain. Har taraf unhi ke charche hain ab har koi besabri se yeh janna chahta hai ke aakhir yeh khatoon asal mein hain kaun.