“Beta Hospital Mein Logon Se Ache Se Baat Karna!”: Dr. Madiha Khan Ka Apne Waalid Ki Hamdardi Aur Insaniyat Se Bhari Naseehat Ka Paigham Viral
Dr. Madiha Khan ne social media par apnay waalid ki tarf se di gayi aik naseehat share ki hai. Un ke waalid ne unhein samjhaya tha ke hospital mein logon se hamesha naram-mizaji aur hamdardi se baat kiya karein, kyun ke wahan aane wale log pehle hi bohot takleef, pareshani aur mushkil halat ka samna kar rahe hote hain.
“Senior Actresses Meri Walida Ko Garmi Mein Bahar Bitha Deti Thin!”: Show Mein Apne Bachpan Aur Shuruati Dinon Ki Mushkilaat Share Karte Hue Adakara Emaan Khan Ro Parin
Emaan Khan ne apnay career ki mushkilat par baat karte hue bataya ke unhon ne 10 saal ki umar se kaam shuru kiya. Emaan ne jazbati hotay hue bataya ke shuruat mein senior adakarayein un ki walida ki insult karti thi aur unhein garmi mein makeup room se bahar bitha diya jata tha.
Adakar Nameer Khan Ke Nanhe Bhatijay Ka Inteqal, Bhai Sameer Nawaz Khan Aur Fans Ka Gehre Dukh Aur Afsos Ka Izhaar
Nameer Khan ne apnay bhatijay ke inteqal ki afsosnak khabar share ki. Nameer ne pehle Instagram par apnay bhatijay ke sath aik tasveer share kar ke is dukh ka izhaar kiya tha, lekin baad mein unhon ne post delete kardi. Un ke bhai Sameer Nawaz ne bhi is sangeen hadsay par sabr aur Allah ki raza par yaqeen ka izhaar kiya hai.
“Ghar Ki Househelp Nahi, Family Thin!”: Iqbala Ke Inteqal Par Show Mein Baat Karte Hue Host Nida Yasir Apne Aansoo Na Rok Sakin, Fans Se Dua Ki Darkhwaast Viral
Nida Yasir apnay ghar ki purani househelp Iqbala ke inteqal par behad jazbati ho gaein. Nida ne bataya ke Iqbala un ke family ki tarah thin jinhon ne un ke bachon aur ghar ko sambhalne mein ahem kirdar ada kiya. Unhon ne gham ke bawajood show host kiya aur fans se Iqbala ki maghfirat ke liye dua ki darkhwast ki.
Kya Neelam Muneer Apne Pehle Bachay Ki Muntazir Hain? Fans Duaon Mein Busy
Maroof adakara Neelam Muneer shadi ke baad Dubai munatqil hogayi thi aur ab un ke haan pehle bachay ki amad ki khabrein gardish kar rahi hain. Aik recent event mein royal blue rang ke libas mein un ke hulyay ko dekh kar fans ne yeh andaza lagaya ke woh expecting hain. Or duain karna shuru kardi
“Moseeqi Ki Koi Sarhad Nahi Hoti!”: Indian Gaane Na Gaane Ki Darkhwast Par Asim Azhar Ka Fan Ko Karara Jawab, Kishore Kumar Ko Legend Qaraar De Diya
Asim-Azhar ne social media par aik fan ki taraf se Indian gaane na gaane ki darkhwast par jawab dia. Asim ne kaha ke moseeqi ki koi sarhad nahi hoti. Unhon ne wazahat ki ke jis tarah Indians, Ustad Nusrat Fateh Ali Khan ko pasand karte hain, usi tarah hamare walidein bhi Kishore Kumar ke gaane shauq se sunte hain.
“Larki Ko Shuru Se Hi Sikhaya Jaata Hai Ke Shohar Ko Walidain Se Alag Karo”: Sohail Sameer
Sohail Sameer ne Good Morning Pakistan mein kaha ke aaj kal kai larkiyon ko is tarah train kiya jata hai ke woh shadi ke baad shohar ko uske walidain se alag kar dein. Unhon ne kaha ke larki ki qurbani aur izzat ka khayal rakhna chahiye, jabke larkon ko bhi biwiyon se mohabbat aur ehtram se pesh aana chahiye.
“International Platform Par Pakistan Ka Naam Roshan!”: British Asian Trust Ke Gala Dinner Mein Mahira Khan Ki King Charles III Se Mulaqaat
Mahira-Khan ne UK mein British Asian Trust ke aik charity gala dinner mein shirkat ki hai, jahan unhon ne chief guest King Charles III se mulaqaat ki. Mahira pichle kuch saalon se is trust ke sath Pakistan mein mental health ki awareness ke liye kaam kar rahi hain. Is mawaqay par un ki King Charles ke sath aik khoobsurat guftagu bhi hui.
Nida Yasir Ne Bataya Ke Woh Apni Beti Ke Liye Shohar Ka Intikhab Kis Tarah Karengi
Nida Yasir ne bataya ke woh apni beti ko itni samajh aur aitmaad dena chahti hain ke woh khud apne liye behtareen humsafar ka intekhab kar sake. Unhon ne kaha ke woh beti ki pasand ka ehtram karengi aur us par aitraaz nahi karengi. Nida ke mutabiq, behtar tarbiyat aur duniya ka tajurba bachon ko sahi faisla karne mein madad deta hai.
Emmad Irfani Ne Fahad Mustafa Ki Be-Misaal Shohrat Par Baat Ki
Emmad Irfani ne Fahad Mustafa ki stardom ko le kar apna tajurba share kiya. Unhon ne bataya ke ‘Kabhi Main Kabhi Tum’ ki shooting ke doran Central Jail Karachi mein har kuch minute baad officers Fahad Mustafa se milne aate thay. Qaidi bhi un ke fan thay aur unhein bohat pasand karte thay.