Waalid Ke Intiqal Par Fahad Mirza Ke Bayan Ne Nida Yasir Ko Kiya Mutasir; Graveyard Se Viral Clip Me Sabar Aur Itminan Ki Tareef
Morning show host Nida Yasir ne apne show me adakaar Fahad Mirza ke waalid ke intiqal par unke bayan ki tareef ki hai. Nida ne graveyard se viral hone wale clip ka hawala dete hue kaha ke unhein Fahad ka itminan pasand aya, kyunke unke waalid ne aik bharpoor, kamyab aur sukoon deh zindagi guzari thi.
‘Unhon Ne Apne Chehre Kharab Kar Liye’: Nadia Khan Ka Aishwarya Rai Aur Katrina Kaif Ki Cosmetic Procedures Par Tanqeed Ke Sath Bara Bayan
Morning show host Nadia Khan ne Rise and Shine me adakaara Aishwarya Rai aur Katrina Kaif ki cosmetic surgeries par tanqeed karte hue kaha ke unhon ne apni qudrati khubsoorat shakal ko kharab kar liya hai. Unhon ne aesthetician se guftagu karte hue unke chehron ko ‘pillow face’ qarar diya.
‘Aj Ki Muhabbat Sirf 90 Din Ka Honeymoon Period Hai’: Bushra Ansari Ke Shohar Iqbal Hussain Ka Purana Clip Viral
Pakistani actress Bushra Ansari ke shohar, director Iqbal Hussain ka apni pehli ahliya Farah Sadia ke show ka aik purana clip viral ho raha hai. Is clip me unhon ne bataya ke unke real hero Qaido hain. Unhon ne jadeed muhabbat ko sirf 90 din ka honeymoon period qarar diya.
Alishbah Anjum Ka Shadi Par Fuzool Kharchi Se Inkaar: Sirf 20 Se 30 Lakh Mein Shadi Ka Faisla!
Pakistan ki famous and talented TikToker Alishbah Anjum ne apni shadi nihayat sada tareeqay se karne ki khwahish ka izhaar kiya hai, unka kehna hai ke wo shadi par sirf 20 se 30 lakh rupay kharch karein gi taake is saari taqreeb ko aaram deh aur ba maani banaya ja sakay.
‘Haq Par Qaim Rahein Aur Allah Par Bharosa Karein’: Muharram Ke Mauqe Par Adakaara Aiman Khan
Pakistani famous actress Aiman Khan ne Muharram ke sabaq se mutasir hokar aik ahem paigham share kiya hai, unhon ne haq par qaim rehne aur Allah par bharosa karne ki ahmiyat par zor diya. Unka kehna hai ke Muharram hamein hoslay, sabar aur sachai ka dars deta hai. Jisko fans appreciate kar rahe hein.
Karachi Me 7th Muharram Ki Majlis Aur Niyaz Taqseem Karne Par Muneeb Butt Ki Videos Viral; Sectarian Harmony Promote Karne Par Internet Par Tareefain
Adakaar Muneeb Butt ne Karachi me 7th Muharram ki aik bari Majlis-e-Aza me shirkat ki, jahan unhon ne khitab suna aur khud Niyaz bhi taqseem ki. Unhon ne paigham diya ke Shia ho ya Sunni, har koi Hazrat Imam Hussain (RA) ki qurbani ko mehsoos karta hai, jis par internet users unke iss paigham se muttafiq hai.
Zanjeer Zani Ka Tafseeli Vlog Share Karne Par YouTuber Rajab Butt Ko Awam Ki Taraf Se Severe Backlash Ka Samna
Pakistani digital creator Rajab Butt ko Muharram-ul-Haram me Zanjeer Zani ka tafseeli vlog share karne par awam ki taraf se kadi tanqeed ka samna hai. Internet users ka kehna hai ke wo har cheez ko ba-tore content istemal karte hain, jabke kuch logo ne khud ko takleef dene ke is amal par narazgi ka izhaar kiya.
Adakaara Mahira Khan Ne Hazrat Imam Hussain (R.A.) Se Mohabbat Par Quote Share Kar Di
Pakistan ki mashhor adakara Mahira Khan ne Nabi Kareem (PBUH) ka aik farman share kiya hai jo Hazrat Imam Hussain (RA) se unki gehri muhabbat ko zahir karta hai. Is post me farmaya gaya hai ke ‘Hussain mujh se hai aur main Hussain se hoon’, jo unke khass rishtay ko dikhata hai.
“Phir Kuch Bache Bare HoKe Kehte Hain Apne Kiya Hi Kya Hai”: Buzurgon Ki Halat Par Influencer Saba Maaz Ka Dil Dukhane Wala Bayan
Social media influencer Saba Maaz ne buzurg waldain ki mushkilat par afsos ka izhaar kiya hai, unhon ne likha ke kuch bache bare hoke kehte hain ‘apne kiya hi kya hai’. Unka yeh paigham bacchon ki taraf se waldain ki qurbaniyon ko faramosh karne ke dukh ko zahir karta hai.
Show ‘Pakistan’s Got Talent’ Ke Judges Ka Elan; Ali Zafar, Mehwish Hayat Aur Tabish Hashmi Aik Sath Jalwa Gar
Reality show ” Pakistan Got Talent” ab Geo Entertainment ke zariye Pakistan me laya ja raha hai. Is show ke pehle judges ke roop me teen bade musician Ali Zafar, film star Mehwish Hayat, aur comedian Tabish Hashmi ka elan kiya gaya hai, jis se fans me kaafi excitement paida ho gayi hai.