Imran Abbas Ki Apni Walida Ke Liye Jazbati Shayari
Mashhoor actor Imran Abbas Islamabad mein Jashn-e-Jaun Elia event ke doran apni walida ke liye likhi hui poetry par jazbati ho gaye. Unhon ne apni maa ki wafat ke baad likhi nazm sunai jo sun kar log bhi emotional ho gaye. Imran Abbas ne fans se apne walidain aur behn ke liye duaon ki darkhwast bhi ki.
Elite Weddings Mein Indian Designers Ke Outfits Par Khalid Anam Ka Ahem Sawal
Senior actor Khalid Anam ne elite weddings mein Indian designers ke outfits par ahem sawal utha diya. Unhon ne kaha ke jab Pakistan aur India ke darmiyan trade restrictions hain to phir yeh outfits kaise khareeday gaye? Khalid Anam ne poocha ke kya trade officially open ho chuki hai ya yeh sahulat sirf kuch khaas logon ke liye hai.
Javed Akhtar Ka “Border 2” Ki Production Team Par Sakht Tanqeed
Indian poet Javed Akhtar ne Pakistan-khilaaf film “Border 2” ki production team ki sakht tanqeed ki. Unhon ne kaha ke purane zamaane ki cheezon ko wahan hi chhor dena chahiye aur agar original gaane already hit hain to unka naya version banana zaroori nahi. Unho ne film ke sequel ke gaane likhne ki offer bhi reject kar di.
Kiara Ki Meri Walida Se Badtameezi Aaj Bhi Zehan Mein Naqsh Hai, Indian Influencer
Indian influencer Kartikey Tiwari ne daawa kiya hai ke flight ke doran Kiara Advani ne unki walida ke sath badtameezi ka rawaiya ikhtiyar kiya. Seat number ki choti si ghalti par Kiara ka reaction unhein zehni tor par affect kar gaya. Video viral ho chuki hai jab ke Kiara aur Kartik Aryan ne abhi tak koi jawab nahi diya.
Feroze Khan Ke Fans Ne Aliza Sultan Ki Recent Post Par Tanqeed Kar Di
Aliza Sultan ki Ek nayi Instagram reel par Feroze Khan ke fans ne victim play samajh kar sakht reaction diya. Sad music aur “diamond” wali caption ko logon ne Feroze Khan par indirect taana kaha. Fans ne Aliza ko move on karne ka mashwara diya, jab ke comments section mein kaafi harsh reactions dekhne ko mile.
Beta Ke Sath Ikhtilafat Ke Doran Victoria Beckham Ki Social Media Post
Victoria Beckham ne beta Brooklyn ke sath chalne wale ikhtilaf ke darmiyan social media par post share ki. Unhon ne apni purani dost Emma Bunton ko Instagram story par birthday wish kiya aur old clip bhi share ki. Fans ne post ke timing ko family controversy se jor kar dekha jab ke Victoria ne khamoshi ikhtiyar rakhi.
Mahira Khan Aur Ahad Raza Mir Karachi Ke Event Mein Nazar Aaye
Mahira Khan aur Ahad Raza Mir Karachi mein ek private event mein saath nazar aaye. Midnight Bazar naam ka yeh event Sheharyar Munawar aur doston ne host kiya. Event mein Nomi Ansari, Maheen Siddiqui aur kai aur celebs bhi shamil thay. Mahira aur Ahad ki appearance ne social media par kaafi buzz create kar diya.
Aamir Khan Ka Gauri Spratt Ke Sath Mumbai Mein Naye Ghar Mein Rehne Ka Faisla
Bollywood superstar Aamir Khan ne confirm kiya hai ke wo apni girlfriend Gauri Spratt ke sath Mumbai mein naya ghar le kar rehne ja rahe hain. Aamir ne kaha ke wo dil se Gauri ke sath shadi shuda mehsoos karte hain. Filhaal formal shadi ka koi plan nahi, lekin dono serious aur committed relationship mein hain.
Karachi Ko Privatize Kar Dein, Hum Sab Mil Kar Khareed Lenge Aur Bohat Acha Chalayenge: Tabish Hashmi
Tabish ne Karachi ke management par tanqeed karte hue kaha ke city ko privatize kar diya jaye, hum sab mil kar khareed lenge aur behtar chalayenge. Unhon ne Gul Plaza tragedy aur bar bar aag lagne ke incidents par poocha ke “responsible” officials ka kya? Unka kehna tha ke compensation bhi government ki jeb se nahi hota, to phir accountability kahan hai.
Kya Madiha Imam Bharat Mein Kaam Karne Ki Khwahish Mand Hain?
Pakistani actress Madiha Imam ne India mein kaam karne par apni raye ka izhar kiya hai. Unhon ne kaha ke artists ko duniya bhar mein kaam karna chahiye lekin yeh ek sensitive issue hai jahan soch samajh kar faisla zaroori hota hai. Unka kehna tha ke creativity ki koi sarhad nahi honi chahiye.