Pakistan ki khoobsurat actress Zara Noor Abbas ne show Shan e Suhoor mein cricketer Imad Wasim aur unki ex-wife Sannia Ashfaq ki controversy par apna reaction diya. Unhon ne kaha ke talaq aur media exposure bachon par bura asar dalta hai aur ye sab dekh kar dukh hota hai.

Pakistan ki ubharti hui adakara Sehar Khan Ramzan ke mubarak mahine mein Umrah ada kar rahi hain. Unhon ne Madina ki Masjid-e-Nabwi se apni ibadat ke doran li gayi tasveerain social media par share ki hain. Fans aur followers ne unke roohani safar par khushi aur duaon ka izhar kiya.

Pakistan ki actress and host Fiza Ali ne apne Ramzan TV show Morning With Fiza mein guest Dr Nabiha Ali Khan ki personal kahani par bohat jazbati reaction diya. Unki over-the-top expressions aur aansuon ke sath bhare response par social media users ne tanqeed aur trolling shuru kar di.

Sadia Imam ne show Kya Drama Hai ke aik recent episode mein drama Kafeel ke camera work par sakht tanqeed ki. Unka kehna tha ke director Meesam Naqvi ka camera be-wajah hiltay rehna technical ghalti hai, jo viewers ko disturb karta hai. Fans bhi unki baat se ittefaq kar rahe hain.

Mishi Khan ne Instagram par Dr Nabiha Ali Khan ke Ramadan show par apni advice di. Unka kehna tha ke apne marital issues ko TV par discuss karna theek nahi, balke ye baatein ghar mein hal honi chahiye. Mishi ne host aur show ki responsibility bhi highlight ki aur respect aur ehtiyaat ki talqeen ki.

Pakistani actor aur director Iqbal Hussain ka buzurg khawateen se mutaliq aik bayan social media par sakht tanqeed ki wajah ban gaya hai. Nida Yasir ke Ramzan show mein unke jumlay ko ghair munasib qarar diya ja raha hai. Users ne bayan ko bay-zouq aur Ramzan ke moqa par ghair zaroori kaha.

Senior actress Atiqa Odho ne young actor Ali Raza ko legendary actor Rahat Kazmi se compare kar diya. Shan-e-Suhoor show mein guftagu ke doran Atiqa ne kaha ke Ali Raza ka style aur dressing Rahat Kazmi se milta hai aur woh un jaisay kirdar imandari se nibha sakte hai.

Mashhoor YouTuber Rajab Butt ki family aik dafa phir controversy mein aa gayi hai. Social media par viral video mein Rajab Butt ki walida ke saath 9 saal ka bacha ghar ka kaam karta nazar aaya. Pakistan mein child labour qanoonan jurm hai, jiske baad internet par sakht tanqeed shuru ho gayi hai.

Mashhoor actress Hira Mani ne mayoos logon ke liye aik roohani aur positive paighaam diya hai. Unka kehna tha ke jab zindagi mein koi darwaza band hota hai to Allah kai aur darwazay khol deta hai. Unhon ne sab ko sabr, yaqeen aur umeed qaim rakhne ka mashwara diya, jis par fans ne unhein khoob saraha.

Mashhoor actress Saba Qamar ne drama Muamma ke set par pesh aane wala aik khaufnaak waqia share kiya. Unhon ne bataya ke unke makeup artist ko wudu ke doran kisi ghaibi cheez ne thappar mara. Saba ne kaha ke woh supernatural cheezon par yaqeen rakhti hain, lekin unhein insaan sab se zyada khatarnaak lagta hai.