Babar Azam national team management ke mashwaray par cricket se mukhtasir break lene ja rahe hain. Zaraye ka kehna hai ke unhein thakawat ke baais aaram ka mashwara diya gaya hai, jis ki wajah se wo jari National T20 Cup ka hissa nahi honge. Fans ke liye yeh khabar kafi hairan-kun hai.

Mashhoor podcaster Adnan Faisal ne dawa kiya hai ke superstar Hania Aamir ne unke show par aane ke liye 20 lakh (2 Million) rupees ka mutalba kiya. Adnan ka kehna hai ke unhon ne aaj tak kisi guest ko itni badi raqam ada nahi ki. Unhon ne wazahat ki ke wo sirf production costs hi mutual consent se lete hain.

Aijaz Aslam ke aik inkishaaf ne Adnan Siddiqui ko mushkil mein daal diya. Aijaz ne bataya ke aik international flight ke doran Adnan restroom mein naha rahe thay jis se pani bahar aa gaya. Is “ghair-tehzeeb yafta” harkat par social media sarfeen ne Adnan ko shadeed tanqeed ka nishana banate hue ise mulk ki badnami qarar diya hai.

Nanhe Naat Khawan Arham Qadri ne apni masoomiyat aur pur-aitamad guftagu se Shaan-e-Ramzan mein sab ke dil jeet liye. Arham ki Naat aur khoobsurat libas ko social media par behad pasand kiya ja raha hai. Khususan rabbits (khargosh) se darne wali unki viral videos ne unhein raaton-raat netizens ka pasandida star bana diya hai.

Adakaara Farhana Maqsood ne Humayun Saeed par “scam” karne ka ilzaam laga diya. Farhana ka dawa hai ke film ‘Main Hoon Shahid Afridi’ ke liye unhein galat briefing di gayi aur telefilm bol kar feature film mein kaam karwaya gaya. Unhon ne bataya ke unhein na cast mein shamil kiya gaya aur na hi kisi promotional event ya premiere par bulaya gaya.

Mashhoor host Fiza Ali ne top Pakistani adakaaron ki “aik jaisi shakal aur similarities” par sawal utha diye. Unka kehna hai ke Wahaj Ali, Danish Taimoor aur Imran Ashraf jaise adakaar aik hi hairstyle aur beard cut ki wajah se “lookalikes” lagte hain. Fiza ne screen par innovation aur versatility ki kami ka zimmedar directors ko thehraya hai.

Mashhoor host Nida Yasir ne inkishaaf kiya hai ke unhon ne apne 17 saala career mein kabhi koi suit repeat nahi kiya. Nida ka kehna hai ke styling un ki hamesha se priority rahi hai aur ab top designers unhein har show ke liye naye looks khud provide karte hain.

Rajab Butt ne haal hi mein viral hone wali video mein Eman ka difaa karte hue kaha ke “Eman buri larki nahi hai.” Unka kehna hai ke asal masla Eman ki apni shakhsiyat nahi balkay unke aas paas ke log hain jo theek nahi hain. Rajab ne logon se appeal ki ke wo Eman ke kirdar ko judge na karein.

Hania Aamir podcast controversy mein naya morr agaya. Meiraj Haq ne podcast host Adnan Faysal ki asliyat khol di. Jahan Adnan ne Hania par paise mangne ka ilzaam lagaya, wahin Meiraj ne saboot dikhaye ke Adnan ki team khud guests se interview ke liye lakhon rupay mangti hai. Is ke baad kai aur content creators ne bhi Adnan par sawalaat utha diye.

Ahmed Ali Akbar ne Shaukat Khanum ke liye fund jama karne ke ek event mein Imran Khan ki bohat tareef ki. Unhon ne kaha ke Khan Sahab is mulk ke sab se azeem insaanon mein se aik hain. Ahmed Ali ne hospital ke kaam ko appreciate kia aur logon se madad ki appeal bhi ki.