Actor Ali Rehman Khan ne apni single life par khamoshi tod di hai. Unka kehna hai ke log aksar samajhte hain ke woh shadi shuda hain, lekin haqeeqat mein woh apni single zindagi se bohot khush hain. Unhon ne wazeh kiya ke filhal woh kisi khas kism ki khatoon ki talaash mein nahi hain aur apni azadi ko enjoy kar rahe hain.

Mashhoor adakaara Zoya Nasir ne apne waalid aur legend scriptwriter Nasir Adeeb ki 86th birthday par ek jazbati post share ki hai. Unhon ne apne waalid ko apna pehla “superhero” aur “gentleman” qarar dete hue unki shakhsiyat aur hamesha “suited and booted” rehne ke andaz ki tareef ki. Fans is khoobsurat baap beti ki jori ko bohat pasand kar rahe hain.

Vaneeza Sattar ne cricketer Shoaib Malik ke sath shadi ki afwahon ko Jhoot Karar Dia. Ek interview mein unhon ne bataya ke wo aaj tak Shoaib Malik se mili bhi nahi hain. Vaneeza ne kaha ke aisi jhooti khabrain kisi ki zati zindagi ko mutasir karti hain aur unhon ne kabhi apni mashhoori ke liye ye afwah nahi phelayi.

Famous vlogger Rajab Butt ne apni biwi Eman Fatima ko pregnancy ke doran dhoka dene ka aitraaf kar liya hai. Rajab ne bataya ke unhon ne publically maafi maangi aur badlay mein Eman ko iPhone 17 bhi diya. Social media par log is confession se kaafi gusse mein hain aur Rajab ki sakht mazammat kar rahe hain.

Pakistani actress Mamya Shajaffar ne apni health se mutalliq ahem baat share ki hai. Unhon ne bataya ke woh L*upus jaisi a*utoimmune disease ka samna kar rahi hain. Mamya ne himmat ke sath apni journey share ki taake awareness barh sake. Celebrities jaise Ayeza Khan aur Hira Mani ne unke liye support aur duaen bheji hain.

Sidra Niazi ne show Hasna Mana Hai mein apne mysterious husband ke baare mein baat ki. Unhon ne bataya ke unke husband Lahore ke khanon ke bohat shoqeen hain aur apna naam public nahi karna chahte. Host Tabish Hashmi ne bhi reveal kiya ke interview se pehle kai calls aayi theen ke unka naam bilkul mention na kiya jaye.

Pakistani actor Adnan Siddiqui ne mashhoor drama Mere Paas Tum Ho ke characters par apni raye di hai. Unka kehna hai ke Shehwar asal villain nahi tha. Unke mutabiq Shehwar ne shuru se sach bola tha jabke Mehwish ne apne faislon ki wajah se zyada ghalti ki, is liye unhein villain kaha ja sakta hai.

Social media couple Kanwal Aftab aur Zulqarnain Sikandar ne logon ko choti family plan karne ka mashwara diya hai. Q&A session mein unhon ne kaha ke mehngai ke daur mein zyada bachay plan karna mushkil ho jata hai. Dono ne bataya ke woh filhal doosra baby plan nahi kar rahe aur bachon ke darmiyan gap zaroori hota hai.

Pakistani family vlogger Rajab Butt ke hawalay se Ghazal Jawad ne ahem announcement ki hai. Unhon ne bataya ke Rajab ab kuch arsay tak vlogs mein nazar nahi aayenge kyun ke woh family issues aur stress ka samna kar rahe hain. Ghazal ab unke vlogs handle kareingi aur fans ko family updates deti raheingi.

Pakistani actor Ahsan Khan ki ek video social media par viral ho gayi hai jis mein woh sadak par logon ki madad karte nazar aaye. Unhon ne sabzi wale ki madad ki aur ek shakhs ko road cross karwaya. Lekin video share karne par users ne tanqeed ki aur kaha ke naiki ko social media par dikhana zaroori nahi.