Soha Ali Khan Ne Apne Relationship Ke Early Phase Par Baat Karte Hue Bataya Ke Sharmila Tagore Ko Fikr Thi Ke Kunal Kemmu Shadi Nahi Karenge. Soha Aur Kunal Ka Kehna Tha Ke Shadi Un Ke Liye Priority Nahi Thi, Lekin Dono Families Ki Khwahish Par Donon Ne Aakhirkar Shadi Ka Faisla Kiya.

Sonakshi Sinha Ne Zaheer Iqbal Ke Saath Apni Interfaith Shadi Par Khul Kar Baat Ki. Actress Ne Bataya Ke Unhon Ne Apna Relationship 3 Saal Tak Parents Se Chhupa Kar Rakha Aur Shadi Ke Din Public Reactions Aur “Noise” Ko Ignore Karna Pada, Taake Woh Apni Khushi Par Focus Kar Sakein.

Pakistani mashoor and talented actress Saba Qamar Ne Apne Aakhri Social Media Post Mein Makeup-Free Appearance Dikhai Aur Industry Ko Encourage Kiya Ke Screen Par Zyada Real Faces Dikhayein. Unhone Highlight Kiya Ke Authenticity Glamour Se Zyada Important Hai. Fans Ne Unki Bold Stance Ko Jaldi Hi Praise Kiya.

Priyanka Chopra Ne Janhvi Kapoor Ki Gender Equality Par Awaz Ko Support Karte Hue Unki We The Women Asia Speech Apni Instagram Story Par Reshare Kar Di. Priyanka Ne Kaha Ke Tabdeeli Guftagu Se Shuru Hoti Hai. Janhvi Ke Bayaan Ko Social Media Par Bharpoor Tareef Aur Support Mil Rahi Hai.

Deepika Padukone Ne Date Night Ki Glamorous Pictures Instagram Par Share Ki Jin Par Ranveer Singh Ka Flirty Comment Sab Ki Tawajjo Ka Markaz Ban Gaya. Ranveer Ke Mazahiya Alfaaz Par Fans Ne Dil Aur Laugh Emojis Ki Barsaat Kar Di. Couple Ki Chemistry Ne Social Media Par Phir Dhoom Macha Di.

Shah Rukh Khan ne bataya ke woh Kajol aur Twinkle Khanna ke talk show par is liye nahi aa paaye kyun ke film King ki shooting ke doran unke shoulder par chhot lag gayi thi. Unhon ne kaha ke unhein bohat afsos hua, kyun ke woh zaroor aana chahte thay aur show ke tamam episodes dekh chuke hain.

1990s mein Amitabh Bachchan financial crisis se guzar rahe the, ABCL bankrupt aur qarz Rs 90 crore se zyada. Mushkil phase ke bawajood, unhon ne Ek Rishta film ke liye double shifts kiye. Director Suneel Darshan kehta hai, “Woh khud call karke pooch rahe the agar woh film kar sakte hain.” True superstar!

Madhuri Dixit ne bataya ke shadi ke baad America mein unki zindagi bohat peaceful thi, jahan woh apne bachon ke sath quality time guzaar rahi thin. Unke shohar Dr Nene ne zindagi mein change chaha, jis ke baad dono ne India wapas aa kar naya chapter shuru karne ka faisla kiya.

ARY Digital ka drama Meri Zindagi Hai Tu ne sirf 8 episodes ke baad 100 million+ views ka milestone achieve kar liya. Hania Aamir aur Bilal Abbas Khan ki shandar performance aur story ki emotional depth ne viewers ko worldwide engage kar diya. Romance, betrayal aur qismat ki kahani ne show ko blockbuster banaya hai.

Pyari Maryam ke fans ke liye ek dukh bhari khabar ke sath ek umeed ka pegham bhi samne aaya hai۔ Fatal delivery ke bawajood Maryam ke janam lene wale twin baby boys bilkul sehatmand hain۔ Unke shohar Ahsan ne tasdeeq ki hai kay dono bachay mehfooz hain۔ Aur unki logon se darkhawast Maryam ke liye dua ki jaye.