Saba Faisal ne apni family wedding ki tasaveer share ki, lekin unki pehli bahu Neha Faisal ki ghair-mojoodgi ne naya sawal khara kardiya. Fans ne mehndi ki taqreeb mein puri family ko dance aur halla gulla karte dekha magar Neha ko nazar na ane par sakht tanqeed ki. Log pooch rahe hain ke kya khandan mein abhi bhi sab theek nahi?

Nabeel Zafar ne Karachi ki barish ka mawazna “dusri shadi” se kar diya. Nabeel ka kehna hai ke Karachi mein barish ki khwahish bilkul dusri shadi jesi hai, soch kar maza to bohat ata hai, lekin jab asal mein ho jaye to “lag pata jata hai.” Unka ye dilchasp bayan logon ko khoob pasand aya.

Mawra Hocane aur Khushhal Khan ke naye romantic comedy drama “Winter Love” ka teaser jari hogaya hai. Danish Nawaz ki direction mein ye drama shoot hua. Fans is nayi jori ko screen par dekhne ke liye bohat excited hain, jabke Ali Zafar ki awaz mein drame ka OST bhi tawajjo ka markaz bana hua hai.

Ken Doll apni walida ki takleef yaad karke interview mein ro paray. Unhon ne bataya ke unki walda ne unhen “single mother” bohat mushkilat se pala aur salon mein 15 ghante kaam kiya. Adnan ne bataya ke wo aaj bhi apni maa ki mehnat aur unke sujay hue paon dekh kar tarap uthte hain. Unhon ne apni kamyabi apni walda ke naam kardi.

“Zanjeerain” ka pehla official poster jari kar diya hai. Is drame mein Sajal Aly, Danyal Zafar, aur Hamza Sohail samait kayi baray sitare aik sath nazar aayenge. Fans is nayi jori aur kahani ka bay sabri se intezar kar rahe hain. Drame ka pehla teaser 6 April ko H*m TV par release kiya jaye ga.

Mashhoor jori Ramsha Khan aur Khushhal Khan ki seceretly shadi ki khabrein social media par viral ho rahi hain. ‘Duniyapur’ aur ‘Biryani’ ki kamyabi ke baad fans inhen haqeeqi zindagi mein bhi sath dekhna chahte thay. Haal hi mein aik nikah ki report samne aayi hai, jis par dono sitaron ne abhi tak koi tasdeeq ya tardeed nahi ki.

Ali Zafar ke sasur Jo unke wakeel bhi tha, Ne Meesha Shafi ke khilaaf defamation case mein jeet par khamoshi tor di. Unhon ne bataya ke unhon ne barson tak ye larai lari aur court mein tamam saboot pesh kiye. Unka kehna tha ke is faislay se Ali Zafar ki khoi hui izzat wapis mil gayi hai.

Pakistan mein petrol aur diesel ki qeematon ne awam ke hosh ura diye hain. Petrol 458 aur diesel 570 rupey tak pohanch gaya hai, jis par Omair Rana, Mishi Khan aur Khaled Anam samait kayi baray sitaron ne gham-o-gussay ka izhaar kiya hai. Celebrities ka kehna hai ke is “mehangai ke bomb” ne ghareeb aur middle class tabqay ki kamar tor di hai.

Rajab Butt ne apni niece ki pehli salgirah par unhe (gold bangles) tohfe mein di hain. Rajab Butt ne apni family ke sath mil kar bhanji ki birthday celebrate ki aur is mauqe par ye qeemti gift de kar sab ke dil jeet liye. Social media par fans Rajab Butt ke is andaaz ki bohat tareef kar rahe hain.

Mashhoor host Nadia-Khan ne drama “Leader” mein Kinza Hashmi ki acting ki bohat tareef ki hai. Nadia ka kehna hai ke is drame mein Kinza ka “aura” bilkul mukhtalif hai aur wo apne is role se fans ko surprise karne ke liye tayyar hain. Fans bhi Kinza ki screen presence aur unki acting ko social media par bohat pasand kar rahe hain.