Zoha Tauqeer ne Old Generation ka jayedaad bananay ke junoon par tanqeed ki. Aik interview mein unhon ne kaha ke baray buzurg apni zaat par kharch karne ke bajaye sirf asasay banatay rehte hain, jis se unki aulad sust ho jati hai aur khud mehnat karna chhod deti hai. Aur yahi wajah hai ke naye log kuch karne ki koshish nahi karte.

Adakaara Naeema Butt ne sabiq Wazir-e-Azam Imran Khan ki himayat mein bara bayan de diya. Unhon ne kaha ke Imran Khan ko j@il mein nahi hona chahiye kyunke wo sirf aik siyasi leader nahi, balkay mulk ki youth ki energy aur naujawano ki umeed hain aur unki rihaai waqt ki zaroorat hai.

Maroof gulukaar Ali Zafar ne Eid par pehne gaye apne “See-Through” kurte aur “Ajrak Dhoti” par honay wali tanqeed ka tanzia jawab de diya. Social media par unhon ne mazahiya andaaz mein “maafi” mangte hue kaha ke unhein ehsas hai ke unka kurta aur podon ko pani dena is waqt ka sab se bara qaumi masla ban chuka hai.

Fahad Mustafa aur Sana Fahad ne apni beti Fatima ki 15 salgirah bharpoor andaaz mein manayi. Fatima ne is mauqe par baby pink rang ka khubsoorat libas pehna aur do mukhtalif cakes kaatay. Midnight celebration ke baad aik bari taqreeb hui jis mein khandaan ke buzurgon, doston aur cousins ne shirkat ki.

Resham ne apni shadi ki khwahish aur uske peechay naik maqsad ka inkishaaf kiya. Aik interview mein unhon ne kaha ke wo aik aisa hamsafar chahti hain jo unhein khulay dil se paise de taake wo mazeed “Langar” taqseem kar sakein. Resham ne is dour mein shadi tootne aur shohrat ke liye shadi karne walon se apne darr ka bhi izhaar kiya.

Maroof adakaar Gohar Rasheed ne Khana Kaaba mein selfies aur videos bananay walon par sakht tanqeed ki hai. Unhon ne kaha ke log muqaddas maqamaat par ibadat ke bajaye shooting mein masroof rehte hain. Gohar ne pur-zor mutaliba kiya ke tawaf ke doran videos bananay se guraiz karein aur is jagah ke ehtaram ka khayal rakhein.

Cricketer Imad Wasim ki ex wife Sannia Ashfaq ne Nyla Rajah par shadeed tanqeed karte hue sakht alfaz istemaal kiye hain. Sannia ne social media par kaha ke aisi aurat ka unke bachon ki zindagi mein koi maqam nahi hoga. Unhon ne Nyla ko “homewrecker” qarar dete hue elan kiya ke wo apne bachon ko unke saaye se bhi door rakhengi.

Mashhoor comedian aur host tabish hashmi ne lahore aur karachi ka mawazna karte hue aik nayi behas cherdi. Unhon ne kaha ke lahore ka infrastructure aur hifazat ke lihaz se karachi se kahin behtar hai. Tabish ke is bayan ne social media par dono shehron ke chahne walon ke darmiyan aik dilchasp muqabla shuru kar diya hai.

Actress ayeza khan apne naye fashion look ki wajah se tanqeed ki zad mein aa gayi hain. Hamesha sanjeeda aur munasib libas pehanne ke liye mashhoor ayeza khan ne jab sleeveless kapron mein tasaveer share ki, To unke fans ne sakht narazgi ka izhaar kiya. Netizens ka kehna hai ke unhein ayeza se aise bold look ki umeed nahi thi.

Pakistan ke mashhoor host aur actor fahad mustafa ne hosting ke hawale se aik herat-angaiz inkishaaf kiya. Unhon ne kaha ke unhein hosting bilkul nahi aati aur na hi aaj tak seekhi hai. Fahad ke mutabiq jab wo set par hote hain to woh apni masti mein pura set ghoomte hain aur isi wajah se log unhein pasand karte hain.