Veteran star bushra ansari ne apni pehli shadi ke baad susral mein eid ka talkh tajurba share kiya. Unhon ne bataya ke unka susral nihayat khushk mizaaj tha jahan eid par aik dosre ko gale lagane ka riwaj bhi nahi tha. Bushra ke mutabiq unki zinda-dili ko wahan dabaya gaya aur aik mazaaq karne par unhein sakht danta bhi gaya.

Wbo world boxing champion usman wazir ne hania aamir ko boxing ki training dena shuru kardi hai. Usman ne hania ki salahiyaton ki tareef karte hue kaha ke wo aik mazboot fighter ban sakti hain aur jald hi kisi match mein hissa le sakti hain. Is ke sath hi usman ne hukumati sarparasti na milne par afsos ka izhaar bhi kiya hai.

Mashhoor model aur actress saheefa jabbar ne food business ke mushkilat par khamoshi tor di. Unhon ne kaha ke zindagi mein sab kuch karlein magar apna food business mat shuru karein. Saheefa ke mutabiq is karobar ko sambhalna aur manage karna intehai mushkil aur thaka dainay wala kaam hai, jis mein unhein kafi mushkilat ka samna karna para.

Mashhoor host hina niazi ne shadi ke baad apni pehli eid par shohar ki taraf se milne wali bhari eidi ka inkishaaf kiya hai. Unhon ne bataya ke unke shohar ne unhein eidi ke tor par taqreeban 5 se 6 lakh rupe diye hain. Dilchasp baat yeh hai ke yeh eidi pakistani rupes ke bajaye us dollars mein di gayi hai.

Mashhoor actress hira mani ko film ‘aag lagay basti mein’ ke premiere par bold saree pehanne par sakht tanqeed ka samna hai. Unke sleeveless blouse aur naye fashion look ne social media par aik nayi behas cherdi hai. Netizens hira mani ke is libas ko na-pasand kar rahe hain.

Mashhoor morning show host nida yasir apne eid look aur wig ki wajah se sakht tanqeed ki zad mein aa gayi hain. Unke red silk outfit aur hairpiece ne social media par aik naya hangama khara kar diya hai. Netizens unhein unki umar ke mutabiq fashion na karne aur tv show par inappropriate dress pehanne par troll kar rahe hain.

Superstar Fahad Mustafa Ne Showbiz Mein Rangat Ke Hawale Se ‘Colorism’ Par Apni Khamoshi Tor Di Hai. Waseem Badami Ke Show Mein Baat Karte Hue Unhon Ne Kaha Ke Hero Banne Ke Liye Gora Hona Zaroori Nahi. Unhon Ne Khud Ko ‘Sanwla’ Qarar Diya Aur Kaha Ke Aaj Ke Daur Mein Sirf Talent Hi Kamyabi Ki Asal Wajah Hai.

Pakistan Ki Super Star Hania Aamir Ne Apne Hit Drama Serial ‘Meri Zindagi Hai Tu’ Ke Ikhtetaam Par Fans Ke Saath Yaadgar BTS Moments Share Kiye Hain. YouTube Par Millions Views Aur Behtareen TRP Hasil Karne Walay Is Drame Ka End Khush-Gawar Raha. Hania Ne Is Safar Ko Mushkil Magar Manzil Ko Pyara Qarar Diya Hai.

Fahad Mustafa Aur Mahira Khan Ki Film ‘Aag Lagay Basti Mein’ Ne Box Office Par Dhoom Machadi Hai. Eid-ul-Fitr Par Release Hone Wali Is Film Ne Pehle Weekend Mein Taqreeban 10 Se 12 Crore PKR Ka Business Kiya. Fans Jahan Iski Cinematography Aur Direction Ki Tareef Kar Rahe Hain, Wahin Kuch Ne Double Meaning Jokes Par Tanqeed Bhi Ki Hai.

Mashhoor YouTuber Rahim Pardesi Ki Eid Pictures Mein Unki Pehli Begum Ki Ghair-Maujoodgi Ne Fans Ko Pareshan Kar Diya Hai. Do Shadiyan Karne Walay Rahim Ne Is Baar Sirf Aik Hi Family Ke Saath Tasaveer Share Ki, Jis Par Netizens Sawalaat Utha Rahe Hain. Log Jan-na Chahte Hain Ke Unki Pehli Biwi Kahan Hain Aur Kya Dono Ke Darmiyan Sab Theek Hai.