Meera ne social media par apni zindagi ki mushkilaat ke bare mein aik gehri baat share kardi. Unhon ne kaha ke har mazboot aurat ki zindagi mein aik aisa chapter hota hai jo wo kabhi bayan nahi karti. Aur bataya unhon ne bhi khamoshi se mushkil waqt guzara hai aur wo aaj bhi har mushkil ka samna karne ke liye khari hain.

Ali Ansari ne Sajal Aly ke muqablay mein apna drama hit hone par khul kar baat ki. Unhon ne kaha ke Sajal ka drama “Dil Wali Gali Mein” production ke lehaaz se behtar tha, magar views aur ratings mein unka drama baazi legaya. Ali ne industry ke makhsoos “groups” par bhi tanqeed ki aur naye logon ko mauqa dene ka mashwara diya.

Mashhoor host Tabish Hashmi ne apni film “Aag Lagay Basti Mein” ki kamyabi ke baad aik aur bara inkishaaf kar diya. Hassan Choudary se baat karte hue unhon ne bataya ke wo bohat jald aik “bohot baray drama project” mein nazar anay walay hain. Film debut ke baad ab fans unhein dramas mein acting karte dekhne ke liye be-tab hain.

Naseem Shah ne CM Punjab Maryam Nawaz ke khilaaf viral tweet se la-taluqi ka izhaar kar diya. Tweet mein Maryam Nawaz ke stadium anay par tanqeed ki gayi thi, jisay Naseem ne “account hack” honay ka nateeja qarar diya hai. Is controversy ke baad PCB ne Naseem Shah ko show-cause notice jari kar ke unse wazahat talab kar li hai.

Shaan Shahid aur Sara Loren ne Bharat mein kaam karne par mukhtalif raye ka izhaar kiya hai. Shaan ka kehna hai ke wahan adakaaron ko wo izzat nahi milti jo Pakistan mein hai, isliye unhon ne wahan kaam na karne ka faisla kiya. Sara Loren ne ikhtelaf karte hue kaha ke Bollywood mein kaam karne se artist ko behtareen exposure milta hai.

Bee Gul ne apne drame “Aik Aur Pakeezah” ki research ke liye bada qadam liya tha. Unhon ne inkishaaf kiya ke haqeeqi surat-e-haal janne ke liye wo khud “victim” ban kar F.I.A aur lawyers ke paas gayein. Bee Gul ne c*ybercrime ke v.ictims ke saath hone wale rawayye ko qareeb se dekh kar drame ko intehai haqeeqi banaya hai.

Pakistan ki mashhoor jori Nida Yasir aur Yasir Nawaz aaj kal Europe mein vacations enjoy kar rahe hain. Is saal unhon ne Eid bhi Europe mein guzari, jahan unhon ne Netherlands ki tareekhi jagahon ki sair ki. Nida Yasir apne makhsoos “gypsy style” libas mein bohat pur-kashish nazar aa rahi hain.

Punjabi filmon ki star Deedar ne adakaara Resham par ghar tabah karne ka sangeen ilzaam laga kar sab ko hairan kar diya. Deedar ka kehna hai ke Resham asli zindagi mein intehai “negative” hain aur unhon ne kai logon ki zindagiyan kharab ki hain. Unhon ne Resham ke mojooda doston ko bhi unse bach kar rehne ki sakht hidayat di hai.

Social media star Rajab Butt ne apne upar hone wali tanqeed par sakht jawab de diya. Unhon ne na-pasandeeda alfaz istemal karne walon ko kaha ke logon ko apni zuban control mein rakhni chahiye. Rajab ka sawal tha ke kya doosron ko ‘beghairat’ kehna unhein suit karta hai? Is bayan ne internet par aik nayi behas cherdi hai.

Alizeh Shah ne Aina Asif ke seniors ke khilaaf bayan ki bharpoor himayat kardi. Alizeh ne kaha ke bad-qismati se bade stars aksar nayi aur kam-umar larkiyon ko set par nicha dikhane ki koshish karte hain. Unhon ne Aina ki himmat ki tareef karte hue unhein apni generation ki behtareen adakaara qarar diya aur kaha ke wo Aina par fakhar karti hain.