Lahore concert ke doran gulukaar Bilal Saeed ko adakara Sonya Hussyn ko uncomfortable karne par tanqeed ka samna hai. Bilal ne baat karte hue Sonya ko kandhon se pakra, jis par social media sarfeen ne narazi ka izhaar karte hue kaha ke un ka physical touch munasib nahi tha aur is se Sonya uncomfortable lag rahi thin.
Asim Azhar ne Hania Aamir se juri social media afwahon par tanz ke sath khamoshi tor di. Unhon ne kaha ke log haqeeqat jaane bina farzi kahaniyan bana lete hain. Asim ne fans ko mashwara diya ke un ki asli dastan internet ki afwahon mein nahi balkay un ke gaano mein hoti hai.
Fiza Ali ne 24 News HD ke apnay morning show se baqaida istifa de diya hai. Naeem Hanif ke mutabiq Fiza ali London mein Kumar Sanu ke shows mein dance aur shohar ke sath reels banane mein masroof hain, jabke channel ke sath un ki miscommunication chal rahi thi jis ki wajah se unhein istifa dena para.
Rajab Butt ne Asim Azhar ke naye gaane ko promote kiya, jis par Asim ke comment ke baad logon ne dono ko tanaazat mein gher liya. Haters ko jawab dete hue Rajab ne shadeed gusse mein unhein ‘gutter ke keeray’ kaha aur bayan diya ke un ke 9 million followers hain, is liye unhein kisi ki parwah nahi.
Namrah Shahid ne aik interview mein producers Abdullah Kadwani aur Asad Qureshi ki khulay dil se tareef ki hai. Unhon ne bataya ke yeh dunya ke woh wahid do producers hain jinhon ne kabhi un ki payment delay nahi ki. Mazeed yeh ke un ki walida ke inteqal par taziyat ka paigham bhejne wale bhi sirf yahi do producers thay.
