Aliza ne kaha ke wo us din ka intezar kar rahi hain jab unka beta bara ho kar apni biwi ko pehli aur bacho ko doosri tarjeeh de ga, jabke unhen maa ko sab se aakhir mein rakhe ga. Aliza ka manna hai ke agar Sultan ne aisa kiya to wo samjhen gi ke unhon ne bete ki tarbiyat behtareen ki hai.

Fahad Mustafa aur Mehwish Hayat, 8 saal ke baad aik sath film mein nazar ayenge. horror film ka naam “Zombeid” hai, jo Eid-ul-Adha 2026 par release ki jaye gi. Jahan fans is jodi ki wapsi par intehai pur-josh hain, wahin kuch viewers aik hi pairing ko bar bar cast karne par tanqeed bhi kar rahe hain.

Maryam Noor ne ‘DHA Wali Maid’ ke liye apni himayat ka izhaar kiya hai. Unhon ne na sirf unki mehnat ki tareef ki balkay us khatoon ko bhi khiraj-e-tehseen pesh kiya jis ne unhen apne ghar mein content banane aur agay barhne ka mauqa diya. Maryam ka kehna hai ke aisi hosla afzai waqai aik misali qadam hai.

Namra Shahid ne inkishaf kiya hai ke aaj kal drama industry mein adakari se zyada social media followers ki bunyaad par casting ki jati hai. Unhon ne bataya ke industry mein “lobby” aur “PR” ka raaj hai, jahan sifarish ki wajah se aisi larkiyon ko baray roles mil jatay hain jin ki koi khaas performance nahi hoti.

Actor Hasan Khan ne bataya ke Fahad Mustafa ne unhen gym mein dekh kar unke talent ko pehchana aur unke waalid ko acting ki ijazat dene ka mashwara diya. 11 saal ki struggle ke baad ‘Kafeel’ se pehchan banane wale Hasan ne apne career ka poora credit Fahad Mustafa aur unke production house ko diya hai.

Hania Aamir ne inkishaf kiya hai ke log kamyab aur khush-haal khawateen ko pasand nahi karte aur unhen girane ki koshish karte hain. Unhon ne bataya ke unhen social media par shadeed tanqeed ki wajah se break lena para. Hania ke mutabiq na sirf mard balkay showbiz fraternity ki aurtein bhi dusri aurton ko nishana banati hain.

Adakara Hania Aamir ne inkishaf kiya hai ke unhen parhai ke doran achanak film ki offer mili, jis ke baad unhon ne taleem chor di. Hania ne bataya ke ghar mein kamane wala koi nahi tha, isliye poore khandan ki zimmedari unke kandhon par aa gayi thi. Fans unki is himmat aur struggle ki bohat tareef kar rahe hain.

Sana Yousaf ki walda apni beti ke qatal par phat parri. Unhon ne rotay hue bataya ke beti ke gham mein unhon ne kai baar apni zindagi khatam karne ki koshish ki. Unka kehna hai ke Sana unki ikloti aur intehai bahadur beti thi. Unhon ne hukumat se beti ke qatilon ko sakht saza dene aur insaf ka mutaliba kiya hai.

Nyla Rajah ne PSL match ke doran Imad Wasim ko surprise dene ki video share ki, jis par netizens ne unhen sakht troll kiya hai. Log is romantic gesture ko “Anushka Sharma ki sasti copy” qarar de rahe hain. Kai viewers ne tanzia kaha ke aik din Imad unhen bhi kisi naye affair se surprise de denge.

Bushra Ansari ki apne shohar Iqbal Hussain ke sath viral hone wali videos par netizens ne ghussay ka izhaar kiya hai. Logon ka kehna hai ke unhen apni umar ke hisab se sanjeedgi ikhtiyar karni chahiye. Kai viewers ne unke “teenage” andaz aur shooting style ko na-pasand karte hue unhen sakht tanqeed ka nishana banaya.