Bollywood ke legendary actor Dharmendra ke guzarne ke baad unki beti Isha Deol ne Instagram par bohot jazbati post share ki. Unhon ne apne papa se mohabbat aur unke saath bond ka izhar kiya, aur kaha ke chahe aasman ya zameen ho, woh hamesha saath rahenge. Senior actress Hema Malini ne bhi unke liye jazbati paigham diya.

UK ne Pakistani YouTuber Rajab Butt ko mulk se nikal diya hai. Rajab Butt aaj subah Pakistan jaane wali flight se rawana ho gaye. Unki mulk badri ka sabab unka British visa cancel hona bataya gaya hai. Social media par unki country deportation ki khabar tezi se viral ho rahi hai.

Bilal Qureshi ka beta Quran mukammal kar chuka hai, jo unke liye bohot fakhar ka lamha hai. MashaAllah, is achievement se poori family khushi aur shukr guzari mein mubtala hai. Dua hai ke Allah unko ilm, imaan aur hidayat se hamesha nawaze. Yeh kamyabi sab ke liye inspiration ka source hai.

Islamabad High Court ne YouTuber Rajab Butt aur TikToker Nadeem Nani Wala ki kal tak ki protective bail approve kar di hai. Court ne unko kal Islamabad airport par land karne par arrest na karne ka bhi hukum diya. Dono ke khilaaf cyber crime aur dusre cases chal rahe hain, aur unko kal court mein hazir hone ki hidayat di gayi hai.

Pakistani mashoor writer Khalil ur Rehman Qamar ne rk appearance mein Nauman Ijaz jo pakistan ke superstar hero hain, unke baare mein baat karte hue jazbati andaaz mein Kalma parh kar kaha ke woh Nauman Ijaz se personal taur par naraz nahi, lekin asal mein us se nafrat karte hain.

Indian actress aur filmmaker Divya Khosla ne claim kiya hai ke Bollywood box office ka lagbhag 90% data fake hota hai aur corporate bookings ke zariye numbers mein hera pheri ki jati hai. Unhon ne kaha ke awards bhi khareede jate hain aur yeh sab paise aur power ki wajah se hota hai. Is se asli talent aur mehnat ko nuqsan hota hai.

Kiara Advani apni beti ki pedaish ke 4 mahine baad public appearance mein nazar aayi. Kiara ne husband Siddharth Malhotra ke saath 15 July ko beti ki pedaish ki thi, jiska naam Saraiyah Malhotra rakha gaya. Unhon ne Instagram par apni kuch photos share ki, jo viral ho gayi hain, aur fans ka kehna hai ke woh kaam par wapas aa gayi hain.

Ustad Rahat Fateh Ali Khan apni 51 birthday mana rahe hain. 9 December 1974 ko paida hone wale Rahat ne 3 saal ki umar mein Nusrat Fateh Ali Khan se taleem shuru ki. Unhon ne Pakistan aur India ke liye hit gaane diye. Unhe Pride of Performance, Filmfare, IIFA aur Oxford ki honorary PhD bhi mil chuki hai.

Khalil ur Rehman Qamar ne Bollywood ke teeno Khans mein se apne pasandeeda actors ka naam bata dia. Unhon ne kaha ke woh in mein se kisi ke saath writer ke taur par kaam nahi karna chahte, lekin co-productions hon to producer ke taur par kaam kar sakte hain. Unke mutabiq Aamir Khan aur Shah Rukh Khan unhe zyada pasand hain.

Bollywood ki hit film 3 Idiots ka sequel tayyar ho raha hai. Director Rajkumar Hirani ne script finalize kar li hai aur Aamir Khan aur Kareena Kapoor ne project sign kar liya. Reports ke mutabiq shooting agle saal shuru hogi aur puri cast phir saath nazar aayegi. Official announcement abhi tak nahi aayi.