Saba Hameed ne Tabish Hashmi ke Ramzan special show mein bataya ke unhon ne drama Fitoor mein Hiba Bukhari ko thapar mara tha. Unka kehna tha ke woh asli zindagi mein thapar nahi marti, lekin director ke insist karne par asli scene perform karna para aur baad mein maafi bhi maangi.
Pakistan ke mashhoor actors and actresses jese Nauman Ijaz, Amna Malik aur Samar Jafri ne Ramadan 2026 mein actresses ke darmiyan chalne wali social media laraiyon par khuli tanqeed ki hai. Celebrities ne industry ko mashwara diya ke muqaddas mahine mein behas aur controversies se parhez karein aur Ramadan ka ehtaram barqarar rakhein.
Actor Ali Rehman Khan ne apne viral marriage interview par afsos ka izhar kar diya. Shan-e-Suhoor mein baat karte hue unhon ne kaha ke woh interview mazaak mein diya gaya tha jo cringe lagta hai aur kaash internet se delete ho jaye. Ali ka kehna tha ke shadi woh tab hi karein ge jab sahi waqt aur sahi shakhs mile.
Rabia Anum ne Ramadan show mein pehle live ro kar apni family ke UAE mein phansay hone par fikar ka izhar kiya. Ab unki aik video viral ho rahi hai jahan woh Ramadan ka pehla samosa khati nazar aa rahi hain. Fitness journey ka hawala dete hue unka carefree andaaz social media par tanqeed ki wajah ban gaya.
Amna Ilyas ne aik show mein khulay dil se bataya ke woh shadi ke liye bilkul ready hain. Unhon ne mazakia andaaz mein Javeria Saud aur Nida Yasir se darkhwast ki ke woh unke liye rishtay dhoondein. Amna ka kehna tha ke ab unki taraf se poori koshish ho chuki hai.
