Pakistani cricketer Imad Wasim ki behan aur unki nayi biwi Nyla Rajah ne unki ex-wife Sannia Ashfaq par tanqeed ki hai. Imad ki behan ne Sannia ko qanooni karwaai ki dhamki di, jabke Nyla ne bhi ilzamat ko rad kiya. Is par Sannia Ashfaq ne bhi khamosh na rehte hue palat kar jawab diya hai.

Maroof Pakistani cricketer Shoaib Malik ne apni shadi ki afwahon par mazahiya rad-e-amal zahir kiya hai. Unhon ne kaha ke wo aksar apni shadi ki khabrein sun kar hairan reh jaate hain. Shoaib ne mazaq me kaha ke wo yeh afwah phelana chahte hain ke wo aik gentleman hain.

Adakara Anum Husain ne Sajal Aly ke sath kaam karne ke tajurbe par baat ki hai. Unhon ne bataya ke jab project ‘Main Manto Nahi Hoon’ ki shooting khatam hui to unhon ne dua maangi ke unhein Sajal Aly ke sath dobara kaam karne ka mauka miley. Fans un ke is bayan ko kafi pasand kar rahe hain.

Maroof Pakistani superstar Faysal Quraishi aur unki biwi Sana Faysal ne apni shadi ki 16vi salgirah manai hai. Yeh jodi picchle 16 saalon se aik dusre ke sath bohot khushgawar zindagi guzar rahi hai. Fans aur showbiz se wabasta shakhsiyat is pyari jodi ko salgirah ki mubarakbaad de rahe hain.

Maroof adakara aur host Javeria Saud ne apne naye vlog me fans ko apne in-laws se milwaya hai. Virginia me un ke susral walon ne un ke liye khususi khane ka ahtmam kiya. Family ne Javeria aur Saud ke sath sath un ke bacho ke liye bhi bohot pyar aur khwahishat ka izhar kiya.

Maroof filmstar Meera ne Resham par sangeen ilzamat lagate hue kaha ke unhon ne Laila ke ghurbat ke dino me unka mazaq udaya. Meera ne bataya ke Laila ne zindagi me bohot mushkilaat dekhi hain. Unhon ne fans se umeed zahir ki ke wo ‘Tamasha Season 5’ me Laila ko vote dein.

Pakistani actor Sohail Sameer ne 10 saal purani viral clip par awam se mafi maang li hai. Unhon ne wazahat ki ke yeh clip purani thi jo production house ne ab re-release ki hai. Sohail ne apni ghalti tasleem karte hue kaha ke unhein aise content ka hissa nahi banna chahiye tha.

Maroof former cricketer Wasim Akram ne apni biwi Shaniera ke sath future me Hajj par jaane ke hawale se baat ki hai. Unhon ne umeed zahir ki ke InshaAllah wo future me aik din dono sath mil kar Hajj ada karein ge. Unki yeh post social media par kafi pasand ki ja rahi hai.

Maroof actor Hamza Ali Abbasi ne khawateen ki dusri shadi par ahem baat ki hai. Unhon ne kaha ke jo divorced ya widowed aurtein dobara shadi karne ki khwahish rakhti hain, humein unhein buri nazar se nahi dekhna chahiye. Unka yeh bayan social media par kafi saraaha ja raha hai

Sistrology ki famous YouTuber Zainab Faisal ki boxing match ki video social media par viral ho gayi hai. Ring me unka muqabla Maha nami boxer se hua. Zainab ke is naye shauq par logon ki taraf se mukhtalif radd-e-amal saamne aa raha hai, jahan baaz log un ke tareeqay par tanqeed kar rahe hain.