Pakistan ki famous adakara Hania Aamir apni aik nayi video mein chote baalon (short hair) ke sath bohot khobsurat lag rahi hain. Unhon ne kaha ke short hair wali larkiyon ko bhi trends mein barabar ki numaindgi milni chahiye, jise fans ki taraf se khub pasand kiya ja raha hai.

Maroof writer Khalil-ur-Rehman Qamar ne bataya ke drama ‘Mere Paas Tum Ho’ ke aakhri episode par khawateen bohot gussa ho gayi thin. Unhon ne bataya ke cinema mein finale ke baad aurtein unhe marne ke liye aage barhin, jin se unke shohron ne unhein bachaya. Unhon ne Humayun Saeed ki bhi khub tareef ki.

Adakara Zoya Nasir ne senior adakara Saba Faisal ke divorce par diye gaye controversial bayan ka sakht jawab diya hai. Zoya ne kaha ke larki shadi bachane ki har mumkin koshish karti hai aur jab koi rasta nahi bachta tab divorce leti hai, isliye is par kisi ko sharminda hone ki zaroorat nahi hai.

Pakistani film industry ke maroof adakar Moammar Rana ne Qaiser Piya ko diye gaye interview mein apni talaq ki afwaahon ki tasdeeq kar di hai. Teen dahai tak sath rehne ke baad, unhon ne bataya ke court ke papers par dastakhat ho chuke hain, lekin woh abhi bhi apni family se muhabbat karte hain.

Bollywood ki mashhoor adakara Jacqueline Fernandez jab mashhoor YouTuber Zaid Ali se milin, toh unhon ne mazaqiya andaz mein kaha ke “Main tumhe jaanti hoon, tumhare andar aik aunty ka alter ego chupa hua hai.” Inki yeh mazedaar guftagu social media par fans ke darmiyan khoob pasand ki ja rahi hai.

Pakistani cricketer Imad Wasim ki ex-wife Sania Ashfaq ko London mein ‘Super Woman Resilience Award’ se nawaza gaya hai. Yeh award unhe mushkil halat ka samna karne, apni himmat banaye rakhne aur apne huqooq ke liye khari hone par diya gaya hai, jiski social media par bharpoor tareef ho rahi hai.

Nai ubharti hui adakara Sahar Hashmi ne drama producers aur campaign heads ke rawayyo par khul kar baat ki hai. Unhon ne Instagram story mein kaha ke agar employe aik din bhi late ho toh unhe unprofessional kaha jata hai, lekin mahino tak payments roki jayein toh woh sirf “accounts” mein phansi rehti hain.

Maroof adakar Yasir Hussain ne senior adakara Saba Faisal ki himayat karte hue kaha hai ke woh hamari sab se barri star hain. Unhon ne bataya ke woh har tarah ke kirdar mein fit ho jati hain. Senior sitaron ko social media samajhne mein mushkil hoti hai, isliye unhein bayanat par itni shadeed tanqeed ka nishana nahi banana chahiye.

Maroof adakara Dur-e-Fishan Saleem ka aik bayan social media par khoob viral ho raha hai, jis mein unhon ne rishton ki munafiqat par baat ki. Unhon ne kaha ke agar mard bag uthaye toh use romance samjha jata hai, lekin agar aurat khana pesh kare toh use ghulami samajhna rishton mein munafiqat ki inteha hai.

Social media star Rajab Butt aur Emaan ka mamla samne aya hai jahan Emaan ne Rajab se apne jahez ke 87 lakh rupaye wapas maange hain. Iske sath hi unhon ne apne aur bete Kivan ke guzar-basar ke liye har mahine 7 lakh rupaye monthly maintenance dene ki bhi demand ki hai.