Hania Aamir ne kaha ke log khush rehti auraton se nafrat karte hain, jis par Arslan Naseer ne rad-e-amal dete hue kaha ke masla khush auratein nahi balkay na-khush log hain. Arslan ke mutabiq log apni insecurities ki wajah se doosron ki khushi bardasht nahi karte. Social media par unka ye opinion kafi pasand kiya ja raha hai.

Pakistani actress Ramsha Khan ki aik purani video tezi se viral ho rahi hai jis mein unhon ne kaha tha ke Pakistani actors khud apni tasaveer leak karwa kar rishta public karte hain. Ab nikah ki photo leak hone par gussa dikhane par fans unhen “doghla” keh rahe hain.

Nadia Afgan ne inkishaf kiya hai ke unke waalid ne shadi se pehle hi keh diya tha ke ye rishta nahi chalega. Unhon ne Nadia ko faisla badalne ka mauqa diya magar shadi ke 6 mah baad hi Nadia ko ehsas hua ke unke waalid sahi thay. Bilakhir waalid ki himmat aur sath ki wajah se unhon ne ye takleef-deh rishta khatam kiya.

Mawra Hocane ke naye interview mein unka chehra bohat zyada glow kar raha hai, jisay dekh kar fans dawa kar rahe hain ke wo pregnant hain. Mawra ne abhi tak koi official elan nahi kiya, magar unki khubsurti aur “pregnancy glow” ki tasaveer social media par tezi se viral ho rahi hain aur fans unhen mubarakbad de rahe hain.

Shagufta Ejaz ne Nawaz Sharif par tanz karte hue kaha ke unhon ne kabhi ameer aur ghareeb mein farq nahi kiya, balke sab ko barabar loota hai. Unka ye bayan social media par nayi bahas chher chuka hai. Jahan kuch log ise sachi baat keh rahe hain, wahin Nawaz Sharif ke chahne wale adakara ko sakht tanqeed ka nishana bana rahe hain.

Nadia Hussain ne aik hairat angez inkishaf kiya hai ke unhen aik film mein Mikaal Zulfiqar ki maa banne ki offer hui thi. Nadia ne kaha ke Mikaal unse umar mein sirf chand saal chote hain aur wo unke sath kai bar ramp par dulhan ban kar chal chuki hain. Adakara ne is ajeeb-o-ghareeb offer ko foran thukra diya.

Naima Khan ki beti ne apni walida ki jawani ki tasaveer social media par share ki hain, jo tezi se viral ho rahi hain. Fans Naima Khan ka husn aur unka 90s ka style dekh kar unhen “haseen tareen” qarar de rahe hain. Kuch logon ne unka mawazna Bollywood adakara Parineeti Chopra se kiya aur unke ghane balon ki tareef ki.

Mawra Hocane ne bataya ke wo rone wale scenes itni safayi se kaise karti hain. Unka kehna hai ke shuru mein unhen mushkil hoti thi, magar ab wo character ki “backstory” samajh kar us dard ko mehsoos karti hain. Mawra ne ye bhi kaha ke kabhi kabhi rone wale scenes unki mental health par asar karte hain.

Ramsha Khan aur Khushhal Khan ke nikah ki tasaveer leak hone par social media par hungama shuru. Ramsha ne gusse mein Instagram se apni tamaam posts delete kar di hain aur bayan jari kiya hai ke unki ijazat ke baghair tasaveer leak ki gayin. Fans is khufia shadi par hairan hain aur mukhtalif tabsare kar rahe hain.

Bushra Ansari ne Dr. Omer Adil par nishana lagate hue kaha ke wo purane actors ke khandan aur background ke baare mein ghalat baatein phela rahe hain. Unka kehna tha ke jo log m@r chuke hain, unki buraiyan karna munasib nahi. Magar social media par log Bushra Ansari aur unke shohar ko hi “apne gireban mein jhankne” ka mashwara de rahe hain.