“Haute Talk” YouTube Show Me Hassan Choudhary Se Baat Karte Hue Actress Sehar Hashmi Ne Drama ‘Zanjeerain’ Ke Set Par Co-Actors Ke ‘Cold Behaviour’ Par Wazahat Di Hai. Unhon Ne Kaha Ke Un Ka Ishara Cast Ya Danyal Zafar Ki Taraf Nahi Tha, Balkay Set Par Kuch Behind-The-Scenes Staff Ka Rawayya Rude Tha.

Maroof Adakara Sarah Khan Ne Instagram Par “Q&A” Session Ke Doran Fans Ke Sawaalat Ke Jawab Diye Hain. Unhon Ne Betay Ki Khwahish Ke Sawaal Par Kaha Ke Unhein Sirf Aulad Ki Tamanna Thi. Do Betiyon Ki Walda Ne Mazeed Kaha Ke Wo Sirf Sukoon Ki Neend Ko Miss Karti Hain.

Maroof Pakistani Actress Sahar Hashmi Ne TV Par Bold Aur Hug Scenes Par Bollywood Star Emran Hashmi Se Apne Mawazne Par Jawab Diya Hai. Unhon Ne Kaha Ke Unhon Ne Sirf Script Aur Director Ki Vision Ke Mutabiq Kaam Kiya, Lekin Wo Audience Ki Pasand Ka Khayal Rakhte Hue Future Me Ehtiyat Karein Gi.

“Excuse Me” Podcast Me Ahmed Ali Butt Se Baat Karte Hue Maroof Actress Aur Writer Mira Sethi Ne Apni Talaq Se Milne Wale Sabaq Par Roshni Dali Hai. Unhon Ne Kaha Ke Kabhi Kisi Ke Liye Apne Aap Ko Tabdeel (Shape-Shift) Na Karein Aur Yeh Ke Shadi Ka Faisla Un Ka Apna Tha, Jis Me Kisi Ka Koi Qasoor Nahi Hai.

Maroof Anchor Iqrar-ul-Hassan Ne Inkishaf Kiya Hai Ke Wo Samajhte Thay Ke Wo Kabhi Do Shadiyan Nahi Karein Ge. Unhon Ne Bataya Ke Un Ke Waldein Ki Talaq Ki Wajah Se Un Ka Multiple Marriages Par Aik Negative Perception Tha Aur Un Ki Tamam Shadiyan Halat Ke Tehat Achanak Huein.

Maroof Pakistani Star Sajal Aly Ne Hania Aamir Ke Sath Apne Comparison Par Khamoshi Tor Di Hai. Unhon Ne Aik Dilsoz Paigham Me Fans Ko Yaad Dilaya Ke Har Aurat Ka Apna Aik Jadu Hota Hai Aur Sab Apne Alag Andaz Me Chamak Kar Pakistan Ka Naam Roshan Karti Hain.

Maroof Actress Sonya Hussyn Ne Apne Purane Drama ‘Meri Guriya’ Ka Hawala Dete Hue Instagram Par Awaaz Uthai Hai. Unhon Ne Kaha Ke 6 Saal Pehle Banaye Gae Is Drama Mein Unhon Ne Waazeh Kiya Tha Ke Child Rapist Ko Kia Saza Milni Chahiye. Unhon Ne Iqtadar Me Baithe Logon Par Sawaal Uthaya Hai.

Pakistan ki mashhor Adakara Sarah Khan Ne Apne Shohar Falak Shabir Aur Dono Betiyon Ki Kuch Unseen Tasaveer Share Ki Hain. In Tasaveer Ke Sath Unhon Ne Apne Personal Standards Aur Lifestyle Preferences Par Bhi Baat Ki, Jis Par Social Media Par Fans Ne Mily Juli Raaye Ka Izhar Kiya Hai.

Maroof Pakistani Superstar Feroze Khan Ki Salgirah Par Un Ki Doosri Begum Dr. Zainab Feroze Ne Unhein Aik Shandar Surprise Birthday Party Di. Zainab Ne Cake Aur Gifts Ka Intezam Kiya Aur Khoobsurat Lamhaat Social Media Par Share Kiye, Jis Par Feroze Khan Ne Apni ‘Z’ Ka Shukriya Ada Kiya.

Pakistan ke Maroof adakar Muneeb Butt Ko Abduction Aur Cryptocurrency Robbery Ke Case Me Begunah Qarar De Diya Gaya Hai. Un Par Suspects Ko Murree Mein Shelter Dene Ka Ilzam Tha, Tahem Police Investigation Mein Un Ke Khilaf Koi Saboot Nahi Mila Aur Adalat Ne Unhein Bari Kar Diya.