Senior adakaara Bushra Ansari ne halia afsosnak waqiat par shadeed rad-e-amal dete hue khwateen aur bacchon ki hifazat ke liye sakht qawaneen aur jald az jald iqdamaat karne ka mutalaba kiya hai. Unhon ne muaashray ko advise di ke bacchon aur khwateen ka khass khayal rakha jaye kyunke unke aas paas wehshi log mojood hain.
Sharmila Faruqui ne Karachi ka comparison France aur New York se karte hue kaha hai ke taraqi yafta shehron me bhi shadeed mosam aur masail aate hain. Unhon ne France me doobne ke waqiat aur New York ki barish ki misaal dete hue kaha ke kuch faults ko tasleem kar ke behtari lani chahiye.
Aroosa Iqrar-ul-Hassan ne Iqrar-ul-Hassan ki doosri wife Farah Iqrar ke khubsoorat ghar ka home tour karwaya hai. Farah ne furniture ki setting aur renovation ki tafseelat, samait apne bedroom, kitchen aur marhoom waalid ke kamray ki jhalqiyan dikhaein, jiske baad dono khwateen ne sath me seasonal ice cream bhi khai.
Blockbuster dramas Shaidai aur Zanjeerein se shohrat panay wali adakaara Sahar Hashmi jald hi Hum TV ke naye baray project Jamal-e-Zohra me nazar ayein gi. Is drama me unke sath Ahsan Khan aur Shahzad Sheikh markazi kirdar nibha rahe hain, jis par internet par Fans ka mixed rad-e-amal samne aya hai.
Indian social media star Urfi Javed ne aik food challenge ke doran mashoor Pakistani meme “Mujhe Desi Khana Zeher Lagta Hai” ko recreate kiya hai. Unhon ne rapid-fire segment me pizza ko desi khano par tarjeeh di, jis ne Fariha Farrukh ke viral clip ki yaad taza kar di.
