Pakistan ki Maroof and mashhoor talented adakaara Durefishan Saleem ne apni shadi ke hawale se baat karte hue sadgi ki importance par zor diya hai. Unka kehna hai ke wo zyada dhoom-dhaam ke bajaye aik chote se kamre me sadgi se nikah karengi aur koi badi taqreebat nahi hongi.

Social media par aaj kal Bharat ki adakaara Riva Arora aur Pakistan ki viral singer Zoha Waseem ki hairan-kun ham-shakli ke charchay ho rahe hain. TikTok aur Instagram par dono ki tasveerein aur clips shadeed viral ho rahi hain, jis par dono mulkon ke sarfeen dilchasp tabsare kar rahe hain.

Maroof adakaara Syra Yousuf ne apni beti Nooreh Shahroz ki 12wi saalgirah ke moqay par khubsurat tasveerein aur aik dilchasp paigham share kiya hai. Syra ne apni beti ke sath behtareen lamhat ki yadein share karte hue usse salgirah ki mubarakbaad di, jise fans behad pasand kar rahe hain.

Maroof adakaar Ali Ansari ne screens par romantic scenes filmaney ke hawale se baat karte hue bataya ke agar scene behtareen likha ho to unhe koi jhijhak nahi hoti. Lekin ghair zaroori ya ajeeb dialogues ke waqt wo uncomfortable ho jatay hain, jinhe adakaar moqay ke mutabiq tabdeel kar lete hain.

Maroof host aur adakaara Mishi Khan ne psychologist Dr Nabiha Ali Khan aur unke shohar Haris Khokhar ko talaq ke zati mamlat media par uchaalney par shadeed tanqeed ka nishana banaya hai. Mishi ne unhe apne masail private tor par hal karne ka mashwara diya, jis par nazreen ne Mishi ke muqif ki taid ki.

Maroof adakaar Ahsan Khan ne drama serial ‘Aap Ki Izzat’ me apne kirdar Tabish ka difa karte hue kaha ke yeh koi Toxic kirdar nahi hai balke aik aam grey kirdar hai. Unka kehna tha ke wo aik aam insan ki tarah ghalti karta hai aur us par sharminda bhi hota hai.

Maroof psychologist Dr Nabiha Ali Khan ka zati waqia social media par viral ho raha hai. Unhon ne bataya ke shadi ke shuruati dino me unhon ne apni saas se jawan nokraniyon ko kaam se hatane ka kaha, jis par unki saas ne naraz hokar unhe hi ghar se nikal diya.

Maroof adakaara Momina Iqbal ki behan aur wakeel Rimsha Iqbal ne apne shadeed khushi ke lamhe ka zikr karte hue bataya ke Momina ka Nikkah un ke liye sab se haseen din tha. Unhon ne bataya ke Momina ne hamesha walidain ki tarah unka khayal rakha aur unke shohar Hamza aik behtareen insan hain.

Pakistani adakaar Yasir Hussain ne senior Indian actor Naseeruddin Shah ke Bollywood adakaaron ki khamoshi par kiye gaye tanz par apne raddeamal ka izhaar kiya hai. Yasir ne un ke bayan ko “sarcasm at its best” qarar diya, jis ke baad social media par izhaar-e-raaye aur mashhoor shakhsiyat ki zimmedari par behas chhid gayi hai.

Farhat Ishtiaq ke maroof novel par mabni Pakistan ki pehli original Netflix series ‘Jo Bachay Hain Sang Samait Lo’ ki release ki tareekh samne aa gayi hai. Reports ke mutabiq yeh series 2026 ke aakhir me release hogi. Momina Duraid ki direction me banne wali is star-studded series ki editing jari hai aur promotion jald shuru hone wali hai.