Rajab Butt ka naya gaana “My Side” ka teaser release hote hi social media par viral ho gaya hai. Is video mein wo aik naye “vintage look” mein nazar aa rahe hain. Fans is naye andaaz ko boht pasand kar rahe hain aur mukammal gaane ka intezar kar rahe hain, jo 24 April ko release kiya jayega.
Ahmed Ali Butt ne aik interview ke doran TikTokers ko “Kanjar” keh dala. Unhon ne kaha ke pehle showbiz walon ko bura samjha jata tha, magar ab har koi TikTok par ye kaam kar raha hai. Ahmed ne khud iqrar kiya ke unhen is bayaan par trolling ka samna karna par sakta hai.
Hira aur Arslan ne beach par dance ki video share ki, jis par viewers ne unhen “ghairat” aur “kaam na hone” ke taane diye. Arslan ne jawab mein logon ko hasad na karne ka mashwara diya, jabke Hira ne kaha ke unke paas pehle hi boht paisa hai. Ye jora aksar apni khushi ka izhaar dance ke zariye karta rehta hai.
Hasan Khan ne bataya ke unka bara beta mahino ICU aur ventilator par raha, jo unki zindagi ka sab se dardnak waqt tha. Unhon ne apni shadi aur biwi ki unki zindagi mein ahmiyat par bhi baat ki. Hasan ka manna hai ke nikah apne saath barkat lata hai aur unki kamyabi mein unke khandan ka bara hath hai.
Meera ne Rehan Tariq ke podcast mein dawa kiya hai ke Shaan Shahid, Shahrukh Khan se bare adakaar hain. Unka kehna hai ke Shaan na sirf behtareen actor hain balkay la-jawab director aur writer bhi hain. Meera ne mazeed kaha ke hamen Indian stars ki baat karne ke bajaye apne mulki sitaron par fakhar karna chahiye.
