Drama serial ‘Aik Mohabbat Aur’ ke adakaar Qudsia Ali aur Abbas Ashraf ne mard-o-khawateen ke rawayyon par baat ki. Abbas ne mardon ke narcissist hone ki wajah tarbiyat ko qarar diya jabke Qudsia ne bataya ke walidain ki muhabbat se mehroom khawateen ghair mehfuz hone ki wajah se har zulm bardasht karti hai.

Maroof adakaar Fawad Khan aur Iqra Aziz ko aik nayi feature film me aik sath cast kiye jane par social media par shadeed tanqeed ki ja rahi hai. Viewers ne dono ke darmiyan umar ke numayan farq par narazgi ka izhaar karte hue ise baap beti ki jodi qarar diya hai.

Maroof host aur adakaar Tauseeq Haider ne Turkish dramas ke liye Pakistani awam ke junoon par tanqeed ki hai. Unka kehna hai ke doosray mulkon ke tareekhi dramas ko sarahne ke bajaye hamein apne muqami content par dhyan dena chahiye aur apne idaron aur production ki behtari par kaam karna chahiye.

Senior adakaar Javed Sheikh ne inkishaf kiya hai ke unhon ne Shah Rukh Khan ki film ‘Om Shanti Om’ me kaam karne ka koi muawza nahi liya. Unka kehna tha ke Shah Rukh Khan ke sath kaam karna un ke liye aetazaz ki baat thi, is liye unhon ne paise lene se inkaar kiya.

Pakistan ke mashhor aur talented singer Abdul Hanan ka safar unki mehnat, musalsal koshish aur mehnat par yaqeen ki Misaal hai. Shuruati marahil se le kar bulandiyon tak pohanchne ka yeh safar unke Himmat ko zahir karta hai. Unka kehna hai ke yeh to sirf shuruaat hai aur abhi nayi kamiyabiyan baki hain.

Maroof actress Mehwish Hayat ne TV par apni wapsi ki khush khabri de di hai. Instagram par aik fan ke drama dekhne ki khwahish par adakaara ne jawab diya ke ARY Digital par unka naya drama jald hi on-air hone wala hai, jis se un ke fans me kafi khushi ki lehar daud gayi hai.

Pakistan ke mashhor maroof superstar Fawad Khan Ka Naya Sharp Look Social Media Par Viral Ho Gaya Hai. Un Ke Is Naye Dashing Style Aur Look Ne Aik Baar Phir Se Fans Ke Dil Jeet Liye Hain. Social Media Par Fans Un Ki Khoobsurti Aur Charm Ki Behad Tareef Kar Rahe Hain.

Geo TV ke drama serial ‘Shaidai’ ki kahani aur kirdar ‘Miraal’ ko shaqeed tanqeed ka samna hai. Viewers ka kehna hai ke drame ki kahani ko bilawaja lamba kiya ja raha hai aur Miraal ka bewakoofana rawayya show ko bezaar ba-na raha hai. Nazreen ne kirdar nigari aur dry reaction par bhi narazgi ka izhaar kiya hai.

Emaan Rajab ne sasural ke sath apne talluqat par baat karte hue kaha ke unhon ne apne susral walon ko hamesha apne maabap ka darja diya. Unhon ne wazeh kiya ke amma abba ki izzat sar aankhon par hai aur unhon ne kabhi sasural walon se oonchi awaz me baat nahi ki.

Dr Nabiha Ali Khan Ke Shohar Haris Khokhar Ne Un Ke Tamam Ilzamat Ko Jhoota Aur Bebunyad Qarar De Diya Hai. Haris Ka Kehna Hai Ke Unhon Ne Kabhi Koi Bad-saluki Nahi Ki Balkay Nabiha Ne Unhe Apne Ghar Walon Aur Kaam Se Door Kiya Aur Un Par Be-ja Pabandiyan Lagai rakhein.