Senior adakara Shaista Jabeen ne Nadia Khan ke morning show mein Firdous Jamal ke khwateen aur senior actors ke khilaaf mazi ke bayanat par kadi tanqeed ki hai. Unhon ne kaha ke Firdous Jamal ache adakar zaroor hain magar un mein khwateen ke liye koi izzat nahi hai. Shaista ne wazeh kiya ke woh unke sath kabhi kaam nahi karein gi.

Farhan Saeed ne drama Bas Tera Saath Ho mein ‘Anas’ ke kirdar par baat ki hai. Unhon ne bataya ke yeh drama muashray ki haqeeqat dikha raha hai jahan har mard ‘Alpha Male’ nahi hota. Anas ka kirdar be-bas nahi balkay khamosh aur ba-shaoor hai, jo ghar se bahar stand le sakta hai magar khooni rishton ke samnay chup rehta hai.

Fatima Faisal ne Eid-ul-Adha ke silsilay mein self-reflection par baat karte hue kaha hai ke behtareen qurbani sirf janwar ki nahi balkay insan ke apne andar ke “janwar” yani gusse, ana, takabbur aur manfiyat ki hai. Unka manna hai ke qurbani hamein dard-mandi aur aajzi sikhati hai taake hum aik behtar insan ban sakein.

Nasir Adeeb ne Momina aur Saqib controversy par lambe arsay tak bina shadi ke dating culture ki mukhalaft ki. Unhon ne kaha ke pasand ki shaadi sab ka haq hai magar rishta tay karne ke liye khandan ko shamil karna chahiye. Nasir Adeeb ne mazeed kaha ke agar unki apni beti Zoya Nasir bhi aisa karti, toh woh iski sakht mukhalaft karte.

Sanam Saeed ne aik interview mein khwateen ke huqooq aur workplace par tabdeeli ke hawale se baat ki aur kaha ke communication sab se ahem hai aur khwateen ko ‘Woman Card’ ka istemal kiye baghair apni baat agay barhani chahiye. Unhon ne mashwara diya ke sirf aurat hone ke nate mutalba karne ke bajaye, use apna haq samajh kar kaam karna chahiye.

Fahad Mustafa ne Zombied ki promotion ke doran baat karte hue kaha ke unhein public trolling se dukh nahi hota, balkay un logon se hota hai jo stars ko bash kar ke apna business chalate hain. Apne shorts pehnay ke mamle par unhon ne kaha ke woh sirf funky kapde pasand karte hain aur unka libas na-zeba nahi tha.

Sanam Saeed ne ‘Something Haute’ ke interview mein apni kamyabiyon ka credit apne bete Vali ko diya hai. Unhon ne bataya ke unka beta unke liye (good luck) laya hai, jis ki wajah se is saal unka hit drama Kafeel aur Cannes Film Festival mein shandaar debut jaisay ahem kamyabiyan mumkin huin.

Kanwal Aftab ko Hajj ke safar ke doran dark lipstick aur heavy makeup look share karne par kadi tanqeed ka samna hai. Tanqeed par jawab dete hue Kanwal ne kaha ke ibadat ka unki lipstick se koi talluq nahi aur Hajj 8 Zil-Hajj se shuru hota hai. Is bayan par sarifeen unhein Ihram ke qawaneen aur saadgi ka d*ars de rahe hain.

Momina Iqbal ne rishton ki ehmiyat aur unke tahaffuz par baat karte hue aik ahem sabaq share kiya hai. Unka kehna hai ke agar aap ne kisi ke sath acha waqt guzara ho, to halaat badal jaane ke baad bhi us rishte aur insan ko wahi izzat aur maqam dena chahiye taake rishton ka bharam qaim rahe.

Fahad Mustafa ko apni nayi film Zombied ki promotion ke doran aik naye look par social media par kadi tanqeed ka samna hai. Unhon ne oversized coat aur wide-leg trousers pehna tha, jis par sarifeen ne unke is andaz ko ‘Chapri’ aur ‘Clownish’ qarar diya. Kuch logon ne unke is look ka comparison Hania Amir aur Himesh Reshammiya se bhi kiya.