Drama serial ‘Kafeel’ ke second last episode ne Sanam Saeed (Zeba) aur Aashir Wajahat (Subuk) ki zabardast acting ki wajah se fans ko rula diya. Maa aur bete ke darmiyan pur-asar guftagu ne logon ke dil jeet liye hain. Internet par viewers isay acting ki “masterclass” qarar de rahe hain aur akhri episode ke liye excited hai.
Adakaara Momina Iqbal ne apne marhoom waalid ke liye aik nihayat jazbaati paigham share kiya hai, jis ne boht se logon ko rula diya. Unhon ne bataya ke waalid ke bicharne ka gham aaj bhi unke saath hai aur wo unhein har mushkil waqt mein yaad karti hain. Fans Momina ki is himmat aur sadgi ki boht tareef kar rahe hain.
Pakistan ki talented superstar Mahira Khan ki Harvard Business School mein di gayi taqreer viral ho gayi hai. Fans unhein “Real Queen” keh rahe hain kyunke unhon ne wahan Pakistan ko represent kia. Mahira ne apni zindagi ki nakamiyon aur kamyabiyon par baat karte hue sab ko hosla diya.
Pakistani semi classical singer Sajjad Ali ne inkishaf kiya hai ke unhon ne India se milne wali indian citizenship ki offer thukra di thi kyu ke Unka kehna tha ke unhon ne apna mulk chora hai, baicha nahi. Is mardana jawab ne har Pakistani ka dil jeet liya hai.
Hania Aamir aur Asim Azhar ke dubara saath hone ki khabron ne dhoom macha di hai. Hania ko Asim ke USA concert mein unke naam ka bandana pehne dekha gaya, jis se unke rishte ki tasdeeq ho rahi hai. Kuch fans is jori ki wapasi par khush hain, jabke kuch maazi ke jhagron ki wajah se unhein troll kar rahe hain.
