Bollywood ki superstar Deepika Padukone ne apni 8-hour shift demand aur Spirit aur Kalki 2 se exit par khamoshi tod di! CNBC-TV18 ko interview mein kaha, “Male superstars saalon se 8 ghante kaam karte hain, par kabhi headlines nahi banti.” Deepika ne kaha industry ko “zyada organised system” ki zarurat hai.

Director Umesh Bist ne khol diya raaz, Kajol aur Sanya Malhotra dono mein hai asli strength, confidence aur emotional depth! Umesh kehte hain, “Main unke struggles ko mehsoos karta hoon, dono apne roles ko poori sachai se jeeti hain.” Drama The Trial Season 2 aur Paglet ke director ne kaha, “Ye dono real women power hain!”

Actress Anya Singh ne apni struggles aur personal loss par khamoshi tod di. boli, “Main bohot fortunate rahi hoon.” Unhone bataya ke father ki death aur maa ke cancer ne unhe strong banaya. Ab Netflix hit “The Ba*ds of Bollywood”** ke success par kehti hain, “Mehnat aur sabr ka phal mil gaya.”

Businessman Raj Kundra ne Mumbai Police EOW ko bataya ke unki company Best Deal TV Pvt Ltd ko demonetisation ke baad bhari nuqsaan hua Kyunki unka model cash-dependent tha. Ongoing ₹60 crore fraud probe mein Kundra ne kaha, “Cash-on-delivery system collapse hone se business doob gaya.” Shilpa Shetty ke bank records bhi investigate ho rahe hain.

Composer Ismail Darbar ne reveal kiya ke Sanjay Leela Bhansali ne shuru mein Salman Khan ko Devdas ke liye socha tha, lekin baad mein Shah Rukh Khan ko cast kiya. Unhone kaha, “Bhansali aur Salman ke beech equation Devdas ke baad kharab ho gayi.” Aishwarya–Salman breakup bhi is badlaav ka eik reason mana ja raha hai.

Arbaaz Khan aur unki wife Shura Khan ne apni beti ka naam social media par reveal kar diya! Unhone Instagram post mein bataya ke unhone apni princess ka naam “Sapara Khan” rakha hai. Arbaaz aur Shura ke ghar beti ki paidaish kuch din pehle hui thi, dono ne likha: “Alhamdulillah, welcome Sapara Khan.”

Shilpa Shetty aur unke shohar Raj Kundra ko Mumbai High Court ne hukum diya ke agar woh bahar mulk jana chahte hain to 60 crore rupay court mein jama karwayein! Dono par 60 crore ke fraud case ka ilzaam hai, jabke court ne kaha, paisa jama karne ke baad hi unki darkhwast par ghour hoga.

YouTube ne AI-generated Bollywood videos delete kar diye jinke 16 million views tha! Ye kadam tab uthaya gaya jab Abhishek Bachchan aur Aishwarya Rai ne AI videos ke khilaaf court case file kiya. Report ke baad “AI Bollywood Ishq” channel hata diya gaya, jisme Salman aur Aishwarya jaise stars ke fake AI clips tha.

Bollywood star Ameesha Patel ne podcast mein khulaasa kiya ke unka dream date sirf Tom Cruise hai! 50 saal ki Ameesha ne bataya ke bachpan se hi woh Cruise ki deewani hain posters se le kar crush tak sab kuch. Unhone mazak mein kaha, “Tom ke liye rules tod doon!” Shaadi? “Bas worthy banda milna chahiye!”

Actress producer Richa Chadha ne NFDC (National Film Development Corporation) par nishana laga diya kaha ke unhone unki film “Girls Will Be Girls” ke liye wada kiya paisa pura nahi diya! Waterfront Film Festival mein Richa ne kaha, “Independent filmmakers ke liye sarkar se paisa nikalna bahut mushkil hai.”