Vitamin D ki kami duniya ki aadhi abadi ko affect kar rahi hai aur logon ko pata bhi nahi. Symptoms mein thakan, body pain, hair fall, anxiety, aur weak bones shamil. Experts kehte hain simple blood test se confirm karein. Rozana dhoop, healthy diet, exercise aur doctor-prescribed supplements se Vitamin D levels improve ho sakte hain.

Spain ke Sestao Chess Tournament se 7 Israeli players withdraw kar gaye jab organizers ne unhein national flag ke neeche khelne se mana kiya, Gaza conflict aur Palestinians se solidarity ke liye. Event mein 33 mulkon ke 250 players shamil hain. FIDE ne kaha unse consult nahi kiya gaya aur discrimination ko strongly condemn kiya.

Supreme Court ne Chief Justice ke liye security fleet 8 se kam karke 2 gaariyan kar di. Serving aur retired judges ki security bhi rules aur Presidential Order ke mutabiq regulate. Extra deployment hata kar police wapis duties par bhej di gayi. SC ne kaha: public resources ka ehtiyaati aur rule-based istemal hoga.

Karachi ka 29 saal ka naujawan Naegleria Fowleri, brain-eating amoeba ka shikar ho kar guzar gaya. Sindh Health Dept ke mutabiq symptoms 7 September ko samne aaye aur 11 September ko confirm hua. Is saal Karachi mein total 5 deaths ho chuki hain. NIH ka kehna hai infection se bukhaar, headache, vomiting aur gardan sakhti hoti hai.

Islamabad High Court ne order jari kar diya ke Imran Khan aur Bushra Bibi ki 190 million pounds Al-Qadir Trust case mein sentence suspension petitions ki sunwai jaldi hogi. 17 January ko Accountability Court ne Imran ko 14 saal, Bushra ko 7 saal ki saza di thi. NAB par jaan bujh kar case delay karne ka ilzaam hai.

Karachi Super Highway Gadap ke qareeb do speeding bikes aamne samne takrain, teen afraad jinh mein eik aurat bhi shamil thi, spot par hi jaan se gaye. Marne walon mein 17 saal ka Abdul Salam aur 16 saal ka Amir shamil, dono cousins aur security guards tha. Abdul Salam ki chand mah baad shaadi thi.

Bareilly mein Disha Patani ke ghar ke bahar do bikers ne 7 goliyaan chalayi, zimmedari Goldy Brar gang ne le kar isay “sirf trailer” qarar diya. Gang ka ilzaam hai ke uski behen Khushboo ne saints ki tauheen ki. Police ne 5 khaas teams tainaat karke security sakht kar di, Bollywood mein shiddat ka khauf.

16 September se petrol aur diesel ki qeematon mein izafa ka imkaan. Sources ke mutabiq petrol Rs1.54 barh kar Rs266.15, High-Speed Diesel Rs4.79 barh kar Rs274.78, kerosene Rs3.06 aur light diesel Rs3.68 barhne ka chance. Summary PM Shehbaz Sharif ko bheji gayi, final approval ke baad naye rates lagu honge.

TikToker Sana Yousuf murder case mein badi progress, Islamabad court ne 20 September ko mulzim Umar Hayat par charges frame karne ka faisla suna diya. Police ne mulzim ko court mein pesh karke challan ki copies di. Yaad rahe 3 June ko Umar ne Sana ko goli maar kar qatal kiya tha, case Sumbal Police Station mein registered hai.

Karachi AIG Javed Alam Odho ka kehna hai ke 2025 ke pehle 8 mahina mein January se august tak shehar ke crime rate 32% tak kam hogaya. Murder cases 30%, street crimes 16%, robberies 20% aur vehicle theft 9% kam hua. Police ne 2,452 mulziman ko giriftar kiya aur 62 agwa shuda afraad ko mehfooz tor par recover kiya.