July ke liye mehangai 3.5-4.5% rehne ka andaza diya gaya hai, jabke SBP ka interest rate 11% hai. EPBD ne demand ki hai ke rate 6% tak laya jaye, warna businesses grow nahi kar paayenge. High rates se industry, exports, jobs aur tax revenue sab pe bura asar hai. July 30 ko SBP policy rate ka faisla karega.

Former Chief Justice of Pakistan Jawad S. Khawaja ne PM Shehbaz Sharif ke khilaf tauheen-e-adaalat ki darkhwast Supreme Court mein dakhil ki. 7 May ko Court ne 45 din mein civilians ke liye military court faislon ke khilaf appeal ka forum banane ka hukum diya tha. Hukoomat ne amal nahi kiya, jo Supreme Court ke faisla ki nafarmaani hai.

Aaj 29 July 2025 ko Pakistan Open Market mein mukhtalif mumalik ki currencies ke buy rates kuch is tarah hain: U.S. Dollar 285.3 PKR, Euro 334.3 PKR, British Pound 382.2 PKR, UAE Dirham 77.55 PKR, Saudi Riyal 75.9 PKR, Kuwaiti Dinar 919.35 PKR, Canadian Dollar 206.5 PKR, Australian Dollar 185.5 PKR, Malaysian Ringgit 66.74 PKR, Swiss Franc 352.88 PKR, Indian Rupee 3.22 PKR.

Marià Gabarro eik Spanish collector tha jis ne zinda dogs pasand nahi kiye lekin 5,025 dog figurines aur soft toys collect kar ke Guinness World Record banaya. 94 saal ki umar mein wafat ke baad, unke bachon ne ye record unki yaad mein register karwaya. Marià Gabarro ne ye unique collection apni 60s mein shuru ki, jo ab unki pehchan ban chuki hai.

Karachi mein Naya Nazimabad Ground par tape ball tournament ke final ke moka par Inzamam-ul-Haq aur Sarfaraz Ahmed ne tape ball cricket ki barhti maqbooliyat ko khushi ka baais qarar diya. Inzamam ne kaha unke daur mein 50 lakh ka inaam bhi nahi hota tha. Sarfaraz ne apni shuruaat street cricket se hone ka tazkira kiya.

Shoulder injury ke sabab vice captain Shadab Khan ke Asia Cup 2025 mein shamil hone ke imkanat kam ho gaye hain. Medical reports ke mutabiq unki wapsi October se pehle mumkin nahi. Asia Cup 9–28 September tak UAE mein hoga. Pakistan apna pehla match 12 ko Oman aur 14 ko India ke khilaf khele ga.

US President Trump ne Gaza mein food centres banane ka elan kiya bina boundaries ke, taake bhook se bilakne walon ko foran madad mil sake. UK PM Starmer ne ise insani afat qarar diya aur Israel par aid access ke liye pressure ka kaha. Trump ne $60m aid di; ceasefire ki himayat ki, magar Palestinian statehood par raaye se guraiz kiya.

ECP ne PTI ke MNA Ahmed Chattha aur Punjab Opposition Leader Malik Ahmed Khan ko 9 May ke dange aur fasad mein 10 saal qaid ke baad Article 63(1)(h) ke tehat na-ahal qarar de diya. Senator Ejaz Chaudhry bhi disqualify hue. Dange Imran Khan ki giraftari ke baad shuru hue; kai PTI rehnuma ab bhi qaid mein hain.

Germany ke Karachi Consulate ne non-EU citizens ke liye tamam visa services foran band kar di hain, hatta ke un logon ke liye bhi jinki appointments confirm thi. Applicants ko kaha gaya hai ke services bahal hone par dobara register karein. Saath hi, US ne visa applicants ke liye social media public karna lazmi qarar diya hai.

Pakistan aur dunya bhar mein gold ki qeematon mein ajj bhi kami dekhi gai, Pakistan mein 24 karat Gold ka eik tola 100 rupay sasta hokar 356,300 rupay ka hogaya hai, jabke 10 gram Gold ki qeemat 85 rupay kam hokar 305,470 rupay par aagayi hai. Dunya bhar mein bhi kami dekhi gai hai, jahan eik ounce Gold ki qeemat 1 dollar ke kami ke baad 3,336 dollar hogai hai.