Karachi Safe City Project ka pehla phase aakhri marahil mein dakhil! IG Sindh Ghulam Nabi Memon ne Police 15, Shaheen Force aur Highway Patrol ko integrate karne ka hukum diya. DG Safe City ke mutabiq ab tak 891 cameras lag chuke hain. E-challan system bhi test basis par chal raha hai, jo second phase mein tamam shahron par available hoga.

PTA ne Fixed Satellite Services (FSS) license introduce kar diya 15 saal ke liye $500,000 fee par. Companies ko 18 months mein service shuru aur eik gateway station Pakistan mein banana hoga. Starlink aur Spacecom jese providers ko interest, remote aur deprived areas mein high speed internet possible. Data privacy rules ke tehat sara data Pakistan mein hi rahega.

Karachi ka dulha Jehanzeb, jo shadi ke din ghayab ho gaya tha, ab ghar wapas aa gaya! Police ke mutabiq usay kidnap nahi kiya gaya, balki usne khud ghar chorha. Jehanzeb ne confess kiya ke arranged marriage ki wajah se wo mental stress mein tha aur kuch din sarak par ghoomta raha. Case close karne ki tayyari ho rahi hai.

Pregnancy mein smoking aur vaping maa aur bachay dono ke liye bara khatra hai. Doctors kehte hain, stillbirth 23% zyada, birth defects 13%, aur infant death double ho sakti hai. Vaping bhi safe nahi, premature birth aur kam weight ka sabab banti hai. Experts nay warn kia hy ky abhi quit karo, apni aur agle naslon ki zindagi bachaao.

Gen-AI tools ne freelancing duniya hila di! Pakistan, jahan 3 million freelancers $400m earn karte hain, ab AI ki wajah se low-tech kaam khatam hota ja raha hai. Writers, designers aur VAs sab impact ho rahe hain. Experts kehte hain: sirf resist karna bekaar, freelancers ko AI seekh kar apni skills upgrade karni hongi warna survival mushkil hai.

NEPRA ne Hyderabad Electric Supply Company (HESCO) par rozana Rs.0.1 million fine laga diya! Faisla 4 April 2024 se effective hai. NEPRA ka kehna hai HESCO load shedding kam karne ke bajaye feeder losses chhupa raha hai aur line losses hide kar raha hai. Regulator ne warn kiya: ab efficiency improve karo warna aur sakht action hoga.

IESCO ka bara operation, 5,929 bijli chor pakray gaye aur 2,950 log giraftar. Rs.503.4 million ke jurmane bhi lagaye gaye. Federal Govt directives par 2023 se shuru hui drive mein 2.8 million meters check hua. Chief Khalid Mahmood ne bijli chori ko “qaumi jurm” qarar diya aur awaam se appeal ki ke helpline 118 par report karein.

India ki Supreme Court ne Ambani ke beta Anant Ambani ke wildlife centre Vantara ko allegations se bari kar diya! Court-appointed SIT ne kaha koi illegal animal acquisition, smuggling, ya mistreatment ka saboot nahi mila. Gujarat mein waqia Vantara 150,000 se zyada janwar aur 2,000 species ka ghar hai, jismein duniya ka sabse bara elephant welfare trust bhi shamil.

Pakistan Railways ne aurton aur special persons ke liye nayi reforms ka elan kar diya. Har station aur train mein gender-responsive protocols, awareness posters, safety announcements aur staff training shamil hongi. Nai refurbished trains mein special seats di jayengi aur bari stations par wheelchairs bhi muhayya hongi. Minister Hanif Abbasi kehte hain: PR inclusive aur modern railway system banayega.

Karachi Scout Colony mein female doctor Dr. Mishal naale mein jump karke ghayab, suicide attempt ka shuba. Police ke mutabiq domestic issues aur shohar ki doosri shadi par dispute ki wajah se pareshan thi. Rescue team abhi talaash mein masroof, laash baramad nahi hui. Family ne shohar Hasnain par tashaddud ka ilzaam lagaya, jo ab missing hai.