Hukoomat ne 1 August se petrol ki qeemat Rs7.54 kam kar ke Rs264.61 aur diesel ki qeemat Rs1.48 barha kar Rs285.83 kar di. LPG cylinder bhi Rs209 sasta ho gaya. Faislay OGRA aur international market review ke baad kiya gaya. Petrol sasta hone se bike aur car users ko raahat mili, jabke diesel mehnga honay se mehangai ka khatra.

Aaj 1 Aug 2025 ko Pakistan Open Market mein mukhtalif mumalik ki currencies ke buy rates kuch is tarah hain: U.S. Dollar 285.1 PKR, Euro 329.1 PKR, British Pound 380.4 PKR, UAE Dirham 77.65 PKR, Saudi Riyal 76 PKR, Kuwaiti Dinar 919.45 PKR, Canadian Dollar 205.6 PKR, Australian Dollar 184.1 PKR, Malaysian Ringgit 66.58 PKR, Swiss Franc 352.88 PKR, Indian Rupee 3.18 PKR.

Sindh govt ne 14 August celebrations ka mega plan announce kiya! Behtareen decorate kiye gaye vehicles, shops aur buildings ko prizes milenge. Karachi, Hyderabad, Sukkur mein concerts, rickshaw rally, poetry night, human flag aur vintage car shows honge. 5 August ko Kashmir protest event, aur disabled persons ke liye alag program bhi hoga.

Mastung, Balochistan mein pasand ki shadi karne wale joday ko unki biwi ke bhaiyon ne family gathering ka keh kar Lakpass ke eik hotel mein bulaya aur goliya maar kar qatal kar diya. Shohar Muhammad Shoaib aur uski haamla biwi Panjgur ke rehne wale tha. Dono ke do chhote bachay bhi hain. 5 bhai naamzad, action jari.

Faisalabad ATC ne May 9 case mein PTI leaders Omar Ayub, Shibli Faraz aur Zartaj Gul ko 10 saal qaid ki saza suna di. Fawad Chaudhry aur Zain Qureshi bari. 3 din mein itne saalon ki saza par Gohar ka tough reaction: “Yeh faislay jamhooriyat tabah kar rahe hain, adliyah se log mayoos ho gaye hain.”

Sindh Ombudsman ne KE CEO Moonis Alvi ko harassment case mein job se hatane ka hukam de diya. Un par Rs2.5 million jurmana bhi laga, ada na karne par assets freeze aur CNIC, passport block honge. Alvi ne faisla “distressing” kaha aur appeal ka elan kiya. KE Board ne unhein dobara CEO banane ka faisla kiya hai.

Canada ne announce kiya hai ke wo September mein UN meeting ke doran Palestine ko “state” tasleem karega. Yeh faisla Gaza mein bhook aur insani crisis ko dekhte hue kiya gaya. France aur UK bhi isi raaste par hain. Israel aur US ne iski mukhalfat ki hai. US Senate ne Israel ki arms sale rokne wali resolutions reject kar di.

PTI Chairman Gohar ne kaha ke May 9 ke faislay na-insaafi par mabni hain, isi liye unhein superior courts mein challenge kiya jayega. ATC ne Omar Ayub, Shibli Faraz, Zartaj Gul ko 10 saal jail di, jabke Fawad Chaudhry aur Zain Qureshi ko bari kiya. Gohar ne CJP se late-night trials ka notice lene ki appeal ki.

India ne FATF ko bataya ke KP CM Ali Amin Gandapur ne khud kaha, “Hum Taliban ko giraftar karte hain, lekin hamare idare unhein riha kar dete hain.” India ne isay Pakistan ke dehshatgardon ko support karne ka iqraar qarar diya hai. FATF mein Pakistan ko dobara grey list mein daalne ki koshish shuru.

Shangla ke coal miners par qayamat toot gayi, sirf 6 dinon mein Balochistan ke coal mines mein 3 alag hadson ne 5 ki jaan le li aur 3 ko zakhmi kar diya. Duki mein baap or beta gas dhamake mein halak hogaye, Orakzai mein 3 aur halak hua. 50 saal se Shangla ke log jaan daav par laga kar kaam kar rahe hain.