Bollywood actress Shilpa Shetty ne ₹60 crore ke fraud case mein Mumbai Police EOW ko apna bayan record karwa diya! Reports ke mutabiq Shilpa ne 4.5 ghante tak investigators ke sawalat ke jawab diye aur apni company ke bank transactions ki details di. Police unke aur unke shohar Raj Kundra ke khilaaf tehqiqaat jari rakhe hua hai!

Kya Iqrar ul Hassan ban rahe hain naya Altaf Hussain? Mashhoor journalist nay interview dete hua announce kiya ke wo aam aadmi ke liye apni political party bana rahe hain! Iqrar ne kaha ke wo khud election nahi ladenge balkay awaam ko mauqa denge bilkul MQM jese model par, lekin “bina sifarish aur asli awaam ke liye.” Social media par garam behas!

Pakistan ka pehla reality dating show Lazawal Ishq pehle episode ke baad logon ke nishanay par! Ayesha Omar ke host kiye gaye show mein 4 larkay aur 4 larkiyan eik villa mein “forever love” dhoondh rahe hain. YouTube par views to mile, lekin logon ne show ko “cheap, obscene aur cringe” keh kar boycott ki demand kar di!

Famous director Syed Noor ne Resham aur Saud Qasmi ke ilzamaat ka jawab de diya! Noor ne kaha ke Resham ki pehli 5 filmein unke sath super hit theen, lekin baad mein wo har role ke liye fit nahi thi. Saud par baat karte hua kaha, “Wo mere bachon ki tarah hain, unka bura kehne ka irada nahi tha.”

Mashhoor comedian Bharti Singh aur unke shohar Haarsh Limbachiya dobara maa-baap banne wale hain! Dono ne Switzerland se eik khoobsurat tasveer share karte hua khushkhabri di. Fans aur celebrities, jese Priyanka Chopra aur Esha Gupta, ne mubarakbad di. Bharti aur Haarsh ka pehla beta Laksh (Gola) 2022 mein paida hua tha ab doosra mehmaan rasty mein!

Wednesday fame Hollywood actress Jenna Ortega ne eik baar phir Palestine awaam ke haq mein awaaz buland karte hua unhein apna hero qarar de diya! Paris mein interview ke doran unhone kaha ke Palestinian logon ki himmat aur jazba lajawab hai. Jenna pehle bhi Palestine ke liye support dikhati rahi hain fans ne unki tareefon ke pul baandh diye!

Actress Nazish Jahangir eik baar phir social media par chha gayin is dafa apne bold libaas ki wajah se! Unhone foreign trip ki tasweeren share ki jahan wo sleeveless dress mein nazar aayin. Fans ne unke purane bayan yaad dilaye aur tanqeed ki, jabke kuch logon ne kaha ke kapron ka intekhab unka personal choice hai.

Odisha ke shehar Cuttack mein Durga Puja ke doran shadeed tashaddud, 25 log zakhmi! Police ne dhaara 163 ke tehat curfew laga diya aur internet band kar diya. Sirf hospital, pharmacy, grocery aur petrol pump khule hain, baaki sab band. Police ne lathi charge kiya, halat abhi pur-aman magar security tight!

Cricketer Shoaib Malik ne Sana Javed se alag hone ki afwahen galat qarar de di, Unhon ne kaha: “Yeh sab bakwaas hai, meri zindagi khushgawar guzar rahi hai.” Shoaib aur Sana ne California (Santa Monica) se new photos share karte hua sabit kiya ke sab theek hai. Unhon ne kaha, “Indian media hamesha scandals banata hai.”

Senior actress Asma Abbas ka dilchasp inkishaaf! Eik TV show mein unhone bataya ke unhone apne aur betoṅ ke mizaj ko dekhte hua bahuon ki talaash ki. Asma ne kaha, “bade bete ke liye dance pasand larki chahiye thi, jabke chhote ke liye apni pasand ki.” Unhone beta ko Thailand honeymoon ka funny mashwara bhi diya!