Cricketer Shoaib Malik ne Sana Javed se alag hone ki afwahen galat qarar de di, Unhon ne kaha: “Yeh sab bakwaas hai, meri zindagi khushgawar guzar rahi hai.” Shoaib aur Sana ne California (Santa Monica) se new photos share karte hua sabit kiya ke sab theek hai. Unhon ne kaha, “Indian media hamesha scandals banata hai.”

Senior actress Asma Abbas ka dilchasp inkishaaf! Eik TV show mein unhone bataya ke unhone apne aur betoṅ ke mizaj ko dekhte hua bahuon ki talaash ki. Asma ne kaha, “bade bete ke liye dance pasand larki chahiye thi, jabke chhote ke liye apni pasand ki.” Unhone beta ko Thailand honeymoon ka funny mashwara bhi diya!

Actor Humayun Saeed ne writer Khaleel ur Rehman Qamar ko mashwara de diya, “Interviews dena band kar dein, aap pehle hi mashhoor hain!” Yeh baat unhon ne Geo ke show Hansna Mana Hai mein kahi. Host Tabish Hashmi ne mazaak mein kaha, “raat ke waqt to bilkul interview na dein! Audience hans padi!

Actor Faysal Qureshi ne drama Case No. 9 par tanqeed ka jawab dete hua kaha, “Humne bold scene nahi, society ke haqeeqat dikhaye hain!” Unka kehna tha ke drama ka maqsad agahi aur awareness dena hai, na ke bold scenes dhikaye hein. Faysal ne kaha, “Hum wahi dikhate hain jo asal mein ho raha hai.”

Snapchat ne purani photos aur videos save karne par fees ka elan kar diya! 5GB se zyada Memories rakhne walon ko ab paid storage leni hogi, 100GB plan $1.99 aur 250GB plan $3.99 monthly. Users ka shadeed reaction, keh rahe hain “saalon se free feature ke liye ab paisay maangna na-insafi hai!”

America ke mashhoor investor Howard Rubin par darjanon khawateen se tashaddud aur zyadati ke ilzaam! New York court mein case ke mutabiq, unhone apne Manhattan apartment ko ayashi ka adda bana rakha tha, jahan unke sath Jennifer Powers bhi shamil thi. 2009–2019 tak chalta raha illegal network. Rubin ne ilzaam mustarad kar diye, case 20 October ko phir sunwayi hoga.

Bollywood ke star Ranbir Kapoor Deepika Padukone ke peeche chalte hua apni car hi bhool gaye! Mumbai airport par dono ki mulakaat ki video viral ho gayi, Deepika aage chal rahi thi aur Ranbir unke peeche, driver ne car ka darwaza khola magar wo seedha Deepika ke peeche nikal gaye! Fans ne kaha: “Yeh Deepika ka asar hai!”

Bollywood actor Salman Khan kay bhai Actor aur producer Arbaaz Khan (57) aur unki wife Shoora Khan (35) ke ghar beti ki pedaish! Shoora ne Mumbai ke hospital mein pehli aulad ko janam diya, Arbaaz unke saath maujood tha. Yeh unka doosra baccha hai pehle biwi Malaika Arora se unka beta Arhaan (22) hai.

Actress Fiza Ali ka shock kar dene wala inkishaaf! Eik TV show mein unhone bataya ke set par team se jhagra hone par unhone paye pakaye aur unmein neend ki, dard ki aur khansi ki goliyan mila kar team ko khila di, Fiza ne maana: “Yeh mazaak khatarnaak tha, baad mein samajh aaya.”

Pakistani actress Kinza Hashmi ne apne ideal life partner ke bare mein khul kar bataya! Eik web show mein unhone kaha ke unhe lambay qad aur daadhi wale, mukhlis aur wafadar mard pasand hain, chahe wo ameer na bhi ho. kinza ke mutabiq, “mohabbat status aur bank balance se zyada ahem hai!”