Bilal Maqsood ne Pakistan Idol ke set par Karachi ke halaat par khul kar baat ki. Unhone mazak mazak mein kaha, “Hum do phone rakhtay hain eik dene ke liye aur eik baat karne ke liye.” Bilal ne Rahat Fateh Ali Khan aur Fawad Khan ko mashwara diya ke rickshaw walon se fasla rakhein, kyunke wo bina dekhe paan thook detay hain!

Writer-host Vasay Chaudhary ne apne show mein Humayun Saeed ke “playboy image” par khul kar baat ki! Vasay ne kaha ke Humayun rumors ka jawab is liye nahi dete kyunke ye unhein hamesha relevant rakhta hai. 👀 Salman Saeed ne bhi kaha ke bhai calm rehte hain lekin beja tanqeed par gussa zaroor karte hain!

Feroze Khan ki shadiyon ka drama phir se headlines mein! Social media par viral posts ke mutabiq unki doosri biwi Dr. Zainab ne allegedly separation ka elan kiya tha, keh kar ke “Main aise aadmi ke sath nahi reh sakti jo trust nahi karta.” Magar ab Zainab ne clarify kiya “Ye sab fake hai, please report such pages.”

Mashhoor YouTuber Rajab Butt eik baar phir se controversy mein! Kai aurton ne un par shadi ke baad bhi affairs ka ilzaam lagaya hai. Ab unki walida ne kaha, “Har ladke ka eik past hota hai, agar wo tauba kare to Allah maaf kar deta hai.” Social media par logon ne unke bayan ko “Desi mom defence” qarar diya!

Former Miss World Aishwarya Rai Bachchan ne apni 52 salgirah shandaar andaaz mein manai! 🌸 Unhon ne eik interview mein apni beauty secret share karte hue kaha ke unki khoobsurti ka raaz hai simple routine safai, pani aur moisturize karna. Aishwarya ne kaha, “Khud se mohabbat karna hi asli khoobsurti hai.”

Singer Faisal Kapadia ne herat angaiz khulasa kar diya! Unhone bataya ke Dimple Kapadia unki bhatiji (niece) hain. Faisal Kapadia ne yaad kiya ke 1984 mein Dimple ke walid Karachi aaye the aur unse wada kiya tha ke wo usse Bollywood le jayenge. Family connection ne sabko surprise kar diya!

Showbiz fans ke liye surprise! Hania Aamir ne apne ex-friend Asim Azhar ka 29th birthday bash attend kar liya! Dono eik hee venue par nazar aaye, lekin saath pose nahi kiya. Social media par fans ke mixed reactions kuch ne Merub Ali ke liye sympathy dikhayi, to kuch ne kaha, “Ye internet ka best drama hai!”

Hollywood superstar John Cena ne Shah Rukh Khan se mulaqaat ko “life-changing moment” qarar diya! 💫 Cena ne kaha ke King Khan ka TED Talk unke liye mushkil waqt mein “roshni ki kiran” tha. Mumbai mein eik shadi ke doran hui mulaqaat ko Cena ne “yaadgaar aur jazbaati lamha” bataya.

Bacche ki pedaish ke baad Kiara Advani ne apni pehli film sign kar li! ✨ Woh director Sidharth P. Malhotra ki film “Kamal Aur Meena” mein legendary actress Meena Kumari ka kirdar nibhayengi. Film 2026 mein shoot hogi aur Meena Kumari–Kamal Amrohi ki asli mohabbat par mabni hai. Fans ne Kiara ko “perfect choice” qarar diya!

Bollywood actor Arshad Warsi ne eik podcast mein apni zindagi ka sabse dardnaak waqia share kiya! Unhone kaha ke unki walida inteqal se pehle pani maangti rahi, lekin doctoron ke mashware par wo pani nahi de sake. Arshad ne kaha ke aaj bhi unhe is baat ka gehra pachtawa hai.