Baghdad, Mosul ke qareeb Khasfa mass grave ki excavation shuru ho gayi. Yahan kam az kam 4,000 lashain hone ka andaza, victims mein soldiers, Yazidi aur shehri shamil. Site 150m gehra sinkhole hai jahan excavation mushkil hai kyunke zameen sulphur water se porous hai. UN ke mutabiq yeh Iraq ka sabse bara mass grave ho sakta hai.

Ecuador ke shehar Santo Domingo ke eik pool hall mein gunmen ki firing se kam az kam 7 afraad halak ho gaye. Attackers black masks mein aaye, entrance par firing ki aur andar ghus kar goliyaan chalate rahe, phir bhaag gaye. Pichle mahina bhi eik pool hall mein 9 log mare gaye tha. Ecuador ab drug cartels ke violence ka markaz ban chuka hai.

Sindh hukumat ne free solar panel scheme shuru kar di jo un gharon ke liye hai jo mahina mein 100 units tak bijli istemal karte hain. 200,000 families ko panels milne hain, 77,000 ghar le chuke, 123,000 agle phase mein milenge. Zyada applications aane par lottery hogi. Energy Minister ka kehna hai ke logon ko sasti aur clean energy di ja rahi hai.

Punjab CM Maryam Nawaz ne hukum diya ke diesel sasta hone ke baad transport kiraye foran kam kiye jayein, yeh awaam ka bunyadi haq hai. Federal govt ne diesel Rs12.84 kam karke Rs272.99 per litre kar diya. Kerosene aur light diesel bhi saste hua petrol price Rs264.61 per litre barqarar.

Khyber Pakhtunkhwa mein shadeed barsaat aur flash floods se 323 log halak hogaye aur 156 zakhmi. Sabse zyada nuqsan Buner mein, 209 afraad halak. 336 ghar tabah or kuch ko shadeed nuksan pahuncha. PDMA ne 21 August tak barish ki warning di. CM ne relief funds jari kiye, jabke PM Shehbaz aur Army ne rescue aur madad tez karne ka hukum diya.

China ne STEM fields (science, technology, engineering, math) ke skilled foreign youth, including Pakistanis, ke liye naya K Visa launch kar diya. Yeh 1st October 2025 se effective hoga. Applicants ke pass Bachelor ya upar ki degree honi chahiye. K Visa holders ko education, science-tech aur cultural exchange activities mein hissa lene ki ijazat hogi aur stay aur entry mein zyada flexibility milegi.

Lahore mein transgenders ke khilaaf “objectionable party” case dismiss ho gaya. Court ne kaha raid baghair permission hui, koi saboot ya gawah record par nahi tha. Maria B ki viral video par FIR register hui thi jisme 50–60 afraad ka zikar tha. Magistrate ne sab accused ko release kar diya, jabke activists ne morality laws ke misuse par concern uthaya.

Awam Express Lodhran ke qareeb brakes fail hone se derail, 1 passenger jaan se gaya, 32 zakhmi. Federal Railway Minister Hanif Abbasi ne officers ko sakht warning dete hua kaha ke insani zindagi se khelna bardasht nahi. Accident ke baad emergency meeting, dummy coaches hatane, track inspections aur drivers ki refresher training ka hukum.

President Asif Ali Zardari ne awaam se appeal ki ke climate change ka muqabla mil kar Green Pakistan Programme ke zariye kiya jaye. Monsoon plantation campaign mein October tak 41 million saplings lagaye jayenge. Unka kehna tha darakht sirf plantation nahi balke sehat, rozi, aur climate-resilient future ki guarantee hain. Youth, media aur farmers ko mil kar hissa lena hoga.

Senator Faisal Vawda ne kaha siyasatdan, NGOs aur dusre log hamesha apne faide ke liye Pakistan Army ko kamzor karte rahe hain. Unka kehna tha ke COAS Field Marshal Asim Munir ki leadership mein Army ne mulk ko eik bade terrorist hamle se bacha liya hai. Social media par Vawda ne warning di ke “Turram Khan” rukawat dalne walay kuchal diye jaenge.