Actor Zahid Ahmed ne apne viral bayan par maafi maang li hai jisme unhone kaha tha ke “social media creators jahannum mein jayenge.” Zahid ne kaha ke unke alfaaz jazbaati thay aur kisi ko gunehgaar kehna sirf Allah ka haq hai. Unhone kaha ke “bohat se naujawan meri baat suntay hain, is liye maafi zaroori thi.”

Zahid Ahmed ne dating show “Lazawal Ishq” par sakht tanqeed ki. Eik podcast mein baat karte hue unhone kaha ke woh yaqeen nahi kar sakte ke aisa “fahash” show Pakistan ke liye banaya gaya. Zahid ne kaha ke show ke producer ne isse PEMRA se bachne ke liye YouTube par release kiya. Unhone isse “ikhlaqi hudood ko dhundla karne ki sazish” kaha.

Shah Rukh Khan ne iqraar kiya ke unhe kai saalon tak National Award na milne ka afsos raha. 2025 mein film “Jawan” ke liye unhe pehli dafa Best Actor ka National Award mila. Bollywood ke King ne kaha ke “10–15 saal pehle dil dukh ta tha ke mehnat ke bawajood award nahi milta.” Ab unke liye sabse badi khushi fans ki mohabbat hai.

Bollywood ke Badshah Shah Rukh Khan ne career ke aaghaz mein filmon mein kaam karne se inkar kar diya tha! Producer Vivek Vaswani ne bataya ke us waqt SRK financial mushkilat mein thay aur Gauri Khan ko unka heroinon ke qareeb aana pasand nahi tha, is liye unhone sirf TV dramas tak khud ko mehdood rakha.

Rashmika Mandanna ne kaha ke agar unhein kisi eik superstar ke saath kaam ka mauqa mila to wo Prabhas honge. Apne Twitter (X) Q&A session mein unhon ne eik fan ke sawal par muskurate hue kaha, “Mujhe yeh idea bohat pasand aya! Umeed hai Prabhas sir yeh dekhen aur hum jaldi kisi khaas project mein kaam karein.”

Atif Aslam ka concert shadeed bad-intizami ka shikar ho gaya! 1 November ko Moeen Khan Academy mein hone wale show mein fans ne ghanton lambi lines, staff ke badtameezi bhare rawayye aur kharab sound system par shikayatein ki. Social media par logon ne Prism Events ko zaleel karte hue kaha ke har saal yehi scene hota hai.

Actor Usman Mukhtar ne Punjab ke tech-based smog control efforts par khushi ka izhar karte hue kaha, “Sabar rakho, asal tabdeeli waqt leti hai.” Unhon ne bataya ke Punjab ab Beijing ke model par chal raha hai real-time monitoring, e-mapping, EV promotion aur digital enforcement ke zariye. Unhon ne awaam se appeal ki ke mil kar Pakistan ko smog-free banayein.

Actress Kubra Khan ne apne husband Mirza Gohar Rasheed ki beach photos par pyara sa comment kar ke fans ka dil jeet liya. Kubra ne likha “Mine” to Gohar ne jawab diya “Alhamdulillah.” Social media par dono ke romantic exchange ne logon ko “couple goals” ka title dene par majboor kar diya fans ne kaha, “Mashallah, perfect jodi!”

Shah Rukh Khan ne 2007 ke HT Leadership Summit mein kaha tha ke bachon ke paida hone ke baad unhone apne roles ko le kar zyada ehtiyaat baratni shuru kar di. Unka kehna tha ke ab wo mean ya dark characters nahi karna chahte, kyunke wo chahtay hain unki filmein positive aur acchi cheezein dikhayein.

Huma Qureshi ki nayi film Single Salma release ho gayi! Film mein Lucknow ki eik larki London ja kar khud ko pehchaan’ne ka safar karti hai bilkul Kangana Ranaut ki Queen jaisa setup! Story dil se bani hai magar freshness ki kami mehsoos hoti hai. Huma ne performance se film ko sambhal liya!