NASA ne Chinese citizens ko apne space programmes se rok diya! Valid visa holders ab contractors ya students ke taur pe bhi kaam nahi kar sakte. Ye step Trump administration ke under China ke khilaaf rhetoric ke doran aya hai. US aur China Moon aur Mars race me compete kar rahe hain. Artemis 2027 target, China 2030.

Raja Zia Ul Haq ne Pakistani dating reality show “Lazawal Ishq” ko criticize kar diya! Show Turkey me film hua aur YouTube par release hoga, host Ayesha Omer hain. Scholar ka kehna hai ke youth ko aise content se door rehna chahiye. Internet par log unki baat se agree hain, aur show ko ban karne ki demand ho rahi hai.

Apple iPhone 17 ke preorder ke saath scams mein izafa ho gaya hai. Fraudsters fake websites, lotteries aur “tester” schemes ke zariye users se personal aur financial info nikal rahe hain. Kaspersky ki advice: sirf Apple ki official website, authorised retailers ya verified carriers se hi purchase karein, unsolicited emails aur offers ignore karein, aur 2FA enable karein.

World Health Organization ne obesity ko sirf lifestyle issue nahi, balki eik chronic, progressive aur relapsing disease qarar diya hai jo duniya bhar mein 1 billion se zyada logon ko affect karti hai. WHO ne pehli dafa weight-loss injections (GLP-1 drugs) ko recommend kiya hai un patients ke liye jinka BMI 30+ hai, counselling aur lifestyle changes ke saath.

Saudi Arabia ne Google Pay launch kar diya hai apne national payment system Mada ke zariye! SAMA ne Riyadh mein Money 20/20 conference mein is service ka aaghaz announce kiya. Ab users mada, Visa aur Mastercard cards Google Wallet mein add karke ‘Tap to Pay’ se secure transactions kar sakte hain, jo virtual token aur dynamic security code se protected hongi.

Balochistan ke district Kech mein IED blast se Army ki gari nishana bani, jismein Captain Waqar Ahmed, Naik Ismatullah, Lance Naik Junaid Ahmed, Lance Naik Khan Muhammad aur Sepoy Muhammad Zahoor shaheed hua. ISPR ke mutabiq, jawab mein clearance operation hua jismein 5 dushman maar giraye gaye. Fauj ka kehna hai: aise hamlay hosla nahi tod sakte.

Karachi Safe City Project ka pehla phase aakhri marahil mein dakhil! IG Sindh Ghulam Nabi Memon ne Police 15, Shaheen Force aur Highway Patrol ko integrate karne ka hukum diya. DG Safe City ke mutabiq ab tak 891 cameras lag chuke hain. E-challan system bhi test basis par chal raha hai, jo second phase mein tamam shahron par available hoga.

PTA ne Fixed Satellite Services (FSS) license introduce kar diya 15 saal ke liye $500,000 fee par. Companies ko 18 months mein service shuru aur eik gateway station Pakistan mein banana hoga. Starlink aur Spacecom jese providers ko interest, remote aur deprived areas mein high speed internet possible. Data privacy rules ke tehat sara data Pakistan mein hi rahega.

Karachi ka dulha Jehanzeb, jo shadi ke din ghayab ho gaya tha, ab ghar wapas aa gaya! Police ke mutabiq usay kidnap nahi kiya gaya, balki usne khud ghar chorha. Jehanzeb ne confess kiya ke arranged marriage ki wajah se wo mental stress mein tha aur kuch din sarak par ghoomta raha. Case close karne ki tayyari ho rahi hai.

Pregnancy mein smoking aur vaping maa aur bachay dono ke liye bara khatra hai. Doctors kehte hain, stillbirth 23% zyada, birth defects 13%, aur infant death double ho sakti hai. Vaping bhi safe nahi, premature birth aur kam weight ka sabab banti hai. Experts nay warn kia hy ky abhi quit karo, apni aur agle naslon ki zindagi bachaao.