Fahad Mustafa ne adakara Mehwish Hayat ke sath apne kaam ke tajurbe par baat ki hai. Unhon ne aik dilchasp bayan mein kaha ke Mehwish aur woh bachpan se aik sath kaam kar rahe hain. Dono ki on-screen jorhi ko industry mein behad pasand kiya jata hai aur unka yeh bayan ab viral ho raha hai.

Arslan Khan ne Hira Khan ke sath aik interview mein shadi ki haqeeqat par baat ki. Shadi ke teen saal guzarne ke baad Arslan ne bataya ke shadi koi aasan kaam nahi balkeh aik zimmedari hai. Unhon ne jawan larkon ko advice ki ke woh shadi sirf us waqt karein jab woh is zimmedari ko uthane ke liye poori tarah tayyar hon.

Khalil-ur-Rehman Qamar ne Momina Iqbal aur Saqib Chaddar ki controversy par baat karte hue dono ko barabar ka qasoorwar thehraya hai. Unhon ne kaha ke aisi cheezon ko publicly discuss karna bachpana hai. Khalil-ur-Rehman ne muashray mein barhte hue extramarital affairs par afsos jataya aur kaha ke is sab ka asal maqsad shadi ke muqaddas rishte ko tabah karna hai.

Fahad Mustafa ne bataya hai ke is barri shohrat ko paane ke liye unhon ne apni azaadi aur family time ki qurbani di hai. Unhon ne bataya ke unki koi public life nahi bachi aur ab unhein shadiyon ya dinners par bhi koi nahi bulata. Yahan tak ke unke bachon ne bhi unhein bahar le jaane ka kehna chorh diya hai.

Mamya Shajafar ne apni purani bimari ke baare mein khulaasa kiya hai. Unhon ne bataya ke unki film ‘Luv Di Saun’ ko mukammal hone mein teen saal is liye lage kyunke woh bohat zyaada bimar ho gayi thin aur unka cancer ki dawaon se ilaj chal raha tha. Unhein theek hone mein 8 mahine lage aur ab woh bilkul theek hain.

Bilal Abbas Khan aur Durefishan Saleem apni shadi ki afwahon ki wajah se social media par aik baar phir trend kar rahe hain. Dono adakaron ki on-screen chemistry maddahon mein behad pasand ki jati hai. Dono sitaron ne ab tak in afwahon par mukammal khamoshi ikhtiyar ki hui hai, jis se logon ka taajub mazeed barh gaya hai.

Momina ki behen Rimsha ke mutabiq, Saqib ki pehli bivi Sumaira ne hi Momina ko call kar ke bataya tha ke Saqib pehle se shadi-shuda hain, jis ke baad Momina unse alag ho gayin. Dono khwateen mein dosti bhi ho gayi thi, lekin ab Saqib ki biwi badla lene ke liye Momina ki zindagi kharab karne ki koshish kar rahi hain.

Nadia Khan ne bachon ko Eid-ul-Adha par qurbani dikhane ke hawale se ahem raye share ki hai. Unka kehna hai ke jab tak bache mature na hojaein aur qurbani ka asal maqsad na samajh lein, unhein yeh sab nahi dekhana chahiye kyunke yeh unke liye takleef-deh amal ho sakta hai.

Ken Doll ne Huda Beauty ke sath apne perfume collaboration par baat ki. Unhon ne bataya ke unhein London mein barhay launch ke liye bulaya gaya tha jahan unki mulaqaat Huda Kattan se hui. Adnan ka kehna hai ke unki mazi ki controversies ne unhein international platform par pohanchaya, kyunke Huda ki team unki har controversy par barri nazar rakh rahi thi.

Farhan Saeed ne aik interview mein Pakistani drama aur film industry ki tareef karte hue kaha hai ke hamari industry Bollywood se behtar hai. Unhon ne bataya ke Pakistan mein khwateen ko shadi aur bache hone ke baad bhi bator-e-heroine qubool kiya jata hai, jabke parosi mulk mein shadi ke baad actresses ko retired samajh liya jata hai.