Maroof adakaara Iqra Aziz ne apni beti Sophia Hussain ka chehra social media par pehli baar dikha diya hai. Iqra ne apne betay Kabir aur beti Sophia ka aik khubsoorat sibling photoshoot share kiya, jis me dono safed libas me hain. Fans ka kehna hai ke beti bilkul apni maa ki tarah dikhti hai.

Maroof host Tabish Hashmi ne Geo TV ke comedy show Hasna Mana Hai se 5 saal baad alag hone ka elan kiya hai. Unki is unexcpected alehadgi par fans ka daawa hai ke unhe Azad Kashmir par banayi gayi video ki wajah se hataya gaya hai. Par ab tak koi offical report nahi mili

Maroof host aur adakaara Mathira ne aik podcast me apni umar 34 saal batate hue cosmetic surgeries ka aitraaf kiya hai. Unhon ne bataya ke haadse ke baad Turkey se nose job karwaya, jabke fillers, Botox aur liposuction bhi karwaya hai. Mathira ka kehna tha ke aurat aasani se budhi nahi hoti.

Maroof senior adakaara Shagufta Ejaz ne YouTuber banne ki wajah bata di. Unhon ne bataya ke wo apne damad Ali Hamza Baloch ke daily vlogs se mutasir huin aur unhi ki madad se apna channel shuru kiya. Ibtida me unke bachay videos edit karte the, lekin ab wo khud editing karti hain.

Mathira ne mardon ki nafsiyati sehat par baat karte hue kaha ke muashray ne unhe “machine” bana diya hai. Unhon ne wazahat ki ke mardon ko jazbaat ke izhaar ka moqa nahi milta, jis se wo khamoshi se takleef sehte hain. Unhon ne khandanon par zor diya ke mardon ki kaifiyat ko samjhein.

Pakistani ki Maroof talented singer Momina Mustehsan pichlay taqreeban aik saal se social media se poori tarah ghayab hain. Unke Instagram account par 3.8 million followers hone ke bawajood sirf aik post mojood hai. Unki social media se is lambi ghair-haziri ne fans me kafi tajaassus paida kar diya hai.

Sannia Ashfaq ne cricketer Imad Wasim se talaq par khulasa karte hue bataya ke unhe pareshaniyon aur dhoke ka samna karna parha. Unhon ne ilzaam lagaya ke Imad aur unki family ne majboor karke zabardasti unka abortion karwaya. Aakhir kar Imad ne unhe talaq de kar doosri shadi kar li.

Maroof adakaara Yumna Zaidi ko unki walida aur pyaron ki taraf se salgirah par surprise party di gayi. Cream aur black libas me malboos Yumna ke liye cake, phool aur tohfe sajaye gaye. Yumna Ahad Raza Mir ke sath drama Cafe Firaaq se apne acting comeback ke liye tayyar hain.

Senior adakar Syed Mohammad Ahmed ne social media par wazahat karte hue fans se darkhwast ki hai ke set par mojood digar afraad ko hirasat na kiya jaye. Unhon ne bataya ke unhe Faizan Sheikh, Jinaan ya crew se koi shikayat nahi hai aur kabhi kabhi log ghabrahat me bhi hans parhte hain.

Maroof singer Atif Aslam ne 25 saal baad apne musiqi ke shauq se dobara judne ka inkishaf kiya hai. Unhon ne bataya ke unhe aik artist ke tor par khud ko dhoondne ke liye dobara zero se shuruaat karni parhi. Atif ne apni aane wali album Subah Aye Na ko apna sab se shakhsi kaam qarar diya hai.