Marriage Counselling Se Seekha, Khush Rakhna Sirf Shohar Ki Nahi Aap Ki Bhi Zimmedari Hai, Michelle Obama
Michelle Obama ne marriage counselling ka tajurba share karte hue kaha hai ke khush rehna sirf shohar ki zimmedari nahi hoti, balke khud bhi apni khushi ke liye koshish karni hoti hai. Unhon ne bataya ke unki 34 saal ki shadi mein ups and downs aaye, lekin counselling ne unki soch badal di aur rishtay ko mazboot rakha.
Nida Yasir Ek Baar Phir Trollers Ke Nishanay Par
Nida Yasir phir se social media trolls ke nishanay par aa gayi hain. Is dafa unka naya look, jis mein woh light color shalwar kameez, curly hair, maroon lipstick, lenses aur red artificial nails ke saath nazar aayi, users ko pasand nahi aaya. Kuch ne unki English speaking style par bhi tanqeed ki aur unhein Rakhi Sawant se tashbeeh di.
Hania Aamir Ki Apni Shadi Se Mutalliq Expectations
Hania Aamir ne apni shadi se mutaliq chalne wali afwahon par reaction dete hue kaha hai ke itni rumours ke baad ab unka bhi shadi ka dil kar raha hai. Unhon ne simple wedding ki khwahish ka izhar kiya aur bataya ke agar shadi hui to woh purple dress pehnein gi.
Afwaah Phailayi Ja Rahi Hai, Main Ne Biwi Ko Dhoka Diya Hai: Dhruv Rathee
Dhruv Rathee ne biwi Julie ko dhoka dene ki afwaahon ko sakhti se mustarad kar diya hai. Unhon ne kaha ke unke khilaaf jhooti aur man-gharat baatein phailayi ja rahi hain. Dhruv ne wazeh kiya ke woh apni biwi ke bohat wafadar hain aur in ilzamaat ka koi haqeeqat se talluq nahi. Julie ne bhi afwaahon ko jhoota qarar diya.
Ek Bohat Mashhoor Actor Bhi Is Ka Shikar Tha, Ab Main Hoon: Govinda Ka Affair Rumours Par Reaction
Actor Govinda ne affair rumours par reaction dete hue kaha hai ke unke khilaaf ek bari conspiracy chal rahi hai. Unhon ne kaha ke shohrat aur paisa har kisi ko nahi bakhshta aur unki family bhi anjaan tor par is saazish ka shikar ho rahi hai. Govinda ne khuda se madad aur bachon ki khairiyat ki dua ki.
Rashmika Mandanna Ka Kehna Hai Sikandar Ki Script Beech Mein Badal Gayi: “Baad Mein Jo Hua Woh Bilkul Mukhtalif Tha”
Rashmika Mandanna ne khulasa kiya hai ke Salman Khan ki film Sikandar ki script shooting ke doran kaafi badal gayi thi. Unhon ne kaha ke jo kahani unhein sunayi gayi thi, final film us se bilkul mukhtalif nikli. Film box office par flop rahi aur lead pair ki chemistry par bhi sawalat uthe.
Dr. Nabiha Ali Khan Ne Aroosa Khan Ko Multiple Marriages Par Lecture Diya
Dr. Nabiha Ali Khan ne Aroosa Khan ke podcast mein mardon ki multiple marriages par wazeh aur sakht raye di. Unhon ne kaha ke agar unka shohar doosri shadi kare to woh khud alag ho jaengi. Unka kehna tha ke aksar mard doosri shadi mein pehli biwi ke sath insaaf nahi karte.
Tajiron Ka Hi Nahi Shehar Ka Bhi Nuqsaan Hai, Showbiz Industry Bhi Gham Mein
Karachi ke markazi shopping centre Gul Plaza mein lagne wali holnaak aag se shehar gehre gham mein doob gaya hai. Is haadsay mein ab tak 14 afraad ján bahaq ho chuke hain jab ke kai zakhmi aur laapata hain. Showbiz sitaron ne is sanhay ko shehar ka bara nuqsaan qarar diya hai.
Iman Mazari Aur Hadi Ali Ko Tahal Giraftar Nahi Kiya Jasaka
Islamabad ki District & Sessions Court ne controversial tweet case mein Iman Mazari aur Hadi Ali Chatha ko ab tak na giraftar kiye jaane par brhami ka izhar kiya. Aditional District & Sessions Judge Muhammad Afzal Mujwka ne order diya ke aaj 11 bajay tak dono ko giraftar kar ke court mein pesh kiya jaye, aur search warrant liya jaye.
Kya Mrunal Thakur Aur Dhanush 14 February Ko Shadi Karne Wale Hain?
Actress Mrunal Thakur aur Tamil star Dhanush ki 14 February 2026 ko shadi ki khabrein afwaah sabit ho gayi hain. Indian media ke mutabiq dono ke darmiyan dating chal rahi hai lekin shadi ki koi date final nahi hui. Qareebi zarae ka kehna hai ke February mein Mrunal ki films release ho rahi hain is liye shadi filhaal plan mein nahi.