‘Zaryab Ke Audition Se Beenish Ke Kirdar Tak’: Noor Armina Ka Drama Serial ‘Dar-e-Nijat’ Par Khulaasa
Miss Universe Pakistan 2024 Noor Armina ne khulaasa kiya hai ke unhon ne Pakistani hit drama serial ‘Dar-e-Nijat’ me pehle main lead character ke role ‘Zaryab’ ke liye audition diya tha. Baad me ye kirdar Durefishan Saleem ko mila, jabke Noor ko drama me ‘Beenish’ ka kirdar diya gaya. par fans ne unko phir bhi pasand Kiya.
‘O-Levels Exams Me Fail Hone Par Khula Khulaasa’: YouTuber Zainab Faisal Ke Result Par Awam Ka Rad-e-Amal
Maroof YouTuber group ‘Sistrology’ ki Zainab Faisal ne O-Levels ke exam me aik subject me fail hone ka bataya hai. Unhon ne bina kisi jhijhak ke apna result sab ke sath share kiya. Is par social media logon ne unhe parhai par dhyan dene aur zyada mehnat karne ka mashwara diya hai.
‘Sajal Aly Ke Fans Mujhe Target Kar Rahe Hain’: Nadia Khan Ka Social Media Controversy Par Bayan
Maroof host Nadia Khan ne khulaasa kiya hai ke drama serial ‘Zanjeerain’ me director ki galti nikalne aur Durefishan Saleem ki tareef karne par Sajal Aly ke fans unhe target kar rahe hain. Unhon ne kaha ke fans ki is tarah ki harkaton se unke pasandida adakar ki izzat par farq padta hai.
“7 Saal Ke Talluq Ke Baad Ex Ne Kisi Aur Se Shadi Kar Li”: Adakaara Aruba Mirza Ka Dil Chhoo Lene Wala Khulaasa
Maroof adakaara aur ‘Tamasha 2’ ki winner Aruba Mirza ne ek interview me 7 saal ke talluq ke baad ex ki kisi aur se shadi par apne dil tootne ka dukh bayan kiya hai. Unhon ne bataya ke is dhoke se wo toot gayi thien, lekin ab unhon ne sabar aur bardasht se aage bharna seekh liya hai.
‘Nadia Khan Ka Tanqeed Karna Galat Nahi’: Drama Serial ‘Zanjeerain’ Par Trolling Ke Khilaf Ali Ansari Ka Difa
Maroof adakar Ali Ansari ne show ‘Rise and Shine’ me Nadia Khan par hone wali tanqeed ka difa kiya hai. Unhon ne kaha ke Sajal Aly ka drama ‘Zanjeerain’ ke scene par Nadia ke critique ko galat tarike se pesh kiya gaya aur tanqeed par ikhtilaf bilkul normal baat hai.
“Mazeed Bachay Paida Karne Ki Salah Di”: Nida Yasir Ka Dr. Fahad Mirza Se Ikhtilaf Par Khulaasa
Maroof host Nida Yasir ne khulaasa kiya hai ke Sarwat Gilani ke shohar Dr. Fahad Mirza ne unhe teesre bachay ke baad bhi mazeed bache paida karne ka mashwara diya tha. Fahad ka kehna tha ke khubsurat joroon ke ziyada bache hone chahiye, jabke Nida ne barhti abadi aur parvarish ke masail ke baais is se ikhtilaf kiya.
Danish Taimoor Na Talaq Ki Afwahon Par Khamoshi Tordi
Maroof actor Danish Taimoor ne ahliya Ayeza Khan se talaq ki afwahon par khamoshi todte hue in khabron ko be-bunyaad qarar diya hai. Unhon ne kaha ke Ayeza unki biwi aur bachon ki maa hain, dono apni zindagi me behad khush hain aur masroofiyat ki wajah se aisi jhooti khabron par dhyan nahi dete.
“YouTube Par 1 Billion Views Ka Sang-e-Meel”: Drama Serial ‘Zanjeerain’ Ne Kamyabi Ka Naya Record Bana Diya
Hum TV ke maqbool drama serial ‘Zanjeerain’ ne YouTube par 1 billion se ziyada views haasil kar ke aik naya record qayaim kar diya hai. Drama ke shaiqeen is ki kahani aur adakaari ko behad pasand kar rahe hain, jabke drama rozana raat 8 baje Hum TV par nashr kiya jata hai.
“Male Colleagues Ne Peeth Mein Chhura Ghonpa”: Sadia Imam Ka Showbiz Industry Ke Dhoke Par Khulaasa
Maroof adakaara Sadia Imam ne Good Morning Pakistan me khulaasa kiya ke show-biz me unke mard sathiyon ne unhe dhoka diya aur unke khilaf saazishein kien. Unhon ne bataya ke mard adakar unhe kaam se nikalwane ki koshish karte thay kyun ke wo shooting par partying karna pasand nahi karti thien.
‘Ae Allah, Maine Thora Sa Chaha Tha Aur Tu Ne Samandar Se Nawaza’: Fahad Mustafa Ka Dil Chhoo Lene Wala Paigham Viral
Maroof adakar aur host Fahad Mustafa ne fans ke liye aik khubsurat dua share ki hai. Unhon ne kaha ke Allah aap ki zindagi me wo waqt laaye jab aap kahein ke ‘Ae Allah, maine thora sa chaha tha aur Tu ne mujhe samandar se nawaza’. Is paigham ko fans behad pasand kar rahe hain.